|
|
السلام عليكم بنات
ودي ابلغكم اني لقيت حل وايد فعال للوقايه من نزلات البرد و الانفلونزا بالشتاء للاطفال و الكبار…..تدرون مع البرد لازم الوحده او الواحد يدير باله من انه ياخذ دوش و يطلع بالبرد و مرات تكونين مضطره انك تاخذين دوش او تسبحين الطفل قبل طلعه مفاجأه او اذا كنتي بالبر او الشاليه.
لقيت في بعض الصيدليات مثل صيدلية مستشفى السلام و صيدليه بالسالميه اسمها آي كير خلف مستشفى الميدان الجديد عندهم شامبو و غسيل جسم اسمه no rinse و هذا الشامبو و غسيل الجسم مايحتاج استخدام الماي ….يعني تحطينه على الشعر او الجسم و تفركينه راح يرغي بعدين تروح الرغوه و تمسحينه بفوطه
و ريحته حدها عجيبه و ينظف بفعاليه عاليه….و لما قريت اللي مكتوب عليه انه مصنوع من مواد عضويه فالشعر ماراح يحت و لا راح يسبب اي حساسيه
وعلى فكره صناعته امريكيه و يستخدمونه رواد الفضاء لانه بالفضاء ما يبون يهدرون الماي
وايد انصحكم فيه حق البر و حق الاستخدام بالشتاء او اذا عندكم احد بالكليه العسكريه او الشرطه او معسكرات الجيش
و اذا عندكم اي اسفسار انا تحت امركم
و الله يحفظكم من الانفلونزا و البرد
