الاشعة الزيتيه مستشفى العرف

مرحباااا كويتيات
شلونكم ؟
بليييز منو سوت اشعة الصبغة وحملت بعدها؟
وبغيت اعرف اذا صدق هي تعور وتحتاج بنج؟
وبعدين انا دكتورتي عطتني ورقه وقالتلي سويها سادس او سابع يوم دوره وعطتني مضاد اكله قبل الاشعة بيوم ولمدة خمس ايام… بس شلون ادش قسم الاشعة بدون موعد؟ لان ماعطوني موعد؟ واتطول الاشعه ولا لا ؟ تعبت

والله يرزق كل من ردت او دخلت الموضوع حتا

هلا حبيبتي لازم موعد وين قاعدين منو كتوره اللي ما عطتج موعد واشعة الصبغه انا سويتها بس كنت ابجي من خوف البنات الليبالمنتدى قالو تعور انا حسيت بنغزات مثل الدوره والصراحه اذا كنتي خوافه سوي ببنج وربي يرزقج ويفرجها على كل مسلم الهي اامين

هي عطتني ورقه مكتوب فيها اسمي وموعد دورتي حق قسم الاشعة بس انا قصدي عادي ادش عليهم جذي سيده بدون موعد بس اعطيهم الورقه اللي عطتني اياها؟

حبيتي دقي عليهم ساليهم احسن لج

يارب الله يرزقج يارب

ياحياتي انتي
الله يرزقش الذريه الصالحه عاجلا غير اجلا ياااارب

ااب لعيونج

مشكوره ياقلبي والله يحقق لش اللي تبينه

يله بنات منو حملت بعد الاشعه
تفيدناا

اهلين حبي
انا سويتها بس ماحملت
بس نصيحه اخذي بنج تراها تعور
والله يشهد على كلامي اني اصيح
والسستر تقول ماما عيب في رجال برى
بغيت اقوم اكفخها فاضيه تعطي نصايح
كنه ماي حار يحقنونه في رحمك
شي فضيع
بس يمكن غيري وانتي تتحملين الالم ويمكن انا دلوعه
بس اخذي بننننننننننننج
والله يرزقك يارب ياركريم وجميع البنات

اختي اي عادي تنزلين السرداب و تقولين بسوي اشعه الصبغه .. خلي يسويها لج الدكتور خالد لانه شاطر .. و اكو ناس تحمل بعدها لان سبحان الله يكون عندها سدد و ينفتح من السائل لما يحقنونها .. و انا انصحج اتسوينها بمخدر و اظن سعرها بمخدر 110 و بدون مخدر 80 و اذا سويتيها بمخدر لازم شخص مرافق معاج .. و اهم شي المضاد عشان مايصير فيج التهابات !
موفقه يارب

ههههههههايي والله هااسستر مال كف ع عينها
انتي وين وهي وين خخخخ
بس صراحه خرعتيني شكلي بسويها ببنج
يسلمووو

مشكووووره ياقلبي ريحتيني ع بالي. لازم احجز موعد
الله يثبت حمالش ويتمه يااااارب

انا مجربتها بدون بنج تذبح وامس سبحان الله اسولف مع رفيجتي عنها تقول انا كنت بسويها ولا قبل لا يسونها عطوني حبوب مقس بسكوبان ويوم دخلت بسوي الا وحده تقولي الله يعينج يعني سوي بخاص وارتاحي رفيجتي مسويتها بالعرف بنج وراحة بال وفيه ناس احملو عقبها وربي يرزقج بالذريه الصالحه

اي حياتي انا بسويها بالعرف ومع بنج مالي خلق الم صراحه تعبت والحمدالله ع كل حال
يسلموووو حبيبتي والله يرزقنا ويحقق لش اللي تبينه

نصيحة اخذيها مع البنج لأن عوارها موووووووووووووووووووووو طبيعي
ونادرا جدا ما يصير الحمل بنفس الشهر لأن الزيت يكون موجود ويقتل الحيوانات المنوية بالنسبة لي الحمد لله ثاني شهر حملت على طول ربي لك الحمد والشكر
بس صج صج العوار خيااااااااااااااااااااااااال مابي أخرعج بس هذا اللي صار معاي مع إني لا دلوعه ولا بطيخ هههههههههههههههه
حسبت حالي قوية وخذيتها بدون بنج قلعتي زين اللي صار لي ما سمعت الكلام