|
|
شلونكم خواتي الغاليات عساكم بخير
كلنا تمر علينا ايام الدوره بكل شهر و نحس فيها بضيقه احيانا لسماع صوت الاذان و عدم قدرتنا على الاجابه و لرؤية القرآن و عدم قدرتنا على مسه و مرور يوم الاثنين و الخميس و عدم قدرتنا على صيامه
فيا ليت تشاركون بهالموضوع و تفيدونا بطرق للعباده و الذكر و غيره بهالوقت اللي نمر فيه من كل شهر و لكم الاجر بأذن الله
احبكم في الله
الدعاااء , ازيد من الصدقة بهالايام
بس هذا اللي اقدر اسويه , ياليت لو باجي البنات يفيدوناا
قولي دايما سبحان الله والحمدلله ولا اله الا الله والله اكبر
توضى واسمعى الرقيه الشرعيه
اقرى القرأن من الايفون او من الانترنت
تصدقى بـ مبلغ من المال ، اذا عندج ملابس ماتحتاجينها تبرعى فيها + احذيه ( الله يكرمكم ) + حتى مواعين البيت الزايده عن الحاجه غيرنا يحتاجونها .
وان شاء الله يفيدونااا البنات
1-استغفار 100 مره او زياده
2- الصلاة على رسولنا الكريم محمد صلى الله عليه وسلم – 100 مره او زياده
3-القران لو صفحه وحده من الاب توب او من الايفون او من المصحف بس تلبسين قلافز بالمصحف( حاجز للايدين) 100 مره او زياده
4- حسبي الله لا إله إلا هو عليه توكلت وهو رب العرش العظيم. او " حسبي الله ونعم الوكيل " 100 مره او زياده
5- سبحان الله وبحمده 100 مره او زياده
6- سبحان الله – الحمدلله – الله اكبر – لااله الا الله 100 مره او زياده (احب الكلام الى الله)
7- لاحول ولاقوة الا بالله 100 مره او زياده
8- الصدقة لو باقل شي عندج (وافضل الصدقات اطعام الطعام وسقي الماي "عطيني خدامتكم او سايقكم او البقاله فلوس او اي شي عندج او اخوانج الصغار حلاو او فلوس" او تعطينهم الماء او اكل )
9- الدعاء بين الاذان والاقامة
10- لا اله الا انت سبحانك اني كنت من الظالمين 100 مره او زياده
هذا اللي في بالي الحين
ربي ياجركم على كل عمل نسويه من افكاركم
بس بسألكم
الوضوء عادي حتى وقت الدوره ؟
عادي نقراها يوميا بوقت الدوره
انا وقت الدوره اشغل قرآن بغرفتي بس ما اقرا والله الا المعوذات بس حتى سورة الكهف ما اقراها وقت الدوره و يضيق خلقي
يا ليت تفيدونا
والله يا ليدي مادري اتوقع مايصير لانه احنا مو على طهاره خليني اشوف وارد لج خبر
ربي يجزيج الخير