|
|
مساء وصباح الخير
ماادرى اذا مكان العنوان بالقسم هذا او لا
بغيت بنات منكم المساعده وادرى انكم ماراح تقصرون عن انواع اكل مرضى السكرى لان عندي عمي مريض بهالمرض ومااعرف شنو احطله بالاكل بالريوق والغدا والعشا
الصراحه توهقت حدي وقلت مافي غيركم راح يساعدني وماعندي احد مصاب بالمرض هذا عشان اسئله بشنو احطله…….
بالنسبه لمريض السكر يمنع من اكل الحلويات والسكريات والنشويات والمقالى والمعجنات والدهون
ممكن ياكل بالريوق او العشاء
الجبنه قليلة الدسم ,, اللبنه ,, البيض بس ما يكثر لانه فيه دهون,, خبز خفيف اسمر او ابيض او توست اسمر
وياكل الخيار ,,طماط,, جزر,, خس او اى نوع خضار
الفواكه بس الموز ما يكثر منه لانه فيه نشويات بكثره ,, البرتقال مفيد بعصيره
البسكويت الخفيف ممكن بس مو وايد
اما اللحوم يفضل المشوى منها او الدجاج المشوى وابتعدى عن الصلصات
والاسماك وايد مفيد ومغذيه وخفيفه ,,
العيش ((الرز)) ممكن ترس قوطى الروب بس مع سمج او دياى او لحم مشوى
ممكن خضار بالفرن
واذا تحبين وصفات للطبخ ممكن بقسم الاكلات الصحيه تحصلين لج جم وصفه
وبالسلامه ان شاءالله
وضروري ضروري المشي على الاقل نص ساعه باليوم يتمشى بالبيت اذا كلش الرياضه مفيده وتنزل السكر بدم
بس ماأبي ازعجكم بس موعارفه شنو احط بالطبخ او انواع الاكلات لان عمي كبير والصراحه محتاره اشلون اطبخ لها بالمقادير واخاف يرتفع السكرى عنده عرفت الحين ان الحلا ماياكله بس بغيت الطبخات الدافئه حق العشا
لان معاها ظغط وظغط كلى ياريت تفيدوني باشياء تنفع وتساعد لانتظام السكر