اففف قطع زوجي والخدامه

قوه يا حلواات

اعطيكم مقدمات انا ريلي غثيث اوكي وكل شي ابيه ايبليها لما تلوع جبدي منه المهم انا حالي حال اي متزوجه اشتغل وعندي ياهل عمره سنتين ومو راضي يدخله حضانه كله مااااااااااااعنده فلوس وطاير معاشه اول الشهر وتالي يقزرها علي خلينا من هذا

انا تعبت وايد عندي غير دوامي دراسه تخيلو يشوفني بهل حال ولا يفكر ايب لي خدامه تساعدني يشوفني اداوم واسهر ادرس واجابل هل ياهل واكرف انضف الشقه من دثرته وعفيسته وتحذف دلاقاته واهو منبطح على القنفه جنه تمسااح لا ويطرشني ايبله ماي ولا كلنكس يشوفني تعبانه ولا يفكر يب خدامه حقي ومو راضي لما بعد قلبي اميمتي الله يخليها يابتلي وحده وحطيته اما الأمر الواقع وقتله امي دافعه فلوسها بس ادفع معاشها تخيلواا سبوعين ماد بوووزه ومنفس واحسه يتحلطم على كل شي اخر شي يقولي شنو يعني ابي اخذ راحتي بتمشى ابوكسر مايصير جذي الحين انت تبي راحتك عشان تتمشى بصروالك وانا بطقاق ارتاح على الأقل من هم التنظيف والغسيل؟؟؟

امانه عليكم هذا الوحده شلون تتعامل معاه xxx على الريايل سورري بس معصبه ولا يعه جبدي

تم تعديل الرد من قبل مشرفه القسم بتبوتااا
والسبب كلمه غير لائقه ..

حرام عليه

ههههههههههه

وين الموضوع

حرام عليه

ههههههههههه

وين الموضوع

!!!!!!!

الله يعينج اغلب الرياييل جذي ما تهمه الا نفسه

حبيبتي الله يعطيج الف الف عااافيه على هالتعب الي تحملتيه والخدامه من حقج تيبينها
مرده بيرضى ما يصير جذي تتحملين كل هالتعب
المفروض انتي من اول ما ولدتي تيبين خدامه عشان يتعود اهي تشيل شغل البيت وانتي تجابلين نفسج وولدج وقت راحتج اهي تجابله بس مو دايما

الحين مالج الا الصبر وسوي نفسج عادي مثل ماكان اهو مو مهتم انجي قاعده تتعبين ولا تغثين نفسج ياقلبي اهم شي راحتج دام الخدامه مريحتج انسي وبيرضى ان شاءالله بس خل يتعود شوي وبعدين راضيه

الله يكون بعونج ويوفقج

الله يهديه

ههههههههههههههههههههه
قوليله البس اوزااار فووق المكسر .. خليه يول يحقريين زين ما عنده سالفة .. اهم ما عليج راحتج .. شكله قاعده يكسر احساباته بسالفة معاشها ..

تبين الصج مو ضروري رضاه دام إنه مو مهتم فيني خلي بوزه يوصل للسكة !!!!!!!!!!!!!

لو يساعدني في البيت جان مو مهم عندي الخدامة وايد رياييل جذيه بس فوق إني مو ظفة وأدرس وياهل

أشتغل في البيت عساه ما رضى ولعلمج الشرع والقانون يفرض عليه خدامة في البيت ، بس أمج من طيبها

يابت لج خدامة بس ديري بالج يقولج دفعي معاشها ، لأنه ملزوم يدفع لها !!!!!!!!!!!

والله ما ادري شنو اقولج ؟؟؟؟
يعني لازم اهو افكر ان في وحده قاعده اتنظف في هالبيييييييييييييت واتجابل اليااااااااهل بكل الاوقات

بس ياربي ما ادري اشفيهم افكرون ابراحتهم وراحت غيرهم لاااااااااااااااااا
الله كريم انشالله والله يريح بالج يارب

بس بالعكس ريلي مسكييييين اول ما ولدت يابلي هالخدامه لان انا قتله ما اقدر على تنظيف الشقه بالكااااااامل واجابل الياهل بليل وصبح وعصر وكل الاوقات وقالي انشالله تولدين بالسلاااااامه وايييبلج الخدامه وفعلا يابها ولا قصر معاي

اما انتي ريلج ما ادري اشلوووون صاير الله يكون ابعونج يارب
موفقه حبوبه

لوووووووول

امبيه مثل طبع ريلي كلا منسدح ودلاقااته بالارض

بس انا عندي خدامه بس ماتنام بالشقه وقت ما ابيها اناديها لان انا ساكنه بيت حمولتي فتنام تحت عند خدامه خالتي

المهم

انتي اذا ساكنه بيت حولتج سوي مثلي
خلي الخدامه تنام مع خدم خالتج اذا تبينها ناديهااااا

اذا ساكنه بروحج بعد امرج لله يوم ومين هو يتعود

كلميه من ناحيه الشرع ان المراه مو ملزمه تخدم زوجها
تخيلو هاقاعده واحنا ماندلاي
مبجور يجيب لج خدامه شرعا

لا تعليق

مااقدر اقول الا الله يهدية ان شاء الله