|
|
السلام عليكم ،،
ما اطول عليكم بموضوعي
اول شي انا معلمة تعيين هالسنة
يعني من اول السنة الدراسيه تعينت ، اللي اهو شهر 9 سنة 2024
وانا معلمة علوم اسرة و مستهلك
و خريجة التربية الاساسية
.
اللي ابيه الحين
اني باخذ بكالريوس ثاني بمجال ثاني غير التدريس يعني مابي ادرس تربية بعد
و يكون بجامعة الكويت و ببالي حاليا اني ادرس حقوق
لان هذا اللي كان ودي اني ادرسه من 4 سنين بس الظروف وقتها ما سمحتلي
.
المهم ف بسجل عالسنة اليديده انشالله
معناته بكون ثاني سنة لي بالتدريس
ف سؤالي هني
يصير ولا ما يصير ؟
و للعلم ،،
انا مابي اتفرغ نهائياً
يعني ابي اتم اداوم بالمدرسه عادي يعني بتم موظفه الصبح
و يعني اضبط محاضراتي على العصر لي المغرب جذي
مو مهم عندي اتأخر بالمواد او شي جذي
المهم اني باخذ بكالريوس ثاني .
يصير ولا ما يصير ؟؟
وانا سمعت ان يصير و في ادارات بهالحاله يراعونج
و يعلمونج شلون تطلعين ورقه من الوزاره بخصوص انج تطلعين كل يوم من المدرسه الساعه 11 ونص ويكون تخفيف دوام مدرسي لظروف
صج يا ابلات ولا لا ؟؟
اللي عندها خبر اكيييد تبلغني
او تسألي احد ضرووووري
واللي مو عارفه ترفع الموضوع
و ياليت تقولون لي منو الطرف المختص اللي اقدر اسأله بهالموضوع
هل هو وزارة التربية او المنطقة التعليمية او العماده بالجامعه او وين ؟
و شكراااا مقدمااا
ممكن جامعات خاصة عندج كلية القانون الدولية او العالمية نسيت اسمها
|
المشاركة الأصلية كتبت بواسطة رحيل المرافيء
 الجامعة ماتقبل الا شهادة حديثة من الثانوية ماتقبل شهادة قديمة
ممكن جامعات خاصة عندج كلية القانون الدولية او العالمية نسيت اسمها |
شهادتي الثانوية مو قديمة حيل
شهادتي صارلها 4 سنوات بس
و انا متخرجه بامتياز .
انتي متأكده من الخبر ؟
لاني متأكده انه البكالريوس بالتطبيقي
يقبل شهادات صارلها فوق عشر سنين اصلا
بس الفرق بين النسب
يعني مثلا شهاده حديثه يقصدون فيها ماصارلها اكثر من 5 سنوات
نسبه القبول مثلا 70 %
تكون الشهاده القديمة يعني يقصدون فيها صارلها اكثر من 5 سنوات
نسبة القبول تصي 80 %
بس بالجامعه نظامهم غير ، معقوله ؟؟
بس وين تسألين والله مادري
بالتوفيج ..
و4 سنوات مايقبلون
حتى التطبيقي الحين صاروا مايقبلون الشهادات القديمة وايد لزيادة اعداد الخريجين
وحتى التطبيقي اذا انتي دارسة عندهم ورديتي تبين تقدمين تخصص ثاني
مايصير لازم شهادة ثانوية جديدة
أب
الله العالم
بس ممكن في جامعات خاصه تقدرين تدرسين بارت تايم على حسابج
طلعي ارقامهم وسالي
عندج بالكويت قست والجامعه الامريكيه بالشرق الاوسط والجمعه الامريكيه
والجامعه العربيه المفتوحه
وحرام مدام انتي متخرجه امتياز
كملي الماستر ( اتوقع نفس جامعة الكويت موشرط نفس تخصصج ماادري
)وبالنسبه للتطبيقي اختي مستحيل يقبلون شهادة ثانويه طايف عليها اكثر من سنتين لان رفيجتي طلعت واهي بثاني سنه لها من الجامعه وقدمت بالتربيه الاساسيه رفضوها لهالسبب واضطرت تقدم بمعهد الاتصالات
مو مهم الفلوس
المهم بكالريوس ثاني ،،
اوكي حبايبي شترشحولي اي جامعه خاصه عشان اروح امرهم ؟
و اقدر ابدي اي وقت
يعني اقصد مو شرط عالسنه اليديده ؟
يعني مثلا الصيفي ؟ ولا لازم يا كورس اول يا كورس ثاني
ولا مايصير ؟
حبيبتي كلامج غلط ،،
انا توني خريجه يديده واذكر كل شي ،
انا من دخلت الكليه اقصد التربية الاساسيه وانا معاي حريم كبار اعمارهم على 30 ليي 40 سنة
وكلهم موظفات ماخذين تفرغ تام ،
طبعا بتقولين ليش ماتاخذين تفرغ تام مثلهم
لان التفرغ يشرطون عليج انج تكون عندج سنوات خدمة ناسيه اذا 3 او 5 سنوات المهم واحد من هالرقمين
وانا توني اول سنة تعيين عشان جذي ماقدر اخذ التفرغ التام
المهم ان ثنتين من هالطالبات اللي دخلوا كبار
خريجات جامعه الكويت العلوم الادرايه ، واعرفهم عدددددل وزميلاتي
حتى اهم موظفات بالوزارات الحكومية ،
وكاهم دشوا التربية الاساسيه و بشهاده قديمة بعد و كملوا و تخرجوا
والحين اهم ابلات اول سنة تعيين حالهم من حالي
بس العمر و وقت الشهاده اهو اللي يفرق
انا يوم قدمت عالتربية الاساسيه يعني قبل 5 سنوات ، ايام كنت توني متخرجه من الثانوية
عطوني الورقه مالت القبول ،
والورقه كانت مثل جدول فيه نسب القبول
وكانت مقسومة قسمين
و الورقه اعتقد ليلحين عندي اذا لقيتها بصورها لج
المهم مقسومة قسم شهادات حديثه ، و قسم شهادات قديمة
مثلا مثلا
التخصص اللي يبون فيه الشهادات الحديثه 70 %
يطلبون فيه من الشهادات القديمة 80 %
جذي يعني
رافعين 10 % من النسبه عشان مو اي احد يقدر يدش جذي يعني
و حتى الشهادات الحديثه كانوا يقصدون فيها اخر 3 سنوات
و الشهادات القديمة من 3 لي 10 سنوات
اما اذا اللي تقولينه متأكده منه
معناته انه قرار يديد
لانه انا اللي كتبته لج متأكده منه مليوووون بالاميه
لانه ورقه القبول انا مفصصتها تفصص
بس التطبيقي قبل يأخذون شهادات قديمة بس يمكن الحين لانه زايد اعداد متخرجين من جذي ما يأخذون شهادات قديمة
لانه رفيجتي كانت بالحقوق بعدين ما قدرت تكمل طلعت وراحت تربية أساسية يلا بعد ثالث سنة جامعة بس هالسالفة كانت على سنة ٢٠٠٨ اتوقع الحين الوضع تغير
اذا ودج حقوق ماكو الا كلية القانون الكويتية العالمية
دارسه بكالوريوس واحد مايصير ثاني الا مساند يمكن
او تكملين ماستر