الأماكن الحساسه!!!!!!!!!!!!!!!

السلام عليكم

بصراحه سؤال محرج بس شسوي أبي أشوف اللي سمعته صح أو خطأ
في ناس يقولون الشيره في الأماكن الحساسه تسبب سواد بالمنطقه وترهل ؟
واستخدام شفرت الحلاقه أفضل

أنا اعتقد انه الشيره أنظف ويطول الشعر علي ما يطلع
بليييز أبي اسمع رايكم اي طريقه أفضل
ومشكوورين

موضوع يفشل ههههههههههه

طبعا الشيرة انظف واحسن واريح وتبين الصج الليزر احسن واحسن لوووووووووووووووول

صح الشيرة انظف بس في حديث للرسول عليه الصلاه والسلام عن هالموضوع والله مو حافظته بس بما معناه ان يتم نتف الابط وحلق شعر العانه كل اربعين يوم … يعني السنه انج تستخدمين الموس مو الشيرة .. وعلى فكرة استخدام الشيرة بهالمنطقه مو زين لأنها تأثر على الرغبه وتقللها بينما الموس العكس

من ناحية النظافة فالشيرة أكيد أحسن وانظف لكن في مره سألت داعية عن هذا الموضوع وهل هوحرام لأن مثل ماتدرون الشيرة تتكون من سكر وماء وليمون وهذي نعمت الله نستخدمها في هذا المكان فردة على بحديث للرسول عليه الصلاة والسلام (فيما معناه لأني مو ذاكرة الحديث) بأنه أوصانا بنتف الأبط وحلق ما بين الفخذين،والله أعلم…………………………………….. سوري طولت عليج

تعددت الاسباب و الهدف واحد

المهم ان لازم ينشال والنظافه اهم شي

وكل وحده تشوف الي يناسبها

حبيبتي انا كنت استعمل الشيرة مدة طويلة والحين احيانا استخدمها لاني لقيت حل وايد مريح وهو :

في شفرة سيراميك خاصة للمنطقة الحساسة – تلاقون هالمكينه بالغانم

مشكورين عالمشاركه

بس السؤال الشيره تسبب سواد بالمنطقه وترهل او لا تسبب

وانا هم نفس الشي سمعت عن الحديث اللي امر به الرسول
مثل ماقالو البنات

وبيني وبينكم اريح من الشيره والتعب

الشيرة تسبب سواد في حال اذا رديتي عل المكان اكثر من مرة و ترهل اي نعم تسبب ترهل و الدليل اذا شلتي شواربج بالشيرة يطلعلج تجاعيد

بالنسبة لي بصراحه استخدم الشيرة و الحين انصحوني بمكينة باناسونك مخصصه لهالمكان لونها ازرق بس ما شريتها لي الحين

و مفكرة قبل لا اطلع من الاربعين بسوي ليزر و افففففففتك

الموس ملييييق يطلع بعد يوم و اسووووووووووود غير الحكة و اربع شعرات تطلع مكان واحد ما احبه

ام حيدرالمكينه اللي حاطه صورتها شلونها بالاستخدام؟ماتعور ؟؟

نفس السؤال

شوفي اختي .. هذا الموضوع كنا نتكلم فيه امس ..

اللي عرفته من خبرتهم .. ان الشيرة طبعا انظف ويطول يطلع الشعر بس يرهل المنطقة واللي اخطر من هذا ان هذي المنطقة حساسة ومع الاستعمال الدايم للشيرة راح يضعف الاحساس عندها ويصير فيها برود ..
قالولي .. شيلي الشيرة بس قطعة صغيرة حيل وشعرة شعرة خصوصا اللي تحت بين الشفرات .. واستعملي بودرة او نشا قبل لاتشيلي شيرة على شان ماتلزق الشيرة على الجسم وتعور .. بس تمسك الشعرة وتشيل .

وقالولي احسن شي تشيلي المنطقة اللي فوق بالشيرة واللي تحت موس

بس لاتنسون حديث الرسول صلى الله عليه وسلم (( نتف الابط وحلق العانة )) وترى كل شي فيه حكمة سبحان الله..

وبالنسبة اللي يبون يشيلون بالليزر .. سألوا على حكمه هل يجوز او لا ؟ لانه منطقة لايجوز ان يراها احد ومضارها على المنطقة لاسمح الله .. انتبهوا

والله يعينا احنا يالحريم

مشكورين وايد

يعني صج الشيره تسبب ترهل وسواد

نينو – الدوريف

ماتعور وما تحسين بولا شي اصلا – حتى الراس الثاني اللي حق شعر الجسم وايد حلو وفي ملحق للمكينة نفس علبة ثلج تحطينها بالفريزر فترة وبعدين تركبينها عالمكينه لما بتشيلين – هذه العلبة مالت الثلج تخدر المكان

يعطيكم العافية