|
|
السلام عليكم ورحمة الله وبركاته
خواتي انا صارلي والده 7 شهور ونص وهذا اول حمل لي
طول فترة الحمل كنت اعاني من ضغوطات نفسية كبيرة .. .gif "Eh S(11)")
والحين من ولدت مااادري شفيني كله مخنوووووقة وابي ابجي وعصبية نااااار
حتى على ولدي حبيبي كم مرة افقد اعصابي عليه .gif "Eh S(2)")
ماادري شفيني بنات ماتوقعت ان حالتي توصل لهالدرجة خاصتا حملي صار بصعوبة مع مشاكل
وولدي اعز من كل شي بهالدنيا اموت عليه بس هالضيقة والعصبية وحتى اوقات احن لايام الحمل
وحركة الجنين واوقات العكس احس روحي مو طبيعية .. خايفة لا تسوء حالتي اكثر وانا متغربة ماقدر حتى استشير دكتور اخاف تنحسب نقطة مو لصالحي
ابي نصايحكم وتجاربكم تكفون لا تخلوني
ثانيا هذا يصير حبوبه بعد الولاده ويمكن يستمر
انا طول معاي سنه ونص بس لحقي عمرج روحي للدكتوره خليها تساعدج وممكن تعطيج حبوب حق كابه ما بعد الولاده هذا شي مو بيدنا تغير هرمونات وضغوطات الحمل والولاده تسوي جذي
من ناحيتي شنو سويت .. قبل النوم حطي ايدج علي صدرج واقري 100 مره ياهادي من اسماء الله الحسنى وراه يهدي سرج مع الايام وعشر مرات الفاتحه
اشتري من سنتر بوينت المطرات لافندر .. شوفي شنو اتشمينه واتحسين ان راح يريحج اعصابج اخذي وحطي شمعه 24 ساعه شغلي راح اتحسين بشعور مريح
طلعي حبوبه لا تقدين بالبيت وايد الطلعه تريح ربع ساعه عالبحر روحي الجمعيه اشتريلج كاكاو اي شي اتحبيه واسترخي شربي شايج او حليبج مع قطعه كاكاو وهدي اعصابج ومع الاياام كله يزول حبيبتي
انا حاسه فيج لاني مريت بنفس المرحله وادري شكثر صعبه
اشتري العنب الاسود واكلي منه لان روايه عن النبي يذهب الهم .. والزبيب الاسود 21 حبه عالريج هم هذي روايه عن النبي
وكل يوم الصبح اول ما تقعدين غسلي ويهج بماي ورد وراح اتحسين براحه
غيري بدارج غيري فراشج عطرج يمكن اتحسين انها امور عاديه بس فعليا اهي اتاثر وااااااااااااااااايد علينا
والله يسهل امورج ويرح بالج .. وطمنينا عنج
آلله يعيييييييين
بعد عمري والله مشكورة على الرد صج ريحتيني شوي
لان حسيت ان ممكن حالتي طبيعية لان صج صارلي كم يوم خايفة على نفسي ان اكون مو طبيعيه
انزين ماقلتيلي شلون كانت علاقتج مع البيبي هم اوقات تفقدين اعصابج معاه؟؟
بحاول اطبق كل شي كتبتيه ان شاء الله ولا تنسيني من دعواتج الله يشيل الهم اللي كاتم على صدري
ويبدلة بسعادة واقدر اربي ولدي تربية صالحة رب العالمين يرضى عني فيها يالله
والله سافرت مرتين من ولدت للحين ونفس الحالة بالعكس من اسافر اتعب زيادة
لان تعرفين بيبي وسفر تعببببب .. ومثل ماقلت انا مغتربه يعني ماعندي لا صديقات ولا احد
اغلب الوقت بهالبيت مع ولدي .. الله يطلعنا من هالحالة هذي على خير ياربي
وبعدين انشالله هالضيجه تروح منج
بس حاولي ترتبين وقتج في البيت
شوفي شنو مضايقج
اذا حنه الياهل ماذيتج خلي احد يساعدج
اذا الياهل عسر ودي الطبيب يمكن فيه فطريات
او شي
انتي ادرى بنفسج ليش مكتابه
والله يعينج لان تربيه البيبي تشلع القلب وعقب فتره
تتعودين……….
انا ليلحين ما ولدت بس صج الفتره اللي انا فيها حالتي هم مو طبيعيه صايره حساسه على اي شي ابجي
واعصب !!! يعني راح تزيد هالحاله ورا الولاده @@
كنت تصل على امي بليل وابجي اقولها مو بيدي … تره هم احنه شوي عندنا جهل واهمال … تره مرحله الولاده جدا حساسه والمره تتعرض لضغوطات وتغير هرمونات فضيعه ( عشان جذي الجنه تحت اقدام الامهات : )
بالنسبه لولدي تدرين لمه ولدت ويابوه لي بس شفت ان سليم قلت حق ريلي خل ياخذونه لان من التعب والحاله اللي انا فيها ما احس ان في مشاعر ناحيته بس ثاني يوم كسر خاطري لان اهو ماله ذنب بالحاله اللي انا فيها وهم انا مو بوضعي الصحي التام اصلا يت علي لحظات ( استغفر الله كنت اقول يارب ليش عطيتني ياه دام انا ما اقدر اقوم فيه مو كرها له لاني مو قادره اصيطر على مشاعري وكاسر خاطري .
يعني لا تلومين نفسج دايما قولي هذي فتره واتعدي .. والله مع انها طولت معاي الا انها فعلا عدت الحمدالله بس جربي الامور اللي قتلج ياها . وشوفي اذا البيبي نايم وعندج وقت .. دشي اتسبحي .. لان هم الرسول يقول اللي في ضيقه خل يتسبح او يمشي وتروح وفعلا السباحه ةايد كانت اترخي اعصابي … جنه معطيني ابره مخدر
اذا عندج بلكونه بطليها المغرب .. اتعرفين الحرمل ( في منه عند العطار ) كل يوم المغرب بخري البيت راح اتحسين براحه فضيعه .
اشتريلج مج خاص فيج .. قولي كل يوم الساعه 5 او 4 ( الوقت اللي يناسبج ) هذا الوقت لي لو ربع ساعه
حطيلج جاي ..او حليب .. وانا افضل الزهورات لان اعشاب اتساعد على الاسترخاء
واذا تبين اعطيج انا يايبه فرش من لبنان عجيب .. وحطيلج قطعه كاكاو … كيكه .. بسكوته .. اللي تحبينه
المهم هالربع ساعه لج لا تفكرين بشي غير انج الحين مرتاحه ومهتمه بنفسج .
لان تره من اسباب الكابه انج اتحسين الياهل ماخذ كل وقتج … ما تقدرين كل اللي كنتي اتسوينه قبل سواء لنفسج او ريلج وهذا يعطي شعور بالكابه ..
سوري قرقرت وايد بس ابي افيدج … وبس تبين ازهورات لا تستحين لا يردج الا التلفون او الخاص ..
وكوني على يقين انها رااااااااااااااااااااااااااااااااح اتروح هالمرحله نهائيا
ونصيحة لاتاخذين حبوب كآبة هذا مو حل امشي وقت النهار نص ساعة منها تشمين هوا نظيف ومنها تشحنين طاقتج والله يعينج ع الغربة
اذا كنتي تاكلين حبوب مانع احتمال هذا سبب لانها تعب الجسم
وماتشوفين شر
بعد عمري والله والله دعيتلج من كل قلبي على النصائح وكلامج اللي ريحني
عسى ربي يحققلج كل شي تتمنينة يارب
احاول اطبق كل اللي قلتيه .. والله انكم خوات واكثر ..
ميدنايت
الله يعيني اي والله على الغربة هي سبب كاباتي يمكن
انا هالايام الجو صاير حلو عدنا اخذ ولدي بالعربانة واطلع امشي
بس هم مااغير جو لان منطقتي حيل كايبة مافيها ناس كلهم شياب وعجزة
الله يعين يارب