|
|
اغرب قضايا الطلاق اللي مرت علي من الواقع العملي بحكم اني محاميه متدربه في احدى مكاتب المحاماه فأشوف القضايا وابدي فيها راي واحولهم على المحامي صاحب المكتب عشان يتخذ الراي النهائي اللي شفته يابنات ولا بالافلام راح احطلكم اربع قضايا غريبه ومن منطلق السريه المهنيه راعيت شغلتين 1/اني مااعّرف الناس بذواتهم 2/ اتكلم من منطلق اجتماعي مو قانوني : ا- زوجي مايبي يشتريلي اي فون ؟ دشيت علي وحده بالعشرينات تبي ترفع دعوى طلاق على زوجها ليش لان ماشرالها اي فون تقول : يقعد بالساعات يجابل هالاي فون وسافهني قلتله ابي واحد نفسه كله يقولي بعدين بعدين كل رفيجاتي عندهم ليش انا ماعندي *!! من صجج انتي اتطلقين عشان اي فون *جان تقولي اي بغيت اقولها هاج ميتين وروحي حق ريلج وفكينا من تفكيرج الغبي * * * * * * * * *2: زوجي مايستبح بتطلق منه : دشت علي وحده بقمة الاناقه والجمال تقولي يااستاذه انا تزوجت واحد عن حب صارلي شهرين مايواطن الماي والصابون مايبيني اغسل ملابسه يلبسهم عشرين مره عادي تعبت مت من وصاخته وقذارته مو قادره اتحمله !!!!!!؟. * * * * * * * * * * * * * * * * * * * * * * * * * * 3: خالتي تنام معانا بالغرفه / وحده تقولي من توفى عمي الله يرحمه وخاللتي كل يوم تنام عندنا مو بالبيت لا بنفس الفراش طبعا تقصد ام ريلها قلتلها زين ليش تسوي جذي تقول تيينا بنص الليل تطق الباب جنه احد لاحقها وتنخش بينا.!!!!!!! * * * * * * * * * * * * * * 4: ريلي كل يوم يحتلم بالليل : وحده تقول ماابيه خل يولي في الف غيره يبوني ليش مو تارسه عينه انا قلتلها هذا شي طبيعي جان تقول لا يشوف غيري بالحلم شبي فيه مابيه بتطلق منه خل تنفعه !!!! *اللي بوصله يابنات ان تفكرون بعقل قبل ماتتخذون هالخطوه لان كل شي وله حل لا تخلون الطلاق اول حل لاي مشكله والله يخليكم لازواجكم وترا هذا مجهود شخصي لمنتدى كويتيات ودمتم بود *
بعد بعد كملي شنو اكو سوالف لول
مشكوووووره
اقوى شي اللي خالتها تنام بالنص والله مسكينه ماتنلام
اما الباجي يهااالو اتحدى اذا عمرهم اكثر من 22!
ومشكوره ياقلبي ماقصرتي يخليج لنا ذخر هني بهالقسم جود نحتاج قضيه استشاره جنحه جنايه
كلش ولا للي ام زوجها تنام معها اكثر مكثر الله الغرف والسطوحياربي ياربي بس للي زوجها مايبي تغسل هدومها اكيد كارثه مفشله من الله وخلقه.gif "Eh S(2)")
كملي كملي حبوبه حلم عمري اعرف ليش الحريم يتطلقون ترا حتى في شباب يطلقون عشان اشياء تافهه
رفيجتي مثلا تسولف لي عن واحد من اهلها تقول عن موته زوووغه حلووه وذربه وطيبه طلقها بدون سبل لمن راح يخطب مرثانيه شاف البنت قال لا هذي حواجبها وايد كثاف يقول مابي لمن اقعد من النوم اشوف شعر حواجبها طالع هم بعد راح شاف وحده غيرها البنت يقول اهي جميله.جميييله بس ابي وحده برونزيه مابي بيضه
الله يهديهم بس
.gif "Eh S(10)")
بس يعني يمديها تحل مشكلتها لكن مو بالطلاق
طيب اقنعوني ليش مايخليها تغسل ملابسه في احد صاحي يكره النظافه
هذا اكيد مريض نفسي
والباجي على اتفه الاسباب تبي الطلاق
شهالناس اللي ماعندها عقل
مشكوره على القصص والافاده الحلوه منج
بس كسرت خاطري الخله الي ترقد وسطهم مادري تخيلت شكلها وهي خايفه نص الليل تبي حد معاها اكيد مستاحشه يا قللبي عليهاااا ليتني عندها اهئ اهئ
عد بعد نبي سووالف لووووول … تســلمين