البجي بدوووون سبب؟؟؟؟؟؟؟!!!!!!!

السلام عليكم و رحمة الله و بركاته..

بنات بسألكم سؤال؟؟

ماتحسون مرات ان ودكم تبجون بدون سبب قوي؟؟

يعني شي حددده تافه و البجي مولايق على هالسبب؟؟

او مرات حتى بدون سبب بس تبين تبجين!!

اذا اجابتكم اي هل تستسلمون للبجي؟؟

او شنو اللي ممكن تسوونه عشان يغير نفسيتكم في هاللحظه؟؟

احس هالحاله قامت تتكرر معاي وايد

لا تقولولي عشان حمل و الهرمونات و الخ ..حتى من قبل الحمل كانت تيني هالحاله..و اتوقع وايد منكم تصير معاهم

يله قولولي شلون اتغيرين نفسيتج للأفضل؟؟؟؟؟

و بدال تصيرين

اي والله وانتي صاجه احيانا تجيني هالحاله ابجي ليش ماادري مرات احط اسباب ماتستاهل البجي بس كانه فيه كبت وودي اطلعه …. مرات ابجي عشان مايتراكم بعدين كل بجيه بروحها خخخخخخخ لاني مرات امسك نفسي فتلقين ادبلها وقت ثاني لوووووووووووووووول
اذا ماابي ابجي افكر باشياء حلوة بحياتي او بس اطالع بويه ولدي ترد روحي واقول ابجي وانا عندي هالولد ربي يخليه لي

ربييسهل عليج حملج فكري باللي بطنج يمكن نفسيه تتعدل والله يبعد عنج الهم والكدر

صاجين خواتى تجى هالحاله واتضايق اليوم كله وابكى بعد بعدين لما اقعد مع نفسى اقول شلى مضايقنى هاليوم يطلع الامر تافه ومايسوى

هلا والله في بنت الحزن..( عاد نكج بروحه يعور القلب) و الله يبعد عنج الحزن حبيبتي..

حلوه اقتراحاتج ماصرتي..

بس انا قصدي ان مايصير معاج جذي مرات؟؟

و اذا صار شتسوين غالبا؟؟

تفاحه حمره اي والله صدقتي الظاهر من الكبت

ضحكتيني على سالفه كل بجية بروح عشان ما تتراكم ههههههه

اتصدقين انا احس نفسج جذي مرات اكون كابته بموقف بعدين لم يصير موقف مشابه ابجي على الموقف اللي مابجيت فيه و الموقف اللي توه صاير هههههههه ( الحمدلله و الشكر )

الله يخليلج وليديج و تشوفينه معرس ان شاء الله

اي العيون احس هذي السالفه منتشره

بس شنو حلها؟

لازم وحده تكون امجربه ان كانت اتصير فيها هالحاله و اتغلبت عليها عشان تعطينا الحلول

انا دخلت عالعنوان لاني امر فيها الحين احس فيني بجيه وودي اتهاوش مع ريلي مع ان ماكوووووووووووو سبب
بس اشكرا ليش موعد الدوره قرب حيل
النفسيه تنقلب

واي شعور بايخ احسه

وقتها ماعرف الهي عمري ولا شي يونسني وينسيني لازم تروح بروحها مثل مايت بروحها لان مهما اسوي ماتروح لو اطلع او اسوي اي شي

بس غالبا يونسيني البباي احط رسوم قديم واقعد اطالعه
ياهل حدي

اي انا احس مرات تكون عين
بس مالها حل الا القران والصلاه تريح شوي

هالحاله طبيعية واتييني دايما قبل موعد الدوره احس اني مقموته واحس ان في اصخره على قلبي واقعد ابجي من قلب بعدها اتييني الدوره ولي يت اقول ( عدل ) من جذي.

وليش اتقولين لا اتقولون هرمونات بالعكس ترى الهرمونات لها دور اكبير ابحياتنا ولها تأثير قوي فإحنا النساء كائن هرموني والهرمونات اتأثر دايما بالنفسية.

ايييييييييييييييييييييييييييي والله اخيرا لقيت احد يفهمني
بنات انا والله واااااااااااجد ابجي على اتفه الاسباب وعموما انا حسااسه مثلا كل خدامة اهلي سافرت اليوم جان انهار كسرت خاطري معنها شهر وراده لا ومو قديمه عندنا ومثلا سالفه تكسر الخاطر شوي امموووووت بجي شي مو طبيعي بجااايه
بس يا جماعه مرات ابجي بدون سبب مادري عشان انا اخش فقلبي واجد وانسى ونفسيتي تتعب عقب ابجي وعبالي ماكو سبب والا السبب الكبت (يمكن)؟
بس بنات انا لا رديت من عرس والا جمعة ناس غرب اتعب نفسيا (مو عن ناقصني شي الحمدلله لاشكلي ولا اسلوبي ولا مستواي فيه شي) بالعربي الحمدلله مرتاحه من هالنواحي بس مادري ليش انا جذي اغلب الاوقااات ابجي لا واخر شي عقب البجي نفسيتي ترتاح واستنس والله زوجي تعب مني يقول عمري ماشفت وحده تبجي على ماكو سبب نفسج بس هذا مو معناته يوميا لا بس بجاايه

أخبرنا أبو عبد الله الحافظ رحمه الله ، أنا الحسن بن محمد بن إسحاق ، قال : سمعت سعيد بن عثمان الحناط يقول سمعت ذا النون يقول : : ( ثلاثة من علامات القلب : الأنس مع الخلق ، و الوحشة في الخلوة مع الله ، و افتقاد حلاوة الذكر المقسوم . و ثلاثة من أعلام الوله إلى الله : اضطراب الروح في البدن عند الذكر تشوقاً ، و ارتياح العقل عند النجوى تملقاً ، و ولوج الهمة في الغيوب نحو الله تخلقاً .).

حدثنا محمد بن المثنى وابن بشار وعبيد الله بن سعيد واللفظ لابن سعيد قالوا حدثنا معاذ بن هشام حدثني أبي عن قتادة عن أبي العالية عن بن عباس أن نبي الله صلى الله عليه وسلم كان يقول عند الكرب : (لا إله إلا الله العظيم الحليم لا إله إلا الله رب العرش العظيم لا إله إلا الله رب السماوات ورب الأرض ورب العرش الكريم).

أخبرنا أبو عبد الله الحافظ رحمه الله ، أنا الحسن بن محمد بن إسحاق ، قال : سمعت سعيد بن عثمان الحناط يقول سمعت ذا النون يقول : : ( ثلاثة من علامات القلب : الأنس مع الخلق ، و الوحشة في الخلوة مع الله ، و افتقاد حلاوة الذكر المقسوم . و ثلاثة من أعلام الوله إلى الله : اضطراب الروح في البدن عند الذكر تشوقاً ، و ارتياح العقل عند النجوى تملقاً ، و ولوج الهمة في الغيوب نحو الله تخلقاً .).

حدثنا محمد بن المثنى وابن بشار وعبيد الله بن سعيد واللفظ لابن سعيد قالوا حدثنا معاذ بن هشام حدثني أبي عن قتادة عن أبي العالية عن بن عباس أن نبي الله صلى الله عليه وسلم كان يقول عند الكرب : (لا إله إلا الله العظيم الحليم لا إله إلا الله رب العرش العظيم لا إله إلا الله رب السماوات ورب الأرض ورب العرش الكريم).

مغتربه يزاج الله خير والله افدتينا..

صج المفروض الواحد ابهالمواقف يكون مع ربه و يذكره عشان تروح الضيجه اللي فيه..

اموري او عموري حبيبتي انا قاعده اقول جذي لان معروف الحامل غالبا تييها ضيجه..

فالاغلب لم تقوليلهم و انتي حامل انج ضايق خلقج و متضايقه بيقولون عشان الهرمونات..هذا قصدي حبيبتي…

الاسطوريه و حايره والله مشكله هذي..

بس اعجبتني سالفة الباباي هههههه

زين اتسوين..

تصير معاي هالحالة وايد

واخر مرة امس بالليل
بس امس سبحان الله طرت علي الاية (الا بذكر الله تطمئن القلوب) فعدت اسبح واذكر الله لما والله والله حسيت برااااااااااااااااااحة
ونمت