الاكزيما ذبحتني !! عطوني حل !!

قوه يا بنات شلوونكم ..

يا بنات الاكزيما برقبتي ذبحتنييييييييييييييييييييييييي

و الله رقبتي شااااااااابه نار

اول شي بدت معاي بمكان صغير برقبتي و لما حملت صارت بكل رقبتي و اهي نفسيه بعد

و الحين صار مكانها اسووووووووووود استغفر الله يلوع الجبد و لى الحين تحكني

شسوووووووووووي ؟؟

رحت حق بو حمره و دلال التركيت عطوني كورتيزون مؤقت و ترد

ياريت اللي تعرف دكتور زين او حتى علاج شعبي تدلني عليه الله يوفقها و تاخذ اجر فيني ان شالله

و يعطيكم الف عافيه

دكتورة مريم الجاسم بالسالميه
خووش دكتوورة جلديه الله يحفظها
وعندج مرهم ((الكوم)) بس فيه كورتزيون ويروح الاكزيما بشكل مؤقت مع الاسف
وانا قريت عن الدراسين والعسل خلطيهم وحطيهم ع المكان الي فيه اكزيما ((لي نيه اجربها))
وعندج ترمس مر + فازلين ((جربتها مرة وحده))لاباس فيها مو رديه
وعندج الموضوع الي بتوقيعي في وحده منالصفحات الي آخر شي ارام الحلوة حاطه رابط ع الاكزيما وفيه واايد حلووول
والله يشااافيج

في عطار الطبيعه فالأندلس عندهم كريم واااايد يخففها حيييييل ارتاح منه أخوي …جربيه وأدعيلي…

اقري البقره كل يوم واستففري بنية الشفاء وتصدقي وادعي ربج

مالج الا الفازلين روعه انا مجربته بروحه واخذى الأصلى …وجربيه اسبوع وشوفى النتيجه

وابتعدى عن الصابون أخذى صابون طبيعى …

روحي الحواااج وقوليله ابي كريم صغيرر طول الاصبع غطاته اخضر مكتوب عليه للحساسيه والصدفيه وللاكزيما بعد
والله والله والله اني مجربته كان فيني اكزيما بجفوني ومافي عياده خاصه مارحت لها من بعد هالكريم الحمدلله وتلقين بكل حواج بـ3 ديناار, و ادعيلي الله يحقق اللي فبااالي ,

في حواي بالجهراء أسمه مبارك …

ما في أحد ما يعرفه ..

ترى أنا ساكنه بالقرين و أتعناله ..

قولي له أبي كريم بالتواقيع ..

يهبلللللللل

و بعد ..

علا طول رطبي المكان ..

مرطبات من غير عطر ..

و لا تلبسين شي يحز المكان ..

و أكو مرطب و غسول أسمه …qv

وايد زين

أنا عمري 30 سنه .. و من وعيت عالدنيا فيني أكزيما ..

و الحين عيالي و ورثوها مني ..

عالعموم لا زم تعرفين شلون تتعايشين معاها …

حياتي انتو مشكوورين عالردود و ان شالله بجرب اللي قلتولي عنه بس المشكله اني ارضع !! فمالي الا الاشياء الطبيعيه

يالله ياااااااااارب تروح عنج وعن كل مريض بالحساسيه

أسأل الله العظيم رب العرش العظيم ان يشفيك
أسأل الله العظيم رب العرش العظيم ان يشفيك
أسأل الله العظيم رب العرش العظيم ان يشفيك

ماحبيت ادخل ومارد

انتى نفس حالتى كل العيادات رحت حقها ليما انصحونى بدكتور هشام لطفى بالمواساة والله ماشاء الله ليما الحين ما ردت الاكزيميا مع انى خلصت كورس الدوا من 7 شهور روحيله حتى اسعاره رخيصه ومو تجارى

[quote=* ليــــدي *;11942249]يالله ياااااااااارب تروح عنج وعن كل مريض بالحساسيه

أسأل الله العظيم رب العرش العظيم ان يشفيك
أسأل الله العظيم رب العرش العظيم ان يشفيك
أسأل الله العظيم رب العرش العظيم ان يشفيك

ماحبيت ادخل ومارد [/quo

حياااااااااااااااااااااااااااااااااااااااااتي انتي ماقصرتي و الله فديتج و فديت دعوتج

حبيبتي انا من وعيت من الدنيا وفيني اكزيما وحيل تعب بس جرب كريم جلسويد الاحمر حلو وراح يبرد عليج حطيه علي ارقبتج بلليل وغسليها الصبح ونفس الطريقة

اقولج نصيييييييييييييحه روحي حق دكتور صالح االجريوي خوش دكتور حق الاكزيما والله اعرف وحده من كثر الاكزيما جلدها تجرح اتحك لين يطلع الدم و على الله ثم على هالدكتور روحي له