الاستئذان والتقدير

شلونكم ابلات

الله يعطيكم العافيه وعساكم ع القوه

ماراح اطول عليكم

انا ابله الحمدلله شطوووووره وما غيب

بس

بس

بس

احب الاستئذان

هل هالشئ يأثر ع التقدير

ومشكورين يالله سمعوني الردود

الله يعطيج العافيه وعساج على القوه..

انا مثلج والله ما حب اغيب واظطر استأذن .. والاستئذان من حقي دام اني ما اتعدى الحق القانوني لي كمعلمه في عدد ساعات الاستئذان

لان كل وحده منا لها ساعات محدده في الشهر او طول السنه تقدر تستخدمهم.

اتوقع يأثر اللي عدد اذوناتها 6 بالسنة مومثل اللي عدد اذوناتها12 اكيد وقت التقرير الناظره ماراح تساويهم

طبعا المفروض ما يأثر لأن حق لنا … لو غبنا مثلا او استأذنا بوقت حصصنا اهني يأثر لكن استئذان عادي لا المفروض ما يأثر سواء 6 او 12 لكن مرات ما يندرا عن ناظراتنا

بس المفروض طبعا ما يأثر

من شوي بموضوع كتبت عن رفيجتي اللي حلللت كل الاستئذانات خذتهم كلهم ماطوفت ولا استئذان

حتى العرضي وكل انواع الغياب ولا سوت درس ريادي ولا نموذجي بس سوت مطويه وحده برمضان

بس كانت تدرس من قلب بضمير واخلاص واولياء الامور يحبونها ولا مره ولي امر اشتكى عليها

وتسوي وسايل عجيييبه وماشالله عطوها امتياز مرتفع ماشالله

المفرووووووض انه من حقنا ناخذه وما نتحاسب عليه بالتقرير ..
بس عاد اهمه يحسبونه والا لا .. الله اعلم

بعد على حسب الاداره

اتوقع ايأثر…..

كل شي بالتربيه يأثر هههههههههههههههه حتى النفس محسووووووووب

مشكورين ع المرور بس ابي احد يشتغل بالمنطقه يقول لنا ياثر والا لاء ؟