الافرازات الصفراء تسبب ولاده مبكره حدي خايفه

خرعتيني انا بعد ساعات افرازات صفره وساعات بيضه
بنات الي عندها خبره لا تبخل علينا

الله يتمم عليج وعلينا ان شاء الله

انا تنزل مني بعض المرات افرازات صفرا بس بدون حكه او حرقه بالبول تكرمين

وخذيت مضاد وماكو فايده

والدكتوره سألتني عن الحكه والحرقه قلت لها لا ماحس بشي وسكتت ماقالتي ان يسبب ولاده مبكره او اي شي

بس اكتبتلي مضاد وخذيت المضاد وليلحين الافرازات موجوده

عرووسه لا تحاتين حطي التحميله مدام الدكتور اهو معطيج ياها امان تنظفج من الافرازات

الله يشافيج ويتمم عليج لين التاسع يارب

عااااادي مافيج الا العافيه
بالعكس حطي التحميله الحين عشان تموت البكتيريا وماتتطور حالتج للافرازات الخضرا
والبنيه وانتو بكرامه لان هالنوع من الافرازات تسبب ولاده اذا طولت وماعالجتيها
وتضر النونو بعد
بس لاتحاتين عادي لازم هذي الافرازات من مشاكل الحمل
انا صارت معاي كل هالاعراض

ماتشوفين شر

دام مافيه حكه عااااادي
اخذي التحاميل دام هو كاتبها
واحسن تبداين مراجعة دكتور التوليد على الاقل من السابع عشان يعرفج ويعرف حالتج
الله يقومج بالسلامه

اب

اب

قوه اختي
شوفي انا بالشهر السابع ومثلج اذبحتني الافرازات الصفرا حيل واحيانا على خضار بعد مع اني حيل اهتم بنظافتي في المنطقه الحميمه بالذات ودكتوري بارد ولوع جبدي كلما قلت له عنها سوالي مسحه و عطاني مضاد ذبحني بالمضاد من الشهر الخامس بدون فايده وبعدها قررت اغير دكتوري ولما رحت للدكتور الثاني وقلت له عن الافرازات قالي ونبهني انها تسبب ولاده مبكره ومالها علاقه بالحكه انا بدون حكه وما طلب مسحه على طول مثل هذاك اللي بس يبي فلوس عطاني 3 تحاميل احطهم يوم وترك وبعد اسبوعين اراجعه اذا ما فادتني اسوي مسحه بس وحياتج قبل امس حطيت اول تحميله واليوم بحط الثانيه ومن اول تحميله انفعتني وحسيت كل الافرازات انزلت مني وانا نايمه احس فيها والحين نظفت بس بستمر بالتحميلتين الباقيه بس حيل ارتحت لا مضاد ولا بطيخ ونصيحه خليج على الكير فري وغيريها باستمرار وبس تخلصين علاج وتنظفين قطي كل سراويلج و اشتري جديده قطن اصلي وقبل الاستعمال غسليهم بماي حار وعقميهم ولا تستغنين عن الكير فري و الغسول
طولت بالقرقه بس نفس المشكله وحبيت افيدج ويارب يتمم علينا حملنا ونولد بصحه وعافيه احنا و مواليدنا اللهم امين

الله يتمم عليج وتولدين بالتاسع