اففف من هالريل مشكله ابي مساعده اونصيحه

السلام عليكم

بنات ياريت تقولون رايكم او تنصحوني لاني انا بالمشكله موعارفه شلون اتصرف

انا متزوجه وبداية زواجي كانت المشكله اني مومتقبله ريلي كلش من اسلوب وتفكير وقلت بتطلق
بس تفاجأت اني حامل اهوا يحبني وكان يطرش لي شكثر مسجات حب وغرام وهالسوالف ومتمسك فيني
ومايبي يطلقني بس ماستانس لاني حامل قالي تو الناس تونا متزوجين وصغار بس بعدين قال اشوا انج عشان ماتفكرين بالطلاق

وامي قالت لي انتي تعلمينه انتي تعودينه عليج خليه ياخذ طبايعج لانه وايد ماخذ من طبايع امه لانه الصغير ووحرام الولد يعيش من غير ابوه ومن هالحجي

ظلينا 3 سنين على هالحال احس اني اجامله بالحب لمن يقرب مني كنت اوخر وموايد اكشخ يعني اذا يبي ينام معاي بالغصب ارضا ساعات اقول تعبانه شغل باجر يعني متقطع مومستمر بس دايما يلزق ويقولي احبج من هالحجي قبل لانام ويعصب اذا رفضته لاتخليني ادور برا لاتحديني عالغلط
يتلي فتره قلت ابي بيبي ثاني قال لا مانبي واحد كافي وجم مره يرفض اهله صارو يتحجون ليش واحد بس وليش وليش عاد انا خذيت حبوب منع حمل قلت انا مابي اهوا صج موكفو مايعرف يتعامل مع ولدي كله يزفه يصارخ عليه لمن عصبت انا وقعدت معاه وقلتله ترا ياهل موهالوقت تشد معاه عشان يصير ريال على كلامه بس كان كلامنا باعصاب قالي انا شايل ايدي خلاص مالي شغل

وصج صار مايحاجيه وايد اي غلط يسويه ولدي انطر تجاوبه معاي عشان نادبه يقولي مالي شغل ينرفز بطريقه موطبيعيه جنه اهو الياهل

ندخل باساس المشكله اللي اهي تغير وايد الحين صارلنا 3 اشهر مايقرب ولايسئل انا مرتاحه من هالسالفه بس بنفس الوقت مستغربه مايسولف كله مجابل تلفونه والالعاب مسكت تلفونه واحد من ربعه وايد يدزله افلام بس بعرف اذا يخون ابي اصيده عشان يكون على الاقل سبب هوشه واطلق وارتاح منه يبط جبدي ينرفزني موقادره اتحمله لو يخون بقلب الدنيا علي راسه لانه موهامني بالطقاق لو يخون

انتي انانيه فكري بولدج حرام عليج تحرمينه من ابوه يعيش بين عيال خواله ويشوف كلن مع ابوه يروح ويجي وهو وحيد انتي مستحيل تعوضينه عن ابوه
لو زوجج يغلط عليج قاسي اي سبب يخليج تكرهينه بس ماكو الرجال يتلزق فيج يبيج وحاول معاج انتي مو مقدره النعمه اللي ربي عطاج زوج يبحبج ومتلهف عليج و ولد كل هذا بتهدمينه عشان شنو اسلوبه وتفكيره موعاجبج؟؟؟ خير حبيبتي تبين زوج تفصال مثلا؟
غريب امرج وصراحه انغثيت منج المفروض هو اللي ينفر منج اذا هذا اسلوبج
واللحين تبين تتاكدين اذا يخونج او لا بس عشان يصير عندج سبب للطلاق وهو مو هامج
انانيه انانيه
انا انحرمت من ابوي عشت طفوله تعيسه مع اني ماكنت محرومه من شي لبس واشياء على زماني قبل مو كل الاطفال عندهم امي عطتني كل شي تبي تعوضني وهمن خوالي كذلك وابوي كان يوصلني ومايقصر بالماديه بس كان وجوده ناقصني حيل ومنغص غلي عيشتي شوفي متزوجه لي 5 سنين ونص للحين احس اني فاقدته وعيالي احسهم مايعرونه مثل ماباجي العيال يعرفون جدهم ويدلعون عليه جنه غريب عليهم
حرام عليج فكري بولدج بتحرمينه من ابوه ومن اخو او اخت له من امه وابوه عمره ماكانو الاخوان اللي من الابو او من الام نفس اللي من الام والابو

مادري اسمحيلي اقولج انتي ضيعتيه من ايدج انا اشوف من كلامج انه كان يحبج وطاير فيج

بس من عرف انج مفكرة بالطلاق او مومرتاحه معاه … واهو غاسل ايده منج

وطبيعي تكون ردة فعله جذيه … وشي طبييييييييييييعي انه بيتجه اتجاه ثاني .. فلاتلومينه … اذا تهمج حياتج معاه تلاحقي عمرج

وحاولي تحسسينه انه اغلا مافي الكون عندج … واذا ماتبين … ماعندج الا انج ترضين بالامر الواقع وتوقعي اي شي خيانه او غيرها او الانفصال !!!!

الله يسخركم لبعض ويحببكم ببعض يااااااااااارب

حرام بينكم ولد ماله ذنب

موفقه

والله من الفسق ياحريم والبطاره والله لو مسكب لج ركضتي وراااه

كان يحبج ليش ماكسبتيه بـ صفج من الأول ؟
شهالعيشه خل يخون خل يطلق خل يلعب انا مرتاحه بدونه
وين إحساسج ؟ زين ولدج شنو ذنبه بعدين؟ ولهدرجة الطلاق سهل عندج!
ليش من الاول ماحاولتي تعدلين بطبايعه تكسبينه بجم كلمة حلوة
الله يهديكم

حبيبتي الرجال يحبج وشاريج ليش تبين تضيعينه من ايدج

اعذريني بس انا شايفه الغلط فيج انتى لانج كارهته من اول الزواج صرتي تشوفين كل شي فيه شين

حبيه دوري الصفات الزينه فيه وتناسي الشينه منها واسمعى كلام امج انتى الي تعودينه وتحببينه بالي تبين

حاولي تتلاحقين عليه قبل مايضيع

وفكري بولدج قبل كل شي

سؤال مثلا تطلقتى الله لايقولها وكبر ولدج وقالج يمه ليش تطلقتو شنو بتردين عليه

بتقولين له والله ماحبيته لو انا مكان ولدج بصراحه اقول ليتج يايمه بركتى على يوم جبتيني

واعذريني على صراحتى

الله يهيدكم ويسخركم لبعض
وانا اتفق مع كلام ام فواازي
تحمليه عشان ولدج حرام عليج
تحرمينه من أبوه وحاولي تحبين
زوجج وتسنعين حياتج ارضي
بالأمر الواقع اقتنعي قولي
هذاا زوجي وعندي منه ولد وهذا
بيتي مالي مكان غيره

,،

مآ آزيد على كلآم البنات كلأم !

بس حبيت اقولج
ترا اذا ظليتي جي أو تطلقتي على قولتج
آنتي الخسسسسسرانه !

و رآح تتذكرين كلآمي اذا مآ غيرتي من نفسج
أو اذا تطلقتي لا سمح الله ؛)

,،

الريال يلقاله آلف بنت و بنت بيوم و ليله يحصل عروسه
بس انتي صععععععععب تلقين بديل مثل ريلج مآ رآح تحصلين !

،

لا تقولين يشوف افلام و لا يخون و لا حتى لو يتزوج عليج المفروض مآ تتكلمين !
لانه بصراحه 3 مآدري 4 سنين يحاول يتقرب منج و آنتي تصدين :/ !
مآ تحبينه مآ تبينه شكله مو عاجبج ؟ شنو تظلمين ولد الناس وياج ، بعدين تقولين ابي اتطلق ! :/
و تقولين ليش يخوني و مآ يقرب مني !

على فكره ، الله رآح يحآسبج على الي تسوينه ؛) !
> عصبت ؛@ !!!!!

خافي على طيرك قبل مايلفي على حدا غيرك
أذا بحبك بتروح كل المشاكل

اسفه على هالكلام ,, بس انتي غلطانه ,,

دام انج ما تبينه ليش تزوجيته بالاساس !!

و لو كنتي مغصوبه او ما كنتي تدرين ان هذي شخصيته .. كان عندج حلين ,,
1) يا الطلآق
2) او انج تغيرينه للأحسسسسن ..

* بخصوص انج بعدتي ولدج عن ريلج غلط و اكبر غلط ,,

ترى كل الابهـآت يزفون عيالهم < هذا نوع من التآديب بس مو الطققق اللي يحر و يكسر النفس !

و بعد كل هذا ! و ما تبين ريلج يتغير عليج !
انتي ضيعتيه من ايدج ,, كان ميت عليج ,,

انتي الحين مرتاحه جذيه !

,,

اتمنى انج ما تزعلين مني و من كلامي ,,

يسلممم بؤؤؤؤك معاها بكل كلمه

موضوعج كله مافي شي غلط بزوجج ولا اكو سلبيه وحده ذكرتيها
اسلوبه و تفكيره مو عاجبينج كلنا جذي اول ما تزوجنا

بس انتي راكبه راسه وحاطه فبالج الطلاق وما حاولتي اصلا تحبينه

راح تهدمين بيتج
وراح تضيعين ولدج

وشلون تبين بيبي ثاني وانتي نفسيتج مو مستقره مع الريال

رجاءا كافي هاليهال الضايعين من غير ابو لا تزيدينهم

حبي زوجج وحمدي ربج عليه
ما طقج ولا سبج و لا خانج شتبين احسن من جذي
والله رزقج ولد وغيرج ىيتمنا الذريه ويدورها دواااره ويقط دم قلبه

والله حرام الله راح يحاسبج لا تنسين ربج خافي ربج بزوجج

الله يهديكم ويصلح ما بينكم

حبيبتي انتي الله عطاكي نعم كثيرة زوج يحبك ويودك واعطاكي ولد الله يخليلك ياه لانو ناس كتيرة محرومة من كلمة ماما وبتعلج وبحط مصاري وايد بدون فايدة اني اقولك استهدي بالرحمن وصلي ركعتين واستغفر ربك لانو الندم بعدين لايفيد الله يخليكي دير باللك على روحك