|
|
السلام بنات….
انا قطعت العلاقه بتاتا مع اهل زوجي تعبت عشان زوجي سويت كل الللي اقدر عليه صبرت على حساب نفسيتي تعبت حيل
بكل شي حشريين وام زوجي اتمادا بالكلام والتجريح وحتي تنقل كلام مع خدامتي وتسالها كل مره عن كل شي يدور ببيتي واتخبث لي
وادور غلطاني وتكبرها وتعبت ونفسيتي تعبت تقول كلام مو فيني عند جماعه زوجي كسرتني لدرجه قطعت الكل ولا عاد ابي احد الحمدالله اني من قبيله غير كان كرهت قبيلتي
لي متي نحن مجتمع النساء نخدم ونرفع من ام الزوج خصوصا اذا كانت خبيثه ولا تعدج بنتها
ليش نهين نفسنا انسوى اشياء ما يسوووونها بناتها قمه القهر
انا ما افتخر بقطع العلاقه بس في هالللياالي العظيمه اني تعبت نفسيا وجاني ضررر وكل مره تهددني بطلقج كن ولدي المراه كارهتني خلاص ما ابي توتر علاقات وصارت فجوه كبيره بيني وبين زوجي والسببب هي زعزت استقراري واماني
المهم العلاقات الرسمية احسن احل
واذا حسيتي ان قطع العلاقة معاها زين خليج بس خلي ولدها يزورها ويواصلها عشان لا تتئاثمين وتزيد عليج
بس ياخوفي توسوسله من وراج
حاول تعطينها هدايا بداية رمضان وبعيد الام او بمناسبة ميلادها او اي مناسبة تبين الرسول سلام الله عليه يقول : تهادوا تحابوا ..
جربي منتي خسرانة شي عالاقل سويتي الي عليج وبريتي ذمتج عند ربج ..
شوفي اهم شي سويتي اللي يرضي ربج وزوجج عارف الغلط على منو خلاص مالج الا الرسميه
آنتـي قطعتيهآ جنج شآرده منهآآ . . . تحسسينهآ آنج آنتي آلغلطآنة . . .
آكككدي ع خدآمتج مآ تقول آي شي عن بيتكم عندهآ . . . و عطيهآ خبر آنه كل شي يوصلج . . . .
و شغلة ثآنـية بآلعكس روحي زوريهآآ و زوري آهلج و آهل ريلج . . . خلي آلنآس بعينهآآ تشووف آنه آلكلأآم آلي تقوله خرآبيط . . . .
ومعرفه الاخبار لا تزيد ولا تنقص
الكل ياكل ويشرب ويسافر ويشتري ويدلع نفسه
واصلا صارت العالم تنشر صورها واخر اخبارها بالانستغرام
٢- كون انها تدعي عنج كلام وتهم مو فيج هذا مشكلتها مو مشكلتج المفروض تزيدين الثقه بنفسج ويا جبل ما يهزك قيل وقال
اتعجب من بنات هالوقت ما بتحملون اي شي
وراج مشوار طويل من خاله وحموات وحريم حما وجيران وصديقات العمل واعداء وغيره
اذا كل خطا صدر منهم صديتي. وانعزلتي بعد فتره ،،
بتلاقين نفسج عايشه بروحج
تعلمي التغافل وزيدي جرعه الثقه بالنفس
فوفو
ماعليه تحملي حبيبتي ولا تصدين واجهي الامور والمواقف وعالجيهاا بعقل وحكمة
موفقه خيررر حبوبه والله يهدي خالتك ويصلح حالهاا
ماعليه تحملي حبيبتي ولا تصدين واجهي الامور والمواقف وعالجيهاا بعقل وحكمة البنت مالها الا بيتها وزوجهاا تحطهم بالمقدمه وماتفكر بالانفصال على طول واعلى اقل سبب يزعلهاا
موفقه خيررر حبوبه والله يهدي خالتك ويصلح حالهاا
في خالات كريهات
اللي حتى ولدها يستخف من قرصاتها واذاها
اذا زوجج موافقج بالقطاعه ومرتاحين قاطعي
مو كل شي بالوصل يصلح وينفع
ومو كل حل اشوفه يلوق علي
في قطاعه تفيد ماتضر
لكن عشان خاطر عيالج ومستقبلهم
واصلي عالخفيف
عيد،،،، رمضان وبس
كما تدين تدان
تحمليها. واحتسبي الاجر