افيدوني ياذوات الخبرة

السام عليكم ………. قوة بنات شخباااااركم ……
انا جديدة في المنتدى بس حبيت استشير ذوات الخبرة منكم الله يعافيكم……..
انا مقبلة ع الزواج بعد كم شهر ان شاءالله وعمري 22 خبرتي بالزواج وامورة متوسطة
<<حدود ثقافتي من التلفزيون وبعض زميلاتي المتزوجات وطبعا عندهم بعض التحفظات على الامور والانترنت بس بهالفترة قدرت افتحة ومااعرف وين اروح ولا وين المواقع الصح من الغلط>>
المهم……….. ولاودي اطول عليكم
ابي نصايحكم الغالية بدون تحديد لاي موضوع اي شئ تعرفونة وحاسين انة يفيدني لاتبخلوووون فيه علي
والله خااااايفة يابنات الله يعين بس ويصبرني

وانا شاكررررررررررة لكم بكل الاحوال
…………………….

فيه موضوع ثاني وادري ثقلت عليكم بس تحملوني شوي
انا مملكة من سنتين ومن سنة كنت اتراسل مع زوجي بمسجاات ع الموبايل بس
لاني خفت اكلمة وهو رضى بهالحال …… قبل اسبوعين طلب يكلمني ورفضت
واخذ على خاطرة مني ….. ولا حاولت حتى اراضية لاني ماغلطت
وبعدها سافرت اجهز وضاع موبايلي ….. وعطيتة خبر بمسج وطلعت رقم ثاني
بس ماراسلتة ولايدري عن رقمي الجديد
وانا مفكرة اقطع هالمسجات
بس ابي اعرف معي حق باللي سويته او لا ………
ووين تشوفون الاحسن<< ان الوحدة تعرف زوجها قبل الزواج وتتعرف علية او لا>>
اللي جربت لاتحرمنا من تجربتهاااااااااا

ومشكوووووووووووورين حباااااااايبي

اول شئ الف مبروك مقداما والله يتمم عليكم على خير

ثانى شئ تبين نصايحنا فى شنو بالضبط بمعاملتك مع زوجج او اهله او البس او شنو بالضبط

ثانى شئ ماشوف انه لما تكلمين زوجج فيها شئ خلاص انتو متزوجين على سنة الله ورسوله مافيها شئ حبيبتى

الله يبارك بحياتج ياقلبي
انا قصدي على المعامله مع الزوج عموما في كل شئ……….الشي اللي تشوفين انه فادج في حياتج اي شئ
انا من كثر خوفي مو عارفه احدد احس انها مسؤؤلية كبيرة

الف مبررروك والله يوفقج

الله يبارك فيج ياحياتي………على فكرة انا امووووت باليسا
انتي مطيرية؟؟؟؟؟

اول نصيحتي لك ان تستفيدي من كتاب مكارم الاخلاق
فهو منظم لشؤون الحياة كافة ومن كل جوانبها

ثاني شي ارجعي لكلام الاعرابية التي كانت توصي ابنتها في ليلة زفافها وهو اساس تنظيم الحياة
ومصدر سعادتها وهذا هو نصها ..

أي بنيه انك فارقت بيتك الذي منه خرجت ، وعشك الذي فيه درجت إلى وكر لم تعرفيه ، وقرين لم تألفيه فكوني له أمة يكن لكي عبدا واصحبيه بالقناعة ، وعاشريه بحسن السمع والطاعة ولا تعصي له أمرا ، ولا تفشي له سرا ، وكوني أشد الناس له إعظاما .
واعلمي أنك لا تصلين إلى ما تحبين حتى تؤثري رضاه على رضاك وهواه على هواك " .
فالرضا بالقناعة وحسن السمع له بالطاعة والتفقد لمواقع عينه وأنفه فلا تقع عينه منك على قبيح ولا يشم أنفه منك إلا أطيب الريح والاجترار لماله و حشمه وعياله .
فلا تعصي له أمرا ولا تفشي له سرا فإنك إن خالفت أمره أوغرت صدره وإن أفشيت سره لم تأمني غدره.
إياك والفرح بين يديه إذا كان محزونا والحزن بين يديه إذا كان فرحا.

وأسئل الله لك بحياة زوجية موفقة
دمت في حفظ الرحمن

اشكرج ع المرور يالغالية
حبيبتي الكتاب متوفر بكل المكتبات انا بالسعودية؟؟؟؟؟

اي مطيريه وانتي

واضح من النور اللي طلع علي بالشاااااااااااشة ههههههههههههههههههه

اي والله مطيريه يابنت عمي ومن الحمادين انا بالسعوديه وانتي وين بالكويت

انا كويتيه اعرف رفيجتي من العرايف حمدانيه

تراه زوجج عادي لو كلمتيه صراحه حركتج غريبه

لا والله مااعرف العرايف تعرفين الحمادين شكثرهم ماشاءالله

تعرفين …عبير ناجح …ميمونية كانت معي ايام الثانوية

غريبه……………….اقولج خاااااااااااااااايفه …..شئ جديد علي

لا ياقلبي ما اعرفها لاتكتبين اسم البنت
انتي اللي ماخذته سعودي

عزيزتي اتصور اذا انت بالسعودية ما راح تلاقيه بسهولة
بس خذي هالوصلة

كتاب مكارم الاخلاق

فيها الكتاب بس الكتروني
وحاولي تقرأينه بعناية خاصة فيما يخص اداب المعاشرة الزوجية
واذا بغيتي اي مساعدة اني حاضرة لج