الامهات اللي يودون اعيالهم الالعاب ضروووووري تدخلون :(

السلام عليكم

هالموضوع شاغلني وامحيرني وبنفس الوقت حااااااااااااااااااارني

ابي اتكلم واوجه هذا الكلام حق كل ام اتودي اعيالها الالعاب واتخليهم مع الخدم وتروووووووووح

ياربي هذيل اعيالنا حملنا فيهم وتعبنا بولادتهم وتربيتهم

اشفيها اذا قعدنا معاهم اشوي بالالعاب نشوفهم وانراقبهم وانحافظ عليهم ؟؟؟

ادري الحين الكل بيقول اشفيها الفنانه تقول هالكلام ؟؟

سمعوا وابيكم تحكمون !!

وهذي المواقف جدام عيني صارت ومحد قايلي !!

أم اتقط اعيالها مع الخدم في الالعاب واتروح وهالخدم تكفخ تكفخ في هاليهيال لين يقولون بس ماتسوى عليهم وعليه هالالعاب من ركض اليهال اسحبته هالخدامه واكفخته (وينج يالام )

أم اتقط اعيالها الالعاب واتروح وبعد مع الخدم والبنت تروح تكرمون الحمام وتطلع من الحمام واتقول حق الخدامه الماي عورني من تحت لان قوة الماي تكرمون بالحمام قويه وعلى البنت بالذات (وينج يالام )

أم تقط اعيالها بالالعاب والولد او البنت يركبون الحصان او البوني والهندي او الصعيدي اللي يمشي الحصان حاط ايده على فخذ البنت او الولد يم المنطقه الحساسه كأن يعني ماسكه هذا مو غلط ؟؟ (وينج يالام )

أم اتودي اعيالها الالعاب واتروح الولد الصغير يشرب زقاير او اذا بنت اصغيره يلاحقونها هالمصبنه الصغار واتفتح اعيونهم على اشياء اكبر من جذي لان لاحسيب ولا رقيب (وينج يالام )

أم اتودي اعيالها سواء كانت بنت ولا اصبي اشلون اتأمنين ان الياهل مايتحرش فيه احد من هالبنغاليه او غيرهم من اللي يشتغلون او ان لاسمح الله يصير فيهم اي شي بالالعاب يطيح يتعور او اييي شي من امور الدنيا
(وينج يالام )

والله ان هذي بعض المواقف اللي اشوفها بعيييييييييييني
خلونا نتقي الله بعيالنا نروح ونطلع ونتجمع مع هالحريم بالساعات مانقدر نروح مع اعيالنا ساعه الالعاب يكونون تحت نظرنا فيهم

لاتقولون نتعب تعبتي قعدي في اي مكان بالالعاب واهم يلعبون بس اهم شي تكونين بنفس المكان اللي اهم فيه

هذيل اعيالنا فلذات اكبادنا لاتاخذنا الدنيا عنهم وبعدين نقول ياليت اللي جرى ماكان

حبيت اطرح هذا الموضوع واشوف ردة الافعال واراء خواتي الامهات

وعسى الله يحفظ اعيالنا من كل مكروه اللهم امين

صاجه والله انا هذيلا ما اسميهم امهات

انا مره شفت موقف جدامي مت من القهر بالمستشفى

الأم عندها 3 يهال 2 صبيان تقريبا بو سنه وبو سنتين وبيبي صغير بدخله الطبيب

وحاطه حق ال 2 كل واحد خدامه

عاد الخدامه كانت بتودي واحد منهم تكرمون الحمام

ولا نسمع صراخه شايل بالمستشفى

راحت الأم ويابته
ولا م تقولها بكل برود ليش يبجي حسين تقولها ماما مايبي يروح حمام واهوا يبجي

تقولها مايبي حمام خلاص يبييي ليش خليتي يصرخ

المهم الأم دشت مع البيبي والحدامتين بره مع اليهال

اشوي الياهل شيطن جان تقوله حسيييييييييييييييين ترا اوديك حمام @@
الياهل قعد عاجللللللللللللللللللللللللللل الي قلت هذي شمسويه بالياهل الي مخرعته من الحمام عمى بعينها ان شاء الله
واي مت من القهر

المهم

خلصنا رحنا الصيدليه

قلت حق ريلي عطني مفتاح السياره عشان اروح مع ولدي وننطرك

ولا اشوف الخدامتين بالسياره مع اليهال

وهذي تشدخ بالياهل الي اسمه حسين
وتحذفه انصدمتتتتتتتتتتتتتتتتتتتتتتت

ققمت احز واطالع ولا الخدامه الثانيه نبهتهااااااااااااا اني قاعده اشوفها

ولا شتسوي الكلبه سوت نفسها تفصخه البلوزه وقامت تبوسه

والله بغيت انطر الأم عشان اقولها بس ريلي طلع وانصدم اني واقفه وللحين مو بالسياره

وقتله السالفه بغيت انطر الأم بس قلت اخاف تفشلني وتقولي انتي شكوووو

اي والله نونو انتي صاجه عفيه اقلوب على هالامهات

اللي موقد التربيه لااييب يهال وايقطهم على الخدم حسبي الله عليهم

حبيبتي يعطيج العافيه ومشكوووره على المرور

وين باجي الامهات ليش ماعجبكم الموضوع

واااااااااااااااي
الصراحه مالي قلب اخليهم يلعبون بروحهم مع الخدم
ماكو أمان لهم لانها بتقول اذا اهيه مو مهتمه انا اهتم وانا شكو بالياهل

نونو من صجج انا لو منج انطرها واقولها وعليه لانج بتفكين اليهال من شر هالخدامه واااي حرام والله كسر خاطري الياهل الي قلتي عنه حييل

وترى انا امي كله اتعصب علي انتي يايبه خدامتين عشان انتي تودين الياهل الحمام اقولها ما اعرف أأمن عليهم كلش لو اهيه اطيب زمانها

الحمدلله على كل حال
الله يحفظ عيالنا من شر الخدم
آمين

ذاك اليوم بالمستوصف ياهل ومعاه الخدامة ينطرون الدور!!

أخييييييييييييييه .. عفيه قلب عليهم

أستغرب من هالامهات .. مو معقوله هاللي قاعد يصير ترى شي فظيييييييييييييييييع ..

والله نونو زين ما تكلمتي اذا الواحد تكلم هالايام على طول ردوا عليه وانتي شكو .. مع ان هاليهال والله يكسرون الخاطر وبكل مكان جذي هالخدم ماسكين اليهال وطق فيهم وزف وتهديد والامهات ولا بالبال لا اهتمام ولا رعاية ولا حتى تربية

ممممممممممممممممممم كلامكم عدل بس مثلا مرات مو دايم مراااات عادي اخلي الخدانه مثلا مع الياهل بسوق السالمية يلعبون على ما الف تحت مثلا ادور شغله و المكان قريب و كل دقيقة ادق على الحدامه اسالا للعلم هذي الخدامة فوق ال12 سنة من كنت صغيرة في بيت ابوي و الهنود قلبهم رحيم و اليهال يتحجون يقولون زفتني ما خلتني بصراحه خليتوني افكر لازم اعيد حساباتي و احسب حساب هالشيء و صح اشوف مرات اهمال وايد حتى باللب سعنس شلون ام بنتج متبتبة و مو صغيرة فيها 7 سنين و فوق لابسة الشوورت ضيييييييييييييج و قصيييييييييييييييييييييييييييييييييييييييييييييييي يييييييييييييييييييير والله كانه ملابس داخلية ولا تنوورة قصير تلعب صروالها يطلع و هذوول المصريين و الهنود يطالعون و لا يشيلها بركبها اللعبة احس لما اشوف جذي اشمئز و ودي انطر الام اكلمها بس صح مرات امهات يفششلوونج تصرخ انتي شكو ماتسوى علينا

انا قبل خدامتي كانت وايد أمينة اخلي بنتي معاها واقعد عندهم بالالعاب اشوفهم لني كنت حامل وتعبانة بس الحين لااااااااازم انا معاهم او اكون بنفس المكان عالأقل

حياكم الله يالامهات

اي الله انا ماأأيد الامهات اللي يقطون اعيالهم الالعاب ويروحون

عينك على مالك دوا

فى امهات ما يقطون عيالهم على الخدامه فى الالعاب وبس .. لا يعتمدون على الخدامه فى كل شى .. سمعوا هالموقف على لسان ولية امر ولدها او بنتها فى الروضه والله ما اذكر المهم شافت السايق كل يوم ياخذ البنت من الروضه ويقعدها بحضنه ويروح مره ومرتين جان تقوله ها شلون ماما انا رفيجتها ومن زمان ما شفتها عندك موبايل ماما المهم السايف عطاها الرقم ودقت المره على ام البنيه تتوقعون شنووووووووووو قالت : هذا سايقنا ومن عمر واحنا نعرفه وانتى شكو ومن هالحجى !!

صراحه انا خفت الأم تفشلني

لأن شفتها تتكلم بالتلفون وومعصبه اول ماقعدت تنطر دورها بالمستشفى

فقلت اخاف اقولها واحوشلي زفه

بس صج صج قلبي عورني عاليهال

موضوع يعور القلب

مشكوره يالفنانه على النصيحه

و الله حرام و الياهل اشلون يستانس من غير امه و ابوه عفيه قلب عليهم

بنات أنا أبروحي قاعده أحاتي شلون بداوم وأخلي ولدي عند الخدامه لاتخلوني أوسوس زياده بروحي وسواسيه بسألكم تخلون عيالكم عند الخدم وأداومون وشلون الطريقه أدقون عليها كل شوي تسألونها عن البيبي.

عاد اليوم كنا بمطعم

على بالكم قعدت مثل الاوادم كل شوي طاله عليهم

مع انه عيالي مع عيال حمولتي وكبار عيال حمولتي

والالعاب يمنا ليتل سيزر اللي في بيان واحنا قاعدين عالطاولات

انا اللي مره شفت وحده بحديقه مشرف قطت الياهل والخدامه من عند الباب ورااااحت

انا اهني بققت عيوني الياهل صغير في 3 سنين وااااااااااااااااااي

اشلون جذي والله قطتهم ومشت

الله يهديهم ان شاء الله ويحفظ عيالنا وعيال المسلمين تسلمين على هالموضوع يالغاليه