السلام عليكم أبلات
شسالفة الافاااااااااااادة؟؟
وعلى أي أساس يحق للمديرة ومساعدتها انها تحطها للمعلمة؟؟
يعني معقولة اذا المعلمة تأخرت 3 أيام ورا بعض والادارة عارفة شنو ظروفها معقولة يهددونها
انهم يعطونها افادة؟؟ اذا المعلمة ماناوبت 3 مرات ورا بعض هم افاااااادة ؟؟
الزبدة أبي أعرف قانون الافادة من وين مطلعينه ؟؟
في شي اسمه افادة ولا اهي كالعادة بعبع اخترعوه الادارات عشان يخرعونناااا فيه 
والله اللي سمعناه انها تنحط بالدرج واذا كثرت عطوج لفت نظر
والله يعينا
انا ابي اعرف بعد
الافاده … كتابة العذر او السبب بشكل رسمي لا اكثر ولا اقل ..
مو حلوه نفسيا 
… بس ما يترتب عليها اي عقاب ..
لفت النظر اهو اللي المفروض تحسبون حسابه
لا توقعين 
ماراااااح يقصووون رقبتج ولا راح يسوون شي … واذا تأخرتي شكووو إفاده …بعد !
التأخير من وقتج واذا تعدى ما دري جم دقيقه بالشهر …خصصصصصصصصصصصم …
حبيبتي … أنا سكرتيرة احب افيدج ان صح في شي اسمه افادة بس مو للتأخير لأن التأخير كل اخر شهر نحسب الدقايق المستنفذه وتنخصم من معاشج ، بس يمكن قصدج اذا تأخرتي عن حصتج صح يعطونج الافادة وتنحط بملفج مدة 3 شهور اذا ما اخذتي افادة ثانية بهالثلاث شهور تنشال من ملفج وكل 3 افادات وراها لفت نظر ..اسأل الله ان يبعدنا عن الافادات و لفت النظر 
أنا وقعوني على لفت نظر لأني غلطت بدرجة طالبه
شيصير اذا رفضت توقيع الافاده او لفت نظر
صج يحولوني شؤون قانونية؟
ادارتنا المعقده الكورس الي طاف عطوني لفت نظر عشان تاخرت عن المناوبه يابوها من الاخر لفت نظر مره وحده بس ما وقعت وما قدرو يجبروني لانهم يدرون انها ظلم وانا تاخرت لظروف واهم حظراتهم حتى ما سالو عن ظروفي
يعني مثل مااتتوقعت التأخير ماينعطى له افادة … اللي أعرفه التأخير اذا تعدى ليمت معين خصم
شكوووووووو افادة ولفت نظرر؟؟؟!!
يعني يبون يخرعونج عشان ما تتأخرين ..
واالله حالة التأخير و الغياب كله من حسابنا ..
انزين بسأل جم مدة التأخير و يبدا الخصم ..؟
ساعة أو أكثر ..؟
انا العام عطونى افادة على الغياب وانا حاامل وتعبانه فقلت لهم يبه اهو مخصوم من معاشي على شنو الافاده بعد
بس غبية ووقعت المرة هذى لو يموتون مانى موقعه
فى حرة عليهم
رحيق الورد بالنسبة للتأخير الصباحي عندي جدول يوضح التأخير بالدقايق بس اللي اذكره حالياً
من 82 دقيقة – 164 دقيقة خصم ربع يوم
وفي نص يوم وفي يوم كامل بس اداوم اجيب الورقة واحطها بالموضوع
ما ادري بس تعتبر الافادة عقوبة او مسائله
مشكوره يتيمة العقد علي افادتنا
واللله محنا عارفين حقوقنا
الافاده خل تنقعها الناظره وتشرب مايها مالها اي فايده 6 شهور وتنحذف اهى مجرد ديكور
وبعدين كتبي فيها سويجي ضايع ولا المنبه خربان رحت اود العيال المدرسه زحمه عطيهم حجى بس