|
|
بسم الله الرحمن الرحيم
السلام عليكم ورحمة الله وبركاته
شلونكم بنات ؟؟ انشاء الله الكل يكون بخير وصحه وعافيه وراحه يارب
مادري اذا موضوعي مكانه صح ولا لا بس ماعتقد احد بيفيدني كثر بنات هالقسم
انا مو متزوجه ولا جربت الزواج وباقيلي سنه ونص انشاء الله واتخرج واتوظف ..
حبيت انسان .. اخلاق .. وطيب .. وادب .. وفيه كل الصفات الحلوه ..
للأسف هالانسان كان مطلق من قبل وعنده بنت بأولى روضه ..
وقالي عن كل اسباب طلاقه مع زوجته القبليه وفعلا المره كانت مأذيته وايد وبأول اسبوع من خلصت العده على طول تزوجت واحد ثاني وقطت البنيه عليه ..
واهوا بالاساس ماكان بيخليها عندها لأنه مايقدر يتخلى عن بنته ..
اهوا عمره 24 يعني توه بعز شبابه بس انظلم مع الي تزوجها وأذته وايد ودخلته نيابه ومحاكم بس تبي الطلاق ..
انا توني صغيره عمري 18 سنه والولد يبيني ويبي يتقدم لي ..
بس محتاره وايد
خايفه اني اكون ظلمت نفسي لو واقفت على هالزواج ..
انا كلمت امي عنه
قالتلي انسيه … انتي شنو ناقصج عشان تاخذين واحد مطلق وعنده بنيه
توج صغيره والحياة جدامج وبييج واحد احسن انشاء الله وبتبدين معاه حياتج خطوه خطوه من يديد ..
هالانسان كاسر خاطري ايد
كلمني عن حياته من يوم كان يدرس ليما توظف
انظلم وايد وتأذى وايد ومارتاح بشي
ومثل مايقول انه لقى راحته معاي ولقى انسانه تفهمه وتحبه وتغير حياته وتكون يمه وماتعامل بنته معامله مو حلوه
انا اموت باليهال واهوا عارف هالشي وقلبي حنون حييل وبسرعه ينكسر خاطري
قاعده اقول حق نفسي
اهوا والبنيه مالهم ذنب
واثنينهم محتاجيني
لدرجة انه نزلت دمعته واهوا يكلمني عن حياته
انا مو عارفه شسوي
الولد زين وحبوب وكل شي
بس عيبه هالشي وللأسف انه ماله ذنب بالهشي
اذا فيه بنات عندنا بالمنتدى مرو بلي انا مريت فيه وتزوجو رياييل مطلقين وعندهم عيال واهمه توهم ماعمرهم جربو هالشي
ياليت يفيدوني
اقصد انه البنت تكون مو مجربه الزواج وتتزوج واحد مطلق وعنده عيال
افيدوني الله يخليكم
الي تدخل عالاقل بس خلتقول رايها او نصيحه او وجهة نظر
بليز ترا وايد هالشي محيرني ومو مخليني مرتاحه
.
.
.
.
.
مغتربه بقلبه
موشرط اللى ترد عليج لازم تكون متزوجه من مطلق وعنده عيال موشرط حبيبتى لانه انتى ظروفج غير ظروف البنات الموجودين هنيه وكل وحده لها ظروفها
انتى عرفتيه وبينكم قصة حب يعنى موزواج تقليدى وبالطريقه هذى لازم تاخذين وقتج بالتفكير وماتحكم فيج العواطف بس لازم تاخذين قرار من العقل والقلب
والله يوفقج ويرزقج
فديتج والله
قاعده افكر والله
ومحتاره وايد
بليز قوليلي شلون اغير العنوان بليز الله يرضى عليج
وتسلمين ياقلبى
ان البنت اذا كبرت راح تلومج لانج اخذتي ابوها
وراح تكون همزه وصل بين ابوها وامها
وانت صغيره اخذي رأيي امج ابركلج
ولاتنسين الحب يرووح مع الايام
مدام انج تحبينه وواثقه فيه ومتأكده من حبه لج
توكلي على الله والله يسعدكم انشاءالله وويوفقكم ..
انا اشووف سواء عنده عيال او ماعنده متزوج مو متزوج مطلق مو مطلق
اهم شي الراحه النفسية
مو شرط تتزوجيين من ولد مو متزوج بترتااحيين وياه
انا تزوجت صبي ولد عايلة ومحامي وكل الناس تمدحه رديييت من شهر العسل
ماقدرت اتحمل دقييقة واستحييت قطعت شهر العسل ورجعت
شسوااااالي؟؟؟
شفاادني فييه
بس خذييت لقب مطلقه
ورفييجتي
خذت واحد ولد عايله وغني
قعدت معاه سنتييييييييييييييييييييييييييييييييييييييين
يننووها اهله حتى السحووور حطولها
وتطلقت منه تالي
ومايابت عياال
هل معنااته احنا اللي مو زيينيين
او الرياييل مو زينيين
مو شرط
بس لازم اتعرفين شغله
انه سواء عنده بنت وحده
او عشره
نفس الشي
انتي ممكن اتعامليينهم زيين
وتربيينهم احسن تربية ويكونون زينيين وياج
وممكن العكس ممكن انتي تكشين منهم
هذا شعوور غصبن على الوحده ترى
خاصه اذا الياهل بنت
والبنت اقرب حق ابووها معرووف من الولد
ممكن اهي اتغاار
المهم
زبدة الكلام
انه حدووث المشاكل وارد اذا عنده عياال
لااااااا وعايشيين عندج
لاتلبسين على راحتج لاتقعديين على راحتج
المهم
مثل ما انه وارده حدووث المشاكل بزواجج منه
ممكن تحدث لج مشااكل عويصه اكثر مع الي ماتزوج من قبل
وتستحيين تطلبين الانفصال
او تحملين ويصير عندج ياهل وتطلقين من ريلج الله لا يقووله لانه فاسد
وتحبين واحد
اهله مارضوا اتزوجييينه
لانج مطلقه وعندج ياهل
حطي نفسج بمكااانه
لو انتي اللي متزوجة ومنفصله؟؟هل راح يقبل فييج؟؟
شي ثاني
هذا زوااج
لازم تساليين عن كل قظ ابره يتعلق فيييه
والله يوفقج
ولاتسمعيين الا نفسج
طيعييني
نصييحة اخت جربت الزواج
شوفي لو البنت كبيرة اقولج ماراح تتقبل و راح تتأذين
او لو عنده عيال وايد
بس مدامها صغيرة فعادي راح تكبر و انتي تربينها
بس حطي بالج لا يوم من الايام تفرقين بينها و بين عيالج
اما عن الزواج من مطلق مافيها شي كللللللللللش
و مو شرط العيب منه ترا ساعات فيه بنات يكون الغلط منهم
مو كل الغلط على الريال و يامااااااا بنات خذوا مطلقين عادي جدا ترا اصلا الواحد يالله يحصل رياييل هالايام
بالعكس انا من وجهة نظري انه يكون عايش تجربه و مجرب
عشان جذي راح يحافظ على تجربته الثانيه كثر مايقدر ( خصوصا عن حب خخخخخخ )
انتي بس صلي استخاره و شوفي شنو يصير معاج
و ترا لحد يقولج انتي مافيج شي ليش تاخذين مطلق ترا عمر الزواج من مطلق ماكان من نقص
يعني انا برايي تاخذين مطلق يحبج و تحبينه
احسن من ولد بزواج تقليدي و عقب الزواج تنصدمين لا سمح الله عنده شي اخلاقي او يحب وحده او تحته شي
انا ماقولج الزواج من غير مطلق مو زين لا بالعكس حلو
بس قصدي اذا جاتج فرصة زينه و الولد زين شنو اللي يمنع من انج ترتبطين فيع
و ترا هو عنده بنت وحده بس مو عيال وايد يعني ماراح تفرق وايد و حتى لو تجيبين ولد راح ينادونج انتي وياه باسم هالولد يعني حدا عادي
المهم انتي كسبي قلبه و صييييييييييييييييييييري كثر ماتقدرين زينه مع هالبنت و لا تتغيرين عليها
و صدقيني مدام عنده بنت و اختار ياخذج هذا على ثقة انج راح تصيرين زينه معاها فأنتي لا تخيبين ظنه فيج
و انشالله بتفرحين و اكيد هو انسان زين الله الله عطاه وحده نفسج 
و الله يوفقكم و طمنيني عليج
و اذا تزوجتي لا تنسين تعزميني ( شكو لقافة خخخخخخخخخخخخخ)
لوووووووووووووووووووووووول
انا اللي اشوفه عادي انج تاخذينه بس برضى اهلج طبعا
اشفيها يعني اذا مطلق
دام اخلاقه زينه ومرته اهي اللى ما تبيه من رداتهاا شلون يجيها قلب تقط البنت عليه
استخيري ربج والله بيكتب اللي فيه الخير
والمطلق ماكو شي عادي بس البنت راح تكون همزه وصل بينها وبين امها بس والا عادي مدام الرجال شاريج بس انتي مستعده تربين البنت ؟
يعني فكري وسمعي كلام امج ,,والله يوفقج
الزواج مافي مجاملات او تنازلات بس لانه كاسر خاطرج وان حياته كان كلها متأذي
اتمني لك ان ربي يبصرج وتلقين السعاده سواء معاه او غيره بس فكري عدل وتأكدي من اللي سمعتيه منه وسألي عنه
أولا أسأل الله سبحانه يختار لج الخيرة والصالح والزين لج
ثانيا حبيبتي في نقاط لازم تنتبهين لها لأنج كاقد تفكرين بعاطفة شوي:
*لازم تسألين نفسج إذا هو زين لهذه الدرجة ليش المرة أصرت على الإنفصال..مهما يكون المرة ماتحب الطلاق إلا إذا شايفة لها شوفه متيقنة منها..أوحياتها مع ريلها لا تطاق..وتذكري عمري إنج سمعتي السالفة من طرف واحد الي هو طرفه
*بعدين ترا الزواج في وايد أمور..يعني مع بنته شي أكيد ما راح تاخذون راحتكم وفي قسم كبير من خصوصيتكم راح يروح
إذا تقدرين تتحملين خو وايد زين بس صراحة مو كل وحدة تتحمل
يعني طلعاتكم
مطاعمكم
حتى وقت النوم ممكن تدخل عليكم تقول خايفة
أوتصر باباتها ينام عندها
إنتي خو تاخذين أجر بهالمسكينة
بس إذا كنتي تتحملين عشان لا يجي باجر وتاخذين فيها إثم وإنتي ماتدرين من القسوة
أعرف وحدة مثلج كانت لزوجها إخت يتيمة صغيرة كل يوم في بيت أحد من خواته المتزوجات
أخيرا استقرت في بيته الي هوبيتها
والبنت ملعونة وملسونة
تتسلط على اليهال الصغار
وعلى عيالها
والأخو ( الزوج) يقول هذي يتيمة وهذي مسكينة وكل مشاكلهم بسبتها
فكري عدل
لا تصدقين دموع الرجال
فكري بعقلج قبل عواطفج و احسبيها من جميع الجهات
يمكن يكون شخص زين بس ما كان المفروض يبين لج معاناته
الكل مر بظروف و الكل عنده مشاكل مو اهو و بس
بس الرجال لازم يتخطاها و لا تأثر فيه لازم يكون قوي
مشكلة الرجال عندنا يبينون انهم يكسرون الخاطر و البنت على طول تتعاطف معاه
بحياتي ما سمعت رجال يقول بنت كسرت خاطري مع ان البنت اهي الطرف الاضعف
و أخيرا استخيري و ربي يكتب لج اللي فيه الصالح
وسألو عنه على كثر ما تقدرون حتى لو انتي تعفينه عدل هم خلي ابوج واخوانج يسألون عنه ..
اذا طلع زين توكلي على الله ..
بس اذا متزوج وعنده بنت واذا مرته الاولانيه درت انه متزوج ماتدرين شبتسوي
وطلباتهم ماراح تخلص
وانتي كيفج
