|
|
السلام عليكم
حبايبي مره قريت موضوع في اغراض البيبي كلها
بس ضيعتهاا مادري وووين تكفووون ساعدوني الله يعطيكم العافيه……….
بس راح افيدج بنقاط لاغراض البيبي اول شي انا شريت اغراضي من لاند مارك
وابتديت بالملابس اللي تصير كامله مسكره من الريول واتكون طقم مثلا 3 حبات مع بعض
هذول راح تحتاجينهم وااااااااايد اول فتره واخذي مقاس من 3-6 شهور اخذي منهم 4 جياس
واخذي الفنايل اللي تصير طباقي على طولها يعني تلبسين البيبي من ايده وتسكرينه
مو تاخذين اللي يلبسهم من الراس لان لكون الياهل بعده صغير ويبجي وغيره هذول
اسهل تلبسينه اياه مثل الجاكيت واخذي منهم 6 او 8 حبات لان وايد بيتغيرين للبيبي
واخذي كبوس انا بعد السبوح لازم اغطي راس ولدي
بعدين انيي حق المميات اخذي اول فتره زجاج اريح للتنظيف ومافيهم ريحه والحلمه تكون سمول
اخذي مقاسين المتوسط والكبير المتوسط تبدي ارقامها من 6 واكو اصغر منها بو 3 مل بس صراحه
مو عمليه لو تبين اخذي وحده للماي بس واما الباجي اخذي 6 مل واخذ قياس الحراره
تكون في علبه فيها مقراضه ومقص ومال الحراره ينفعج
واكو مثل فوطه تصير من فوق فوطه ومن تحت نايلون حق تبديل الياهل انا وايد فادتني
وعندج فوطه للسبوح اخذي اللي فيها مثلث للراس بس انتبهي جيسيه من داخل قطن ولا لا
ناعم ولا لا وغير شامبو وصابون الحمام وكريم الحفاظ انا اخذتهم من سيباميد بالجمعيه
وطبعا لازم جنطه حق اغراضج واما جيسه الياهل اللي حق الطلعه انا عندي
بس ماستخدمتها لان بالاربعين ماطلعته الا للمستشفى وتقدرين تلفينه باللحاف
وجواتي البيبي يكون صغير حرام تشترين له وينقط وملابس الطلعه لو احد ياج
لاتكثرين منها وايد اخذي 3 او بالكثير اربعه لان الياهل ماينطلع فيه وايد لا يمرض
ونسيت اقولج اكو اسفنجه للبيبي تحطينه عليها وتسبحينه وايد مفيده
واذا تبين تعودين البيبي على المصاصه نقي الشكل المريح لها في يهال
مايحبون المصاصه لان شكل النايلون ممكن يضايقهم مايعرفون لها
ان شالله اكون فدتج لو شوي