الاكزيما

السلام عليكم أمهات

شلونكم و شخباركم ؟

عندي ولدي عمره الحين سنه ونص و من قبل 6 شهور بدت معاه اكزيما مو طبيعية مشوه بمعنى الكلمه صوب ريوله و إيده و في شويه بويهه .

اللي ابيه منكم تقولون لي منو احسن دكتور جلديه اروح له ؟

لأن الصراحه ما نفع معاي روحاتي حق اطبة الحكومه واااايد يعطونه ادويه و هم ماكو فايده

الحمدلله على كل حال . بس اللي ابيه دكتور أو دكتوره تكونون مجربينه . و عسى ربي يوفقها اللي ترد علي .

شاكره لكم خواتي و ادري انكم ماراح تقصرون معاي .

أختي أنا بعد ولدي صاير في على خده بقعه كبيره الحين عمره 3 شهورو من قبل شهر تروح وترجع ويكسر خاطري ناااااااااااااااشف قلت حق خالتي وحماتي قالولي حطيله الفاكورت لما يكبر يروح احنا عيالنا كلهم جذي واليوم قلت حق ريلي باجر توديه

الله يشفيه سأليني انا عن الاكزيما اناس تورث فلوس احنا العايله توارث الاكزيما

شوفي ولدي كان فيه رحت دار الشفا وعطوه مرهم يروح وبرد يرجع

والمرهم فيه كورتيزون والاكزيما الحاده لازم كيرنتيزون

لكن جربت طريقه بنتي فيها خفيف وراح وولدي باقي خفيف جدا مع ان قبل شديدو يصب دم

خلطي فازلين وكريم جلسرين الاحمر

وحطي باستمرار يعني 4 وخمس مرات خليه طبقه

عالجلد

واذاكان الحين شديد حيل استخدمي مرهم الطبيب ولما يروح استمري دايما على هالطريقه ومابترجع الاكزيما ولو بقت بتصير خفيفه حيل

وصابون ملابس استخدمي للاطفال

بعد السباحه لازم مرطب للجسم

للسباحه صابون سائل للاكزيما سالي عنه الطبيب

ولاتحطينله عطور

ولا تلبسينه صوف

ويقولون فيه فحص دم

تعرفين شنو من الاكل مايناسب ولدك ويزيد الاكزيما

اسبح ولدي بدوف لان فيها ترطيب وما انشفه حيل اطبطب على قولة دكتور الجلدية واهو بالحمام احطله لوشن
ادهن اذا تأزم بكريم اليكوم لمدة 5 ايام فيه كورتيزون بس عجييييييييييييييييييييب
الايام العادية لوشنات

انا كان في ولدي اكزيما بس الحمدلله لحد الحين ما فيه شي. قالي الدكتور : اولا شي ما اسبحه وايد بالاسبوع مرتين الى ثلاث و يفضل مرتين.
بعدين قالي استخدم منتجات qv تلقينها في الصيدليه لوشن حق التدهن في كل وقت و الكريم يكون في الليل وغسول للسباحه و زيت حق عقب السباحه.
جربي الدكتور فهد المخيزيم عيادته في الجابريه بسطرت مكدونلدز.

الله يشفيه حبيبي وديه الطبيب بوحمره يمدحونه حيل

انا ولدي هم عمره 6شهور وتارسته ترس …وللحين تعبان منها مدحولي بوحمره …وقالوا لازم ترطيب ..انا ناويه اوديه بوحمره واقولج شنو راح يصير عليه اذا مانسيت موضوعج ..

انا ولدي لمن كان عمره 6 شهور فيه اكزيما ووديته دكور بالجلدية في مستشفى لندن وعطامنا دهونات شكثر 2 لجسمه وواحد للراس والفا كورت للوجه وشامبو خاص بعد واستمريت عليه والحمد لله راح والله يشافي ولدج حبيبتي

الله يشافيه

رفع لعيونش

لووووول امن الوراثه هاذي صدقتي فيها احنا ما نورث إلا الشي الشين
الحمدلله على كل حال

و الالفا كورت جربته ماكو فايده

و تحليل الدم سويته بالصباح و قالولي بعد اسبوعين نتيجته و لما رحنا ناخذ النتيجه قالوا لنا ضايعه ، الله كريم

مشكوره حبيبتي ع الرد و ما قصرتي

معطيني حقه اليكوم من استعمله يروح و ارد ع المرطبات و بعدين عقب جم يوم يرجع مره ثانيه .

يعطيج العافيه حبيبتي

صح الطبيب قالي بالاسبوع مرتين اسبحه

ان شاء الله اروح حق عيادته و اشوف

جزاج الله خير حبيبتي

آمين حبيبتي و يشافي كل مريض

مشكوره

الله يشافي عيالنا ان شاء الله

لا حبيبتي طلبتج لا تنسيني و انا ناطرتج تقوليلي .

موفقه

آمين حبيبتي و يشفي كل مريض

مشكوره