افراز بني باسبوع السادس

السلام عليكم

انا بالاسبوع السادس والله يتممه يارب
واضطريت اتحرك وايد واشتغل
اخر اليوم نزل علي افراز بني
وخايفه اشوف مره ثانيه وانصدم بدم وﻻ بني
السؤال اذا مانزل مره ثانيه وان شاءالله ماينزل
يحتاج اروح الطبيب وﻻ ارتاح وانطر موعدي بعد 3 اسابيع
ﻻن اول مره تصير معاي

الله يحفظ ما في رحمج عزيزتي ..

أنا قبل أسبوعين صار لي نزول أفراز بني بسبب ضغط الحركة و النفسية ..

والحمدلله بعدها أختفى كنت خايفة ينزل دم .. بس قللت الحركة وايد وريحت نفسي ..

والحمدلله سهالات

حياتي في ناس ينزل عليهم جذي مثل أختي تثبيت حمل يسمونه انتي كلش لاتتحركين واكلي وايد وارتاحي ونامي الله يتمم عليج ويثبته لج يارب

انا صار فيني وانا بالرابع

بس مرة وحده بعدين وقف

ورحت الطبيبه ثاني يوم قالت ماكو شي بس لا تجهدين نفسج وايد وارتاحي …

لاتحاتين اذا مانزل مرة ثانية ارتاحي …

الله يثبته حبيبتي
وعليج بالراحه

سهالات

حبيبتي لاتخافين ياقلبي صار معاي مرتين والحمدلله دليل على ثبوت الحمل بس أهم شي تريحين ظهرج

الله يتمم عليج ان شاء الله

انا صارت فيني بحملتين يضل ينزل لحد ما ادخل الرابع يوقف و تقول الدكتورة هذي المشيمة ترتفع يعتي شي زين و طبيعي

بس كنت اروح اجيك و اسوي سونار عشان اتطمن

سهالات ان شاء الله التزمي الراحه انا جذي .. بعيالي و الحمدالله يطلع من الجهد اللي نشتغله

الله يثبته لج

لازم تروحين للدكتوره وتاخذين مثبتات

الله يتمم عليج

فيلسوفه صاجه بس ارتحت على ظهري الحمدلله صرت احسن
وقلت يمكن من التعب بشغل
زبدة اتوقع من الشغل ان شااءالله احاول على قد ماقدر ماتحرك وايد
فراولة / ليدي بق / مس لوبي / زين ودﻻل / اميرة الورد /ام يوسف اللهم امين ولكم بالمثل خواتي
امريكان .. aloe ..جذابه .. طيشي.. ان شاءالله طبيعي
حبيباتي تسلمون والله طمنتوني
اميرة ان شاءالله قررت انطر الموعد واشوف شنو يعطوني ويارب سهاﻻت