&&الإمتحانات على الأبواب&& الله المستعان

جم باقي على امتحانات الفاينل؟؟؟؟
*
*
*
*
*
*
*
*
*
*
*
*
*
*
*
السلام عليكم

خواتي مابقى شي على الإمتحانات وحبيت أذكركم بجم شغله إن شاءالله تفيدكم والسموحة منكم لي حصل مني تقصير :
– الطالب/الطالبة كل شخص وله قدرات فإنتي يالأم لاتضغطين على عيالج وإلايحصلون على مرتبة الإمتياز صحيح إن كل أم تبي أحسن النتايج لعيالها بس كل شي وله طاقته مايقدر الطالب يحصل أكثر من اللي عطاه رب العالمين من قدرة على التحمل والإستيعاب يعني لي حصل وخذى جيد أو جيد جدا هذي نعمه من رب العالمين .
– الهدوء واعطاء الطالب جو دراسي من غير مشاكل عائلية أو غيرها حتى يقدر يستوعب ويركز.
– مايمنع ان الأم تمنح الطالب وقت للعب ووقت للأخذ … حتى ينشط الطالب تفكيره ولا يمل.
– تبون الصج عاد احنا لو ما أخطينا ماكان عرفنا الصح فموعيب أو حرام إن لو غلط الطالب بسؤال وتعالي إنتي يالأم وحاسبيه وحطي اللوم عليه ليش؟؟؟
– مادة من الإمتحان خلصت خلاص ما نسأل عنها بدقة نستعد للي وراها.
– طلبتج يالأم قعدي الصبح معاه مو علشان الطالب راح يمتحن جم ساعة ويرد خل أنام ولي صار الظهر أقعد أجابله لا ياقلبي قومي معاه وجابليه على الريوق وسمي عليه وحرصيه على الأدعيه وياليت لو يكون التوصيل منج أو من الأبو وينطره حزة الطلعه ترى هالشغله لها تأثير إيجابي حيل قوي في نفسية الطالب.
– التحفيز والتشجيع للطالب يعطيه دافع قوي للدراسة .
– حتى الطالب الضعيف ما أحقره أو أستصغره بالعكس أشجعه وأقول له ترى إنت شاطر بمواد ثانية وراح تقدر إنك تنجح وتعدي .
– جاوبي على كل أسئلتهم بخصوص تخوفهم من الإمتحانات أو أي مشكلة ولو كانت بالنسبة لج تافه أو ما تنحط بالإعتبار وطمنيهم .
– لاتخلين الطالب يفتح الكتاب الصبح حتى لا تشتبك المفاهيم مع بعضها كافي ورقة ملخصة ومختصرة يحفظها على حسب المادة المحتاجة حفظ.
– نبهي الطالب إن الإمتحان له قوانين وإن اللجنة ما راح تسمح لأي طالب بالغش وراح يخسر التعب كله .
سامحوني طولت عليكم والعذر منكم ياخواتي.

والله يسهل على عيالنا وينجحهم يارب

ومشكوره يالغاليه على موضوعج الطيب

وربي يوفق عيالنا جميعا

ربي يوفق عيالي وعيالكم يارب

وصح الضغط مايجيب نتيجه من رايي كطالبه لان لما يضغطون علي ماسوي الي يبوون ولااقدر اركز..بس لما ادرس بروحي وعلى راحتي اعرف ان هالدراسه لي مو لغيري ولا حق امي ولاابووي لان بنهايه انا الي بنجح وبيكوون هالشي لمصلحتي..

ولما ندرس بيديناا وبروحنا نعرف انه ان سقطنا لا قدر الله بيكوون التقصير منه مو من احد..

وبس حبيت اقول الي عندي واتمنى ماكون طولت

الله يوفق الكل..

اقتباس:

المشاركة الأصلية كتبت بواسطة الدلال كلامج في محله يالغاليه والله يسهل على عيالنا وينجحهم يارب ومشكوره يالغاليه على موضوعج الطيب

العفو عزيزتي ويعل ربي يوفق عيالنا وعيال المسلمين

اقتباس:

المشاركة الأصلية كتبت بواسطة 78marimar78 تسلمين حبوبة على النصايح وربي يوفق عيالنا جميعا

الله يسلمج ويخليج واللهم آمين

اقتباس:

المشاركة الأصلية كتبت بواسطة أم عبووووود يعطيج العافية اختي الصابرة على هالنصايح الحلوة ان شالله بميزان اعمالج يارب ربي يوفق عيالي وعيالكم يارب

الله يعافيج ياقلبي ويسلمج

اقتباس:

المشاركة الأصلية كتبت بواسطة كويتية ونعم الله يعطيك العافيه على النصيحه وبارك الله فيك

الله يعافيج ويبارك فيج أختي كويتية

اقتباس:

المشاركة الأصلية كتبت بواسطة miss-madry مشكوووره على الكلام الصح وصح الضغط مايجيب نتيجه من رايي كطالبه لان لما يضغطون علي ماسوي الي يبوون ولااقدر اركز..بس لما ادرس بروحي وعلى راحتي اعرف ان هالدراسه لي مو لغيري ولا حق امي ولاابووي لان بنهايه انا الي بنجح وبيكوون هالشي لمصلحتي.. ولما ندرس بيديناا وبروحنا نعرف انه ان سقطنا لا قدر الله بيكوون التقصير منه مو من احد.. وبس حبيت اقول الي عندي واتمنى ماكون طولت الله يوفق الكل..

الله يوفقج وينجحج ولا يضيع ربي التعب ومشكورة على المشاركة