الاخصائية الاجتماعية بالمدرسة شنو وظيفتها بالضبط؟

السلام عليكم و رحمة الله و بركاته

شلونكم يا بنات عيدكم مبارك مقدما

ابي اسال انا الحين رحت التربية و ناطرة اتصال حق المقابلة تخصصي علم اجتماع

و قالولي اهما يحددون يا اصير مدرسة او اخصائية اجتماعية

ابي اعرف شنو وظيفة الاخصائية الاجتماعية في المدرسة شنو تسوي بالضبط عشان تكون عندي فكرة ؟

و يعطيكم العافية

حبيبتي شغلج كراف بكراف بالمدرسه ومعاشج 600 انا اختي صارلها سنتين متوظفه بالدرسه واااي تهلك تحل مساكل البنات وهواشهم ودنيتهم يعني لويه وما انصحج كلش تروحين هناك اول شي لانه تعب ولويه وكراف وثاني شي معاشهم شويه انا انصحج يا تروحين التطبيقي او شؤوون القصر وايد يمدحونهم ومعاشهم قوي وقود لك حبيبتي

يعطيج العافية حبيبتي ما قصرتي

بس سؤال اختج باي مرحلة بالضبط شكلها ثاناوي صح؟

اي صح
بالثانويه واي كراف صج تعب تخيلي لازم تمسك 10 حالات من البنات عاد شوفي شنو مشاكل البنات غير اللي الحين هابين فيهم البنات البويات وعبدة الشيطان اختي تقول والله اخاف منهم يخرعون شكلهم اكبر مني

اي توقعت لان الكل يقولي لا تروحين ثاناوية و لا متوسطه خليج ابتدائي او روضة بس خايفه مع اني علم اجتماع بس احس اني ما اعرف شي بالمرة عن الاخصائية الاجتماعية كلش

الله يوفقج يارب وتتسهل امورج يارب اي انا مره اخوي مدرسة روضه تقول ان الاخصايئيه اللي عندهم ما تسوي شي

الله يجزاج خير حبوبة انا اسال عن الروضه و الابتدائي ما اقدر على الثاناوية و لا المتوسطه كافي سنهم يكون صعب التعامل معاه

ايد صعب سنهم يلاسنونج وهالعمر ما يحترمون احد

واااااااي
انا علم نفس واختي علم اجتماع
توني ادري انهم يمكن يحطونها اخصائيه
لااااااااااااااااا
الله يوفقج

امبي والله خرابيط تخصص علم اجتماع واخصائية ولا مره صارت ؟؟
لي هالدرجة في نقص بالاخصائيات >> والله مالومهم منحاشين

حبوبة

نصيحة لا ترضين
تعب كراف كل شي على راس الاخصاءية واخر شي المعاش 600
انا تخصصي خدمه اجتماعية ومابي اخصائية لأن محد مقدرنا للأسف
اذا تقدرين صيري مدرسة على الاقل في تقدير وكافي المعاش عااااالي ماشالله
وانتي حرة .. الله يوفقج حبوووبة

أختي تراج غلطانه علم اجتماع ماتصير اخصائية..
علم اجتماع تصيرين ادارية أو مدرسة تأكيدي..

توت بري ادارية يعني سكرتيرة صح

انا قالي الي يشتغل بالديوان قالي ترى الوزارة اهي الي تحدد لج شنو بتصيرين !!!!

ام جنه صاجه هالسن وايد كريه و بالذات لا شافوني بعمرهم ما يحترموني

نور الضي انا مادري قالولي بعضهم بس يمكن يكونون غلطانين دام توت بري تقول ادارية معناته سكرتاريه او اي وظيفه ثانية ما اعرفها و الله اعلم

ملاك ما اقدر اصير مدرسه صج المعاش قوي و مرتاحه ماكو حصص وايد بس والله يا بنات خايفه اتحاسب على الدرجات اخاف من ضميري اني ما اعطي وحده من البنات حقها عشان جذي قلت مابي اصير مدرسه

مشكورين بنات ما قصرتو ناطرة ردج توتة

انا توني متعيينه ..
وظيفتني حصر اسماء التعثر الدراسي والباقون للاعاده وكبار السن..هذا اولا ومقابلات فرديه معاهم>>
انا حصرتهم وخلصت..
بس باقي التعثر..
البنات اللي مسوين مشاكل طبعا..
بس شوفي اذا معاج اخصائيه ثانيه بكون الشغل زين..
انا الاخصائيه اللي معاي تهبل ومقسمين الشغل واشيل عنها وتشيل عني..
شلج بالتدريس خواتي منجنين منه..
وحده منهم مفكره تحول ادرايه..
لأن النظام الجديد حده لووعه تصحيح الاشهر جماعي ولي المغرب تخيلي يقعدون هذا غير الشرح..
طبعا تردين البيت مرتاحه ما تفكرين بتحضير ولأ بوسيله ولا هم يحزنون..
صج المعاش مو شي..
بس مع الايام ان شاء الله يقرون الكادر..

يا هلا بنور الله يوفقج ان شاء الله اهم شي مثل ما قلتي الي وياج يكونون زينين و الله يتمم عليكم يا رب

الحين مادري انصدمت قالتلي توت ان علم اجتماع ما تصير اخصائية و انا حاطه ببالي اخصائية طول الوقت

بس بحاول و اشوف انا ما يهمني معاش كثر ما يهمني اني اشتغل شغله انا عارفتلها و فاهمة شنو قاعده اسوي و مكان مريح

يعني الوظيفه مثل ما قلتي اشوف البنات الي عندهم ضعف دراسي قصدج اشوف شنو مشكلتهم و اقابلهم بشكل فردي بس اذا جذي ان شاء الله يكون سهاله

اي حتى تقدرين تقابلينهم مقابله جماعيه كلهم وتفتكين..
ناطرين توت..