|
|
السلام عليكم
بنات أنا الحين مسافره مع ريلي شهر العسل والحمدلله اهو طيوب وخوش واحد وانا صارلي مالجه 5 اشهر واعرفه عدل طلعات وقعده مع بعض*
المهم صدمني
*ن يبيني اغير باركيه غرفه النوم و قعده الصاله اذا ردينه من السفر
***
تدرون شنو الصدمه يبيني أغيره علا حسابي وانا اصلا ما اشتغل يقول اول معاش لج غيريهم مو عاجبيني
انا كنت كاتبة موضوع من ايام الملجه ان ابيه يمشيلي مصروف و قلتولي لا انتي ملجه وتو الناس سمعت كلامكم قلت فشله وانا ادري شنو نوع ريلي انا ما قلت ابيه يمشيلي مصروف *مني والطريج لان يا بنات مهري طار من المصرف كنت اصرف منه استحي اطلب من اهلي مع ان أبوي والله ما قصر معاي نفنوفي والورد والمصوره ووووو كله علا حسابه وشهر العسل كللللله علا حساب ابوي ماراح يقصر ب50 دينار مصرف واستحييت اطلب ريلي شقول عني مع ان ساعات لما اروح معاه السوق يخليني ادفع ومره قالي يبي كرتج معاج بوديج السوق @@ والحين تماده زياده وعينه علا معاشي اللي للحين ماشفت منه شي
اللي باط جبدي يا بنات ان مو راضي اكمل دراستي ويبي الوظيفه اللي علا كيفه و فوق هذا عينه عالمعاش يعني دراستي *وتفوقي كلها بلوشي تدرون أني للحين ما ادري جم معاشه ولا مره سالته بس اللي اعرفه ان وااايد زين ماشالله
قولولي شسوي للأسف اهلي علموني الحيا واني ما اضغط عالريال واهو كله يقول ما عنده فلوس و اهو مو مقصر علا عمره طلبات من النت و اجهزه يديده كل واحد بمبلغ وقدره
ناطره ردودكم حبايبي واذا ما رديت عليكم سامحوني أنا بسفر ومو كل وقت اقدر اشبك الموضوع موضوعكم بليز رفعوووه اب اب
يعني فلووس زيادة عن معاااشه المفروووض معودته انه اهوو يدفع لمن اتروحين اتسوقين معاه قوولية بالويه ماعندي فلوس
وسوي نفسج بريئه بالويه بعد اهو الريال واهو ملزوم فيج وفووق هاذا يمشيلج مصرووف خااص فيج اما لا توظفتي يصير خير
حزتهاا بس عوديه اهو اللي يند فلووس اذا سكتي وقلت استحي باجر بيقولج دفعي اغراض الجمعيه دفعي اكل المطعم وتلقينه ايي
يطر منج فلوووس سلف من الحين ابدي معاااة وكله بينيله انه ماعندج فلووس وصرفتيه على التجهيز وقطيله نغزة ياحظ فلانه
ريلها يميشيلها مضرووف كل شهر واهي مع هاذا موظفه وعااد شووفي شنو يرد و احتمال يضيع السالفه لووووول
ليش منج !! لا ارفضي قولي ماعندي وانا مو موظفه !! بعدين كل شي جديد ببيتكم !! مامداه يمل !!
مو حلو التبذير حراام ّّ !! قوليله جذيه !! وبعدين كل شي عليك انت يالرجااال مو انا المره !!
كلميه بهدااوه مو بمناتر وعصبيه !! التفااهم !!
تعــــــــــــــــــــــــــــذري وقولي ماعندي
من الحين تلمحين له انه معاشج حقج ماله شغل فيه
اتمنى تكوني فهمتي قصدي
اول شي حبيبتي مثل ما قال المثل زوجج على ما تعوديه و ولدج على ماتربينه
يعني ياحبيبني ضغطي على نفسج وعلى خجلج اشوي لان المسأله مو مسألت يوم او يومين
السالفه مطوله هذه حياة زوجيه يعني عشرة عمر
حتى لو نزل معاشج وطالبج باي شي
قولي القانون والشرع معاي
انت اللي تصرف علي وعلى كل احتياجاتي
ومعاشي محد له شغل فيه
بس طبعا باسلوب حلو مع حبتين اغراء وبتيسر حياتج ان شالله
بس امانه عليج ماتنسين الدعاء لانه هو اللي يرد القضاء واكثري الاستغفار
وان شالله ربج كريم وما ينسى عباده
انتي قوليله اي مو مشكله ولا يهمك
واذا شفتيه صج معزم ومابذنه ماي
قوليله يبا كنت اتغشمر انت ريال البيت والمصرف عليك مو انا
بعدين غلطانه حبيبتي لازم يحطلج مصروف غصبن عليه ويمشيه لج كل شهر حتى لو 150 دينار
عيل عنده معاش وبدل ايجار وزوجيه حق شنو ؟؟
مو عشان يصرف عليج ؟
لاتسكتينله حبيبتي مدامه مايستحي لاتستحين ..
واي شي بخاطرج طلبيه افا عليج ترى ريلج على الي تعودينه
اذا من اولها شافج ساكته بيحزر عليج ..
علميه ان لج نمط حياة معين ماتقدرين تعيشين بمستوى اقل او تحسين بتقصير قوليله ماتعودت جذي ابوي ماكان يقصر معاي مابي احس بفرق عندك ابيك تعوضني عن بيت ابوي وتعيشني مثل العيشه
بس يمكن زوجك لانه مو محتاج فا يبغى يختبرك اذا انتي بتخشين عنه فلوسك ولا عاااادي عندك اهم شيء راحته !!
عاد انتي تووووو الناس على حكمك عليه صبري شوي وحاولي لا تطمعينه بمبالغ كبيره لا بس اذا مقاضي على الخفيف عاااادي لين يبين معك وش السالفه لا تستعجلين يمكن قاعد يختبركـ ترى يسوونها الرجااال ,,, اخيرا ياربي يوفقك ويهدي قلبك ويسعدك دايما انتي والبناتتتتت كلهم
احسن ماتندمي بعدين
زوجك على ماعلمتيه ابنك على ماربيتيه