افضل معاش للحقوق بقطاع الحكومي ؟؟

السلام عليكم

ارجوا المساعده بنات ولحد يبخل علينا بأي معلومة

انا سمعت انه محامية البلديه مكان قوي حيل يعني الشئون القانونيه بالبلديه بس يقولون مكتفين وامسكره من اربع سنين يمكن او اكثر ولازم اعلان صج ؟

وسمعت بمجلس الوزراء الامانه العامه ونفس الشي يقولون هالمكان من 99 محد دشه وقوي

وسمعت مكتب رئيس مجلس الوزراء بس يقولون حق ربعه الخاصين

وللعلم هالكلام من نائب حالي يعني كله تعجيز في تعجيز

ممكن احد يعلمنا بمكان فيه معاش قوي بالقطاع الحكومي

وشكرا

شنو تقصدين بالمعاش العالي !!

شوفي عندج الهيئات والمؤسسات عادتا رواتبهم اعلى من الوزارات
عندج هيئة المعلومات المدنبه لهم كادرهم الخاص ورواتبهم اكثر من الوزارات
عندج المؤسسه العامه للرغايه السكنيه تزيد 100 عن الوزارات
عندج الطيران المدني على حد ما سمعت القانونيين يوصل راتبهم 1200 ومسماهم محامي

عندج بوزارة العدل في اكثر من وظيفه رواتبهم اعلى من باحثين القانونيين
في ضباط الدعاوي في المنفذين في محققين دعاوي نسب في موثقين
هذيله مسماهم غير وراتبهم اعلى
في عندج وزارة الماليه اعلى ب 100 من باجي الوزارات
وطبعا ديوان المحاسبه الي راتبهم تبارك الرحمن عالي
عندج التامينات وتوه قبل جم يوم شفت اعلانهم بالجريده

هذيله الي اذكرهم الحين واذا تذكرت مكان بعد بقولج

مو كل الهيئات زينين كمثال هيئة شئون ذوي الاعاقه وهيئة شئون القصر محد يمدحهم وحالهم حال الوزارات

ديوان المحاسبه هذا موضوع بروح لوووووول هذيل دورات نفس النيابة العامه ويبون واسطات قشره وحاكرينها حق فئه معينه

والتامينات دوامهم كرف وماكو رواتب وللاسف انه شروطهم بعد ما تنطبق علي

وبالنسبه للباجي اللي فرق 100 دينار عفوا انا كنت اقصد فرق اكبر مثل محامين البلديه يقولون لهم كادر نفس الفتوى والتشريع

زين منو يعرف جم رواتب مجلس الوزراء الامانه العامه ؟؟

ديوان المحاسبة او الفتوي والتشريع احسن الجهات للحقوقيات بس هالاماكن يبيلها واسطة

العدل و الفتوى والتشريع سمحت معاش الحقوقيين عندهم ناااار وطق عليهم

اي انا بعد سامعة هالحجي عن مجلس الوزراء بس هني محد يعرف عنه شي مادري ليش وين موظفات مجلس الوزراء يا ليت يعلمونا و يفهمونا جم المعاشات و شلون طريقة التقديم و هل لازم واسطه يعني ؟

ديوان المحاسبه والفتوى والتشريع لازم يعلنون الدورات

وانا ابي شي سريع الحين بدون اعلان دورات

وبعدين هالاماكن يبيلهم واسطة حيل قوية مثل النيابه العامه والتحقيقات والمحاسبه والفتوى والتشريع

حبيبتي اذا ما عندج واسطة قوية انسي الهيئات المستقلة
اصلا قبل ما يحطون اعلانات الوظايف لهم يكونون محددين الاسماء الي يبونها و يحطون الاعلان بس بشكل صوري
اخذيها نصيحة مني
روحي وزارة العدل و شوفي اذا يبون ضباط دعاوي او موثقين او محققين بالبداية رواتبهم ما تفرق عن رواتب الباحثن القانونيين بس خلال 4 سنين الراتب يصير قريب ال1300 و بعدها بأربع سنين هم يطمر دبل الكادر

حبيبتي ماقصرتي عندي واسطة الحمدلله بس نظامهم ما يعطون من عمرهم يعني يبوني انا ادور واعرف افضل مكان وجذي واعلمهم عشان يضبطوني بكتاب ترشيح

ممكن توضيح اكثر اختي بخصوص وزارة العدل, شنو تقصدين بضباط دعاوي يعني شسم ادارتهم وطبيعة عملهم؟؟

وبالنسبه للموثقين تقصدين اللي يوثقون الزواج؟ لانه يقولون راتبهم عادي والادارة حيل عاديه

وشنو تقصدين محققين بالبداية ؟ يعني غير ادارة التحقيقات التابعه للداخليه ؟؟

اتمنى منج تعطيني اسامي الادارات وطبيعة العمل واهم شي الراتب

وشكرا ماقصرتي

مجلس الوزراء

الديوان الاميري

وزارة الماليه

الهيئه العامه لمعلومات المدنيه

المؤوسسه العامه لرعايا السكنيه

القطاع الخاص من بنوك وشركات نفط

واخر حل مكتب محامي

وبالتوفيق

مايبيله بعد مجلس الوزراء وبالتحديد ادارة الفتوى والتشريع روحي وانتي مغمضه او بالتوفيق

في ناس امدحتلي اداره الفتوى والتشريع كاداري مادري اذا تقصدينها ؟

ممكن اعرف اسم الاداره والراتب؟ يعني شنو المميز فيها؟

^
^
حبيبتي انا اتكلم كشهاده حقوق احسن مكان لهم هناك المحامين هناك رواتبهم حلوه مادري جم بالضبط واكيد لهم مميزات او بونص سنوي وجذي قتلج ادارة الفتوى والتشريع مو مهم اي قسم بس هذا المكان كله محامين والي شهادته مو حقوق يتوظف عادي معاش عادي او اداري بس المحامي غييييييييييييير

اختي ذكرت انا انه المحامين هذيل محامين دوله بالفتوى والتشريع هذي دوره وانا ما ينطبق عيل شرط المعدل انا جيد واهما يبون جيد جدا

وانا قلت هذي صعب وماقدر عليها

عبالي تقصدين ادارات اخرى

عموما شكرا

انا راي اي مكان بس اهم شئ تروحين بواسطة وهناك اللي يابج يضبطج بكل شئ وراتبج يوصل لللي تبينه ..هذا اللي نعاني منه بدوامنا