|
|
السلام عليكم
ملينا واحنا ندرس هالعيال للامتحانات , يروحون للمدرسة ترجع البنت تقول ان المدرسات يغششونهم
وكل يوم على الحال 
سألت كذا أم تقول نفس الكلام, ليش يسون جذي ما أدري
الظاهر ان نسبة الرسوب مرتفعة
على العموم الله يوفق الجميع
ماادرى ليش معقوله شافوا نسبة الرسوم مرتفعه علشان جذيه
قاموا يغششونهم
بس عن مدرستنا نوضح الاشياء غير المفهومه بس لان اختبار الوزارة بصراحه صعب حيل حسبالهم عيالنا عباقرة
انا ما اذم بعيالنا بس بصراحه كاسرين خاطرنا مثلا خامسة صار لهم 4 سنين نايمين والحين يبون يصحونهم من اول ما ادخلوا واهم ملف انجازي مافي سقوط والحين تصير لهم اختبارات موحده من الوزارة هذا ظلم
بس لايشوفون وزارة التربية المنتدى وباجر يطالبون باعادة الامتحانات مرة ثانية
تخيلوا تدريس من جد وجديد لووووووووووووووول
بس ترى زين يسوون لأن حرام عيالنا مو قادرين يلحقون الكتاب كله
بنتى بخامسه وكل يوم جايه تبكى
تقول بنت الابله الفلانيه كل يوم تجيها ابله تغششها تكتب لها الامتحان كامل وتطلع
وانا ادرس وغيري يغششونه حرام عليهم
واحاول اهديها
حرام عليها تدز احد يغششون بنات الابلات وبناتنا موبمدارسنا محد يغششهم
انقهر واسكت مدرى شنو اقولها
بنات موقهر؟
بنتى ماتحل والسبه منقهره من البنت اللى جنبها كل يوم داخله عليها ابله تغششها الامتحان
بغيت ادق على الناظره وابلغها؟ بس فشله
يالله هانت باقي يومين ونخلص الامتحانات
مبدأ التغشيش يعلم اليهال الاعتماد على الغش وعدم الدراسة
قال رسول الله صلى الله عليهم وسلم " من غشنا ليس منا "
وبعدين عندما يروحون المتوسط يفشلون
الامتحانات ما وضعت الا لتقييم نظام الدراسة ومعرفة مستوى الطلبة
فاذا يبون يغششونهم لا يمتحنونهم ولا يتهبزن نفسهم
و اذا في ناس يغششونهم
كله محسوب بذمتهم عند رب العالمين
لأن حرام
الامتحانات صعبه وفوق عقليه الطفل ولا اطفال يعطوونهم ست سبع صفحات وين صارت
غصب يبونهم يسقطون او ينزل مستواهم ؟؟؟ جنهم متحدين الاطفال
حرام عليهم خل يرحمونا ويرحمونهم
الله يصبرنا ويعينا على التخبط اللى قاعد يصير بس
المدرسة اللي فيها نسبة رسوب وايد ما يعطونها امتياز وطبعا الامتياز في من وراه 1000 دينار للمدرسة هذا اولا
ثانيا تقدير المدرسة مرتبط بعدد رسوب الطلبة عندها بالصف اذا كان عدد الراسبين اكثر من خمسة ما يعطونها امياز
فمظطرة المدرسة تساعد باليهال عشان ينجحون ومنو الضحية احنا ياللي ذابحين انفسنا وندرس بعيالنا واللي مادرسو يبون نفس النتيجة شفتوا القهر يا بنات