افزعو لي << عندي كم سؤال بخصوص القطوه . تكفوووون الفزعه الفزعه اهئ اهئ

السلام عليكم ياربات القطاوه

قطوتي مادري وش في عيونها صاير لونها رمادي

وحمر على الاطراف وديتها للبيطري عطاني مرهم لعيونها هذا الكلام قبل ثلاث ايام

وماتغير شي

سؤالي هل هو طبيعي …؟؟

ابي عيونها الزرق البرقه << لايطوفكم الوصف بس

وابي فيتامينات لقطوتي

اقول لخدامتنا ابي قطوتي تخوخه دبدوبه ابي تهتمين فيها وتاكلينها

تقولي ماما لازم فيتامين << الفيتامين ذا منين اجيبه ..؟

وبعدين الدراي فود ماتاكله وقوي عليها احسها تعذب وهي ياقلبي عنونه عمرها شهرين

صرت اعطيها اكل معلب وتاكله وحابته << هل بيكون خطر عليها …؟؟

وبعدين اسمع صوت في بطنها دايم اسمععه << وش ذا

البلا تكون شبعانه وماكله

ودايما راقده هل هو طبيعي ..؟؟

واذا قامت تصير عاصفه في البيت ماغير تنطط وتشقلب

اسئلتي واجده بس تكفون مابي اتوثم في ذا القطوه

انتظركم

يا مرحبا ومسهلا
سلامات يالغاليه سلامات جعلكم ما تشوفون شر هذي دعوة دموع الله يسامحها
طيب الدكتور وشقالش؟ خليش عالمرهم مثل ما قال الدكتور لين يطوف اسبوع عليها
ما قالش كم يوم؟
والفيتامينات تلاقينها عند الدكتور اطلبيها منه قوليله ابي فيتامينات…انا اقول يمكن الخدامات يوم سبحوها حاش عينها صابون والا شي منا والا منا…والاكل يختش اي معلبات؟
معلبات حق الكتنز؟ ما قد خبرت ان فيه معلبات للكتنز…والدراي فود اذا صعب عليها حطي عليه شوية ماي يلين لها ماعليش يحبونه وقلتلش عطيها مرتديلا وجبن تاكلهم من الجوع بتاكلهم غصبن عليها..والنوم هذا عادي القطاوه ينامون واجد ولما تقوم تصير نفس الاعصار عادي بعد انا عندي قطيوه كبرها لا تشوفينها من افتح لها القفص تفحط بالغرفه<<حاطتها بقفص لانها مريضه وقاعده اعالجها
سلامات وما تشوفون شر انا والله ما اعرف بالامراض ان شاء الله البنات يفيدونش بس خليش ماشيه على كلام الدكتور

نظفي عيونها يوميا وحطيلها المرهم مثل تعليمات الدكتور وان شاءالله اتطيب
وبخصوص الاكل انا بقولج اللي اعطيه حق قطاوتي والحمدالله صحتهم زينة بس حطي ابالج إذا قطوتج عودها ناعم ماراح اتصير متينة وايد بس راح اتحسين ان صحتها ممتازة..
انا اعطيهم دجاج مفيوح ،معلبات chicken soup خاص بالكيتنز اخلطة مع الرز أو المعكرونة المفيوحة فقط بالماء او اخلطة مع البطاط المهروس واخلط معاه فيتامينات مثل (زيت كبد الحوت – ونوعين فيتامين ماعندي اساميهم الحين لاني بالدوام) وطبعا الدراي فود على طول اخليه …ويوميا اعطيهم جبن مثلثات )ههههه وايد امدلعة قطاوتي( انتي وعلى راحتج حبيبتي شوفي شنو اللي اناسبج .
وسالفة النوم والشطانة قطوتج طبيعية مافيها إلا العافية والقطو الشيطان على قولة الدكتور صحته فوق الممتازة
وبالتوفيييييييييييق

يامرحبا ومسهلاااااااا والله اني صادقه

فديت اخيتي اللي دايما تطمر على اللي في خاطري وتعبرني

ايه دعوة ملعونة الجدف دموعي اوريها

وامي تقولي ودي ذا القطوه للبيطري شوفي لها صرفه

وشكلي بوديها اليوم الله يعين

المعلبات ايه حق الكتنز معطيني اياها البيطري يوم وديتها اكشف على عنونها وقالي هذي حق عمرها عادي تاكل

وعطيتها ووسخت وجها وساعه انظفها

وتسلمييييييييين فديت وجهش اموااااااااااح على خشيمش

ماشيه على علاجها ويوميا ننظف عيونها ونحط المرهم

بس الاكل اللي تعطينه قطاوتش يصلح للصغار ..؟؟ كم عمر قطاوتش

وانشاءالله اليوم بخلي الدكتور يعطيني فيتامينات

اجل تعطينهم جبن مثلثات << انا اليوم معطيتها كيري لووووول حشى صارو فيران

اي والله رقادها واجد هذي هي راقده جنبي ياحليلها

ياااارب يخلي لش قطاوتش

مشكوره فديتش

اي والله حبه حبه << وش اسوي عليميه وشاريه قطوه

مشاءالله تقولين فطور وغدا وعشا << الاخت رازه الاكل قدامها اربعه وعشرين ساعه

يعني لازم اجزء الاكل …؟؟

والحليب قالو هنا انه يطيح الشعر والدكتور قالي نفس الكلام بعد

والخدامات يموتووووووووووون فيها ومدلعينها علشان كذا مرتاحه وهي معهم

الله يخلي لش قطوتش

ومشكوووووووووووووره فديتش

اي حبيبتي يصلح للصغار عادي ومايأثر لانه اكل طبيعي وانا اللي اشتريه حق الكيتينز اساسا سواء المعلبات او الدراي فود اما اكل البيت فطبيعي جدا والحمدالله وايد احبونة وياكلونة
حسافة تعطينهم جبن كيري انا احبة وايد بيي عندج عطيني بدالهم ..هههههه.. عليهم بالف عافية عمري

انا افضل تجزئين الاكل مو بكل وقت يكون قدامه مو كويس

والحليب اللي قالك عنه كذا مايفهم معليش قطاوتي دايما على الحليب شي اساسي بالفطور ولا تساقط ولا شي الحمدلله

تسلميييييييييييين فديتش ماقصرتي

وامس وديتها لثلاث دكاتره خخخخخخخ

ستانست جنب بعض << بس شتتو افكاري كل واحد عنده فلسفه غير

واخر واحد قال عطيها حليب عادي

مشكوره مره ثانيه

سلامات ان شاء الله ما تشوفون شر
وماعليش ان شاء الله سهالات جعني افدا ذالخشه
ايه عندشياها العني خيرها خليها تجي وتشوفها من بعيد يمكن تكسر خاطرها

الله يسلمش فديتش

اما دموعي دبلت كبدها امس

رايحين السوق العماني عندنا قديييييييييييييم يبيع اشياء قديمه ومشاتل للمزارع وخرابيط

<< جاينا العلم انه بيع فقع هـع

ونروح متأخرين قلت مرو الجمعيه قبل << جمعيه نظام اجنبي شغل دلع حق القطاوه

قالت طيب بس لاتبطين يسكر السوق

قلت ابشري وحياااتش ماطلعت الا عشر وشي قد السوق مسكر خخخخ

وهي وراي غادي لها وندقه ياملعونة الجدف سكر المحل بسبتش << وانا حرام عليش جنون حبيبتي اهم

وهي ترد خنز الدلع خنزاه

ههههههههههههههههههههههههههههههههههههههههههههههه زين تسوين فيها
امانه كسرت خاطرها؟ والا مامن احساس؟ ههههههههههههههه

لا ابشري حست على دمها شوي

امس تفرفر في جوالي تفرج في صورها وكني << كني هاه سمعتها تقول فديتها خخخخخ

نفسي افهم كلامك ><