|
|
انا بقوللكم الموقف وانتم احكموا
انا معلمه في الثانوي نص القسم كويتيات و النصف الثاني مصريات
علاقتنا جيدة بس فيه شغله مضايقتني وهو ان عندنا تصحيح ونقعد لوقت متاخر
كل يوم وحده تطلب لنا الغدا على حسابها
حنا مو ماشيين على جدول اللي تحب تطلب تطلب
المهم المصريات يطلبون و احيانا يجبون غدا للقسم كله
وانا طلبت كذا مره
بس الفشله وين؟؟؟؟؟؟
بنات ديرتي الكويتيات وعددهم 4
ياكلون ولا يفكرون يطلبون؟؟؟؟؟؟
والله عيب معاشهم ضعف معاش المصريات ومع هذا يا كلون و يغسلون ايدهم ولا لهم دعوه في احد
والله انا مفتشله منهم.gif "Eh S(4)")
ما أقدر اقولهم اطلبوا عيب وفشله ؟؟
لا تقولوون ظروفهم انا اعرفهم عدل ضروفهم الماديه وااايد زينه؟؟
بس عيب؟؟
و الله عيب؟؟؟
وبيني وبينج لازم تحاجينهم وإلا على الأقل تنغزينهم شسالفه؟؟؟؟
والله عيب وفشله!!!!
الله يعينج عليهم
ما يبيله حبيبتى كلميهم مو زين عليهم جذى
كـلميهم حـبيبتي واذا ما تقدرين بينيلهـم 
.gif "Eh S(13)")
يعني يستخسرون يطلبون حق روحهم صمونه اب 100 فلس ولا حتى فطيره بربع مااااااادري ليش !!!!
واهما اول الناس اللي اذا وصل الطلب يفتحون الجيس وياكلون .gif "Eh S(14)")
لا تقولون تكلموا وا قطوا نغزات لأنه مااكو اي فايده ويوهم منجبه الحمدالله والشكر … قطيناها بالويهه وهم ماكو فايده .. وصج مو قاصرهم شي لبس وجناط ومكياج ماركات وسيايير آخر موديل 
اللهم لك الحمد ولك الشكر الله يفشلهم على هالطبع صج طبع خايس
صج فشله وعيب
لازم يطلبون حالهم حال غيرهم ولا لا ياكلون
المصريات كوول
ودام مايبون احسن كل واحد اييب ريوقه بنفسه
لوانا اقطها بويههم وجنه العيد الحق حق
عالاقل لويعتذرون ويحسون احسن
الصراحه هذولي ما يستحون قطيها بويهم اشكره خل يستحون على دمهم
شنوو صار العكس المصريه اتييب وهذولي يبلعون
الله يبعدنا عن هالاشكال .. اللي لا حيا و لا مستحى .