|
|
مسا الخير كويتيات
انا بأخر الثامن اسبوع وادخل التاسع
والام الظهر عندي مو طبيعيه لدرجة اني ما اقدر اقعد واذا قعدت وابي اقوم الله لايوريكم قصه
وغير النفس اللي يروح والشد اللي احسه بالرحم و الضغط على المعده
احس حيل حيل قاعده اتعب وموقادره اتحمل خاصه اني بجر
هذا غير النوم اللي اتعذب فيه
جنبي اليمين واليسار ما اقدر اطول في النومه فيهم يعوروني حيييييييييييييل وانام على ظهري يعني طول الليل اتقلب
*******************
هل هذي طلوق بارده ولا شنو ؟؟
ولا اعراض عاديه ولا موعاديه
بليز بنات فيدوني
فهذا شي طبيعي والدكتور قالي معناته ان الحوض قاعد يتوسع وهذا افضل لولاده اسهل ويارب يسهلك ولي ولجميع الحوامل ولادتهم
لاتخافين
لما تمشين حاولي ماتردين بظهرج على ورى وايد
قد ماتقدرين لانه ياثر على الظهر
تسلمون عالردود
رحت امس لدكتوره ماقدرت اتحمل الام
قالتلي ان هذا طبيعي وخذت على سونار
وبعدها قالت
(((((((((( يــــــــــــلا فحص داخــــــــــلي )))))))))))))))
قلت لا مابي
قالت لازم يمكن الرحم مفتوح
قلت لا
قالت صدقيني ان هذا لصالحج
قلت ماااابي
قالت ليش خايفه
قلت مو خايفه بس مابي
وقالتلي خلاص براحتج بس المراجعه الجايه لازم
وقف قلبي لما قالت فحص حسيت اني بولد
ربي يهونها على كل حااامل يا رب
انا كل ما ايي الدوام يقولولي ( انتي ما ولدتي) افففففففففف يبطون جبدي بهالسؤال اقولهم تو الناس ما دشيت التاسع يعني لو ولدت جان ما داومت بروحه مالي خلق عمري و يالله اقوم من النوم لان طول الليل ماكو نوووم من الم الرجل و الظهر حتى الحوض يعورني بس ونستيني اختي ( ام دارين) ان الالم بالحوض يعني قاعد يتوسع انشالله يكون يتوسع لاني مابي قيصرية
الله يهون علينا وعليش يارب
انا باقي لي كم يوم وادخل التاسع
الله يسهل علينا يارب