البعض مو الكل

السلام عليكم
.
.
.
.
.
حبيت اليوم اشاركم بموضوع اليوم اكيد عشتوه اوتعايشتوه من المجتمع ,,,,,,
بعض حريم الاخوان
بس من تنزل من شقتها للنغزات ورفعت الخشم جاهزه ولا لها شغل في البيت من طبخ ولا اي شي (طبعا اهي مو خدامه بس الكلمه الطبيه صدقه… خالتي تبين شي .. بخاطرج شي اسويه لج ,,)

واذا عزيمه عند حمولتها حالها حال الضيوف تتقهوه وياعيني ع الخاله والبنات اللي تصب القهوه واللي تدور بالحلى واللي تبخر واللي ..
وعيالها طبعا (الاحفاد) يخربون يكسرون اي شي ماتحترق اعصابها ولاشي بس تتكلم بكلمه وحده عيب ياماما هذا اذا كلفت على عمرها والزوج موجود قدام عينه بس واذا طالع عااااااااااااااااااااااااااادي
وعند اهلها الادب والنظافه ولا بعد تساعد امها وخواتها وتباشر الضيوف
ليش حمولتج مو اهلج بعد ؟
مو هم الي اختاروج لولدهم؟
مايستاهلون منج الكلمه الطيبه ومشاركتهم بالحياه بحلوه ومرها ؟
طبعا هذا البعض من حريم الاخوان
مو كلهم
والبعض الاخر بنتج اللي ماولدتيها,,,

اهي سنعه ببيت اهلها
و لازم الريال يكون سنع ببيت اهله
يعني الشرهه على الريال لما يسكت على عياله و هم يخربون ببيت اهله
و بعدين تبون مرت الاخو تصير من عايلتكم ها ؟
ووقت الصجية ………. انتي مالج شغل و انتي غريبه
حبيبتي لو نحط نحدود بحياتنا وايد بنرتاح

حبيبتي نسلم ونزور ونوجب ونساعد

بس موحلوه الميانه واييد

خصوصا الحريم مهما كانت زينه الخاله او الحموات

لازم تصير مشاكل بين الحرام هالشي ظروري

عشان جذي توجب وتبوس خالتها على راسهاا وتسلم عليها وتوجبها

بس بزوود مو حلوه كلش

يعني في حمايل يرضون مرت ولدهم توقف معاهم وتساعدهم بس الباجي لا مايبون

بيقولون شكو قايمه يعني بنحط سوالف مانبيها تشوف

ولا بنسوي اشيا بمطبخ ولا بنسولف مانبيها تسمع

يعني باختصار رزة الفيس موحلوه

الحدود اريح .. بس مو معناته نفسيه عليهم وما اتحاجى لا اضحك واسولف بس سوالف عامه واساعد خالتي لا حسيت انها تعبت ولا موقادره بروحها ولا ماعندها احد كلش

بس ارز فيسي وااطق الصدر كل ما اروح لهم وانظف واطبخ وانفخ لا والله بتتعبين انتي حبيبتي بحيااتج

اعتبروها مو موجوده بحياتكم او اعتبري ان اخوج مو متزوجها شلون بتعيشون حياتكم ؟؟ بطبخون و تحطون و تييبون و تودون و بتسوون كل شي من غير لا تتحلطمون علىها
يعنى ألحين عبالج اذا جاملتكم و دخلت المطبخ و سوت لكم شغله عبالج بيترس عينكم ؟؟؟
هم بعد بدورون عذروب ثاني خليها جذي لا اتعب نفسها عشان لا تتحسف بدين

كلامج عين العقل … أوافقها الرأي

دامها مو مسببه مشكال لكم خلااااااااااااص شلكم فيها بعد!
ليش جذي بعض الحريم يدورون الزله بحمواتها ولا حريم حموانها
كل وحده تعيش حياتها وبسسسسسس

اتفق معااج

وصاحبة الموضوع اهي مو خدامه واللي بيشتغل من كيفه يعني مو غصب
انا عند حمولتي اسوي اذا كان لي خلق
بس اذا السالفه غصب لا والله ما اسوي شي

اهى المفروض علي الاقل ومن الذرابه تمسك عيالها

بنات اهي مو خدامه صح
بس بعد مو حلوه بس تنزل وتاكل
يعني اهي اذا تاكل مع الناس مثلا واهم ماعندهم طباخه يعني الام والخوات اهم اللي يطبخون المفروض تشاركهم اذا بتاكل احسن
مو تاكل وتمسح ايدها بالطوفه وتصعد
بعد مايصير جذي
والمفروض تعلم عيالها اذا اهم مشاغبين تقولهم قعدو ماما عيب مايصير موزين جذي
اما اذا اسكتت عن شطانتهم معناته اهي راضيه بهالشي

حبيبتي

زوجة الاخ مسئوله عن بيتها فقط

ولكن

من واجبها احترام اهل زوجها

تسلم عليهم ….تقوم بالواجبات من زيارات وغيره

اما سالفة صب قهوه وصب شي

احس هالسالفة ما تعب ولا حاله ولا حتى مقياس لقدر مرت الاخو

اللي فيها خير بتشارك بدون طلب ولا مجامله

واللي ما فيها خير بترفع خشمها على كل الامور

الله يعيني على الجناين باجر

فوفو

انا اتصرف عند حمولتي زي ما كتبتي بموضوعج و اعتقد غلط
بالعكي انا صارلي 5 سنين متزوجة و للحين ما واجهت و لا اي مشكلة معاهم اني على الرسمي معاهم

الله يرحم ايام اول حريم الاخوان اهم الي يطبخون ويضيفون والحموات يجيون ضيفات مع الناس …..الوقت تغير والبنات تغيروا مو مشكله تجي ضيفه على عينا وراسنا بس لا تنزل عيالها تحت والحليب ينقط من المميه على الزوليه والسيراميك …والا رجلج ان عزم ربعه على الغدا ظهرج وراسج يعورج تقوم العجوز تكلرف بالمطبخ وانتي معلقه فوق …والا اذا خلص الغاز ونزلت خدامتج تبي تسوي شغله تحوس المطبخ وتطلع ويا ويلها العجوز ان كلمتها الاكل لعيالكم مو لي ؟؟؟؟؟؟والا ان تجمعوا الحموات قاعده ساكته تسع كل سالفه وتفسرها على مزاجها المريضوثاني يوم الاخو زعلان ..حضرتها طول الليل تحرشه على خواته قالوا وسوا …..والا ان كانت الوحده مريضه والا مسويه عمليه من حواتها ..ثاني يوم هجت لبيت اهلها ما لها خلق للازعاج والرجال طااااااااااااااااااااااااااااف ….يجي من الدوام نغسل هدومه ونحضر اكله اخوي وعلى عيني وراسي ..بس مرتك ما فيها الا العافيه ……..ومثل عنوان الموضوع البعض مو الكل

والله كلن وكيفه ،،
اللي بيساعد من طيبه والا مو لازم ، الله لا يحدنا على أحد ولا يحدهم علينا ،،
وسالفة عيالها يخربون ، لا عاد !
انا كلش ولاهالسوالف والله لو انهم عيالي مو عيالها ، لأصرقعهم وأطلعهم برى واللي بيزعل يزعل ،،
وبس ، لا تنطرون من أحد شي ، لأن محد ملزوم بشي ،
ومثل ماقلتلك اللي بيساعد من طيبه والا مو لازم .

على حسب .. اذا الوحدة هبت ريح وشقردية بتقووم بالواجب ..

واذا بارده ونظامها يالله يالله نفسى .. بترتز حالها حال الضيووف ..

وتبين الصراحة .. لاتقوولين جنة ولا مرت اخوووو .. مايقووم بالبيت الا البنات حتى لو متزوجات وترا هالشئ عااادى ..

بالنهاية مرت الاخوو لها حدود ..

قلبج متررررررررروسه ..

الاعاد مرتة متبطحة فووق وامة تطبخ !!! عمرهم ماكلووووا ..

قبل لايعزم يستأذن من مرتة ابرك لوووووووووول