الاجهاض وعملية التنظيف ؟؟ كيف اتصرف

انا من كم يوم اجهضت وكان لي 6 اسابيع من حملت طبعا انا حملت من دون رغبة مني
لان ما نفع معاي ولا مانع بمعني الحبوب ذبحتني كذانوع وكل وحده تسبب لي مشكلة صحية مثل ياسمين سببت لي آلام شديدة في الساق ومنيوليت سببت لي ضيق في التنفس واخر شي ركبت اللولب الهرموني وبهذلني بهذله للحين اعاني منها
المهم ريحت سنه بعد اللولب واستخدمت نظام العد بس قدر الله وماشاء فعل حملت لكن ظل ينزل على دم وخذيت حبوب تثبيت بس مانفع وظل ينزل وزادت الكمية المهم بعد الاجهاض سويت عملية تنظيف للرحم ولاني اول مره اسويها ماني عارفه اشلون اتصرف هل اخذ لهوم وحسو والا لا لانه في بنات قالوا لي اهو اساسا نظف رحمك يعني ماتحتاجين اي شي وفعلا انا ماينزل علي دم فياريت في احد يساعدني بالموضوع هذا للي عندها خبرة بشنو اسوي بهذي الفترة
ولكم مني جزيل الشكر والامتنان

حبوبه انا سويت من سنتين الى شي تنظيفات وقالوا لي اخذي ادويه يوم خذيت وربي والله شاهد علي خذيت الظهر ولا بليل بطني يقب علي وبموت من العوار لما شافتني عمتي قالت انتي منو قالج تاخذين ادويه يبا انتي منظفينج ومخلصين حتى دم ماراح ينزل الى اليوم وصج قطعتهم ومانزل علي دم ولا شي لانهم هم منظفيني وموفقه حبوبه

حبيبة قلبي استبرق ماقصرتي على الرد
بس تدرين ان اليوم نزل على ماي ومعاه دم انهد علي هد والله بدون اي تحكم مني واخترعت ورحت ركض الحمام وتكرمين لقيت بنطلون البجامه متدمر من الماي المخلوط بالدم وخفت وماني عارفه يمكن لاني لما سويت عملية التنظيف سويت معاها عملية ربط وماني عارفه هالماي الدم من الربط او من التنظيف

حبوبه انا ماي مانزل علي بس ما ادري اي يوم من التنظيفات رديت لشقتي وجذي ولا فجاه يعورني بطني حيل وحسيت نزل مني شي تكرمين ورحت تكرمين للحمام ولا كتله دم كبيييييييره درجه اني اخترعت وضليت فاجه عيني وطلعت قلت لزوجي قالي خل ادق على الدكتوره يوم دقينا قالت عادي هذا اخر شي بس بخصوصج انتي والله ما ادري ولا اعرف للربط انا عندي مدام خايفه روحي لدكتورج الي سوالج التنظيفات وسأليه احسن لج والله يعينج يقلبي