الامتحانات ع الأبواب ! تعالوا معاي انصحكم شلون تنظمون وقتكم ؟؟

اول شي السلام عليكم ورحمة الله وبركاته

طبعاً مثل ما احنا نعرف ان الامتحانات داخله علينا ولازم نستقبلها بعزيمه واصرار ومثآبره
طبعا الثنويه والمتوسط يبدون تاريخ 27/1 ان شا الله

خل اعطيكم بعض الارشادات والنصايح واتمنى انكم تلتزمون فيها وما تفرطون فيها >> شدعوه

1- اكيد بيعطونه اسبوع او اكثر عشان ندرس طبعا هالفتره لازم استغلها استغلال صح يعني :
اسوي جدول معين واحط فيه المواد متسلسله من الاصعب الى الاسهل يعني

* الفيزياء اخصصله يوم ادرس فيه الجزئيه الي ما امتحنت فيها (( اصدميني وقوليلي يوم واحد مايكفي اخلص جزئيه معينه )) وطبعا الي باقي من الكميه ادرسله قبل الامتحان
<< ونفس الشي الكلام ينطبق ع الكيمياء >>

* الرياضيات صراحه انصحكم ندرسون الاجزاء الصعبه فقط او الي فيها قوانين وطبعا اخذيلج دفتر وحلي فيه مسائل وايد خصوصا الرياضيات

*الاحياء هم نفس الشي اخصصله يوم ادرس فيه الجزئيه الي ما امتحنت فيها واحل التقاويم الي ورا بالكتاب بحيث لما يجي موعد الاختبار اكون بس ادرس حق الجزئيه الباجيه والي درسته اراجعه

* الاجتماعيات والامواد الادبيه هذي يبله يوم كامل تحفظين الكتاب نصه والله احسن لانه الحفظ الوايد راح يتعبج نفسيا وعقليا طبعا تاخذون فترات راحه يعني ساعه اطالع تلفزيون او اسوي الي ابيه او هم بعد ساعتين

* اللغه الانجليزيه والعربي يبلهم يومين يوم انجليزي ( ادرس فيه الست وبوك والكلمات والتعاريف )
والعربي ( ادرس 4 دروس الي ما امتحنت فيهم ) وكذلك البلاغه والنحو اخصصلهم ساعتين ادرس فيهم

وبس اتمنى اني فدتكم
ولاتنسون تلتزمون بصلاتكم طبعا بكل الاوقات بالسراء والضراء مو بس وقت الامتحانات تصيرين العريفي لا الله بالهطريقه ماراح يوقفج وكذلك اقروا قران والله انه يشرح الصدرو يبعد عنج التوترو القلق

وبس دعواتكم حبايبي

بناااااااااااااااااااات وينكم شدعوه =((

مبين انج علمي

صاجه اايدج بصراحه

بس طريقة الادبي شوي تختلف عنكم احنا عندنا حفظ واااااااااااااااايد فياخذ وقت اكبر

مشكوره
ماقصرتي

مشكووره

موضووع حلو ينفع للي بالعاشر وطبعا انا بما اني 12 وقتي راح يزيد عنكم وطبعا تقسيمة المواد مالتي غييير عنكم

الله يوفقكم وتاخذون النسب العالية وشكرا ع الموووضوووع الحلوووو

تسلموون بنات والله يوفقكم ان شا الله وتطلعون بنسبه عاليه

يعطيج العافيه غلاتي وما قصرتي
انا عن نفسي اسوي جذي من زمان وهاذي
طريقتي وحبيت اقول لكم ان افضل الاوقات للدراسة
هو بعد صلاة الفجر لان المعلومات راح تتركز حيل والذهن
يكون صافي من كل شي وكذالك بعد صلاة العصر

بس انا وايد اسرح بالدراسة شنووو الحل ؟؟؟

هلا والله حبيبتي نورتي الموضوع

السرحان مشكله كبيره ولازم تنحل شلون ؟؟

خلي ببالج هدف معين مثل (( اييب فوق ال 90 ))
او اني انجح وابوي يشتريلي شغله معينه

واقري قران والله السرحان كله بيروح

والله يوفقج ان شا الله

تنظيم وقتج يصلح لعآشر ,

أحنآ ألأدبي وخصوصآ 12 كمية الحفظ شوي يبيلهآ طولةة بآل

فحنآ غير عنكم ,

عآلعموم يعطيج ألعآفيه ومآقصرتي أستفآدوا منج ألبنآت : )

Tnx ~

يعطيج العافيه