اعلنت الثورة و ابيكم وياي :)

كل الاطباء والمختصين والخبراء ينصحون بالراحة والابتعاد عن السترس والتفكير اللي اثبتت الدراسات انه احد اهم الاسباب في تاخير الحمل. كوننا نعيش في مجتمع فضولي بحت لا يستطيع الفرد فيه العيش من غير تدخل الآخرين في شئون حياته اليومية . وكوننا تاخرنا في الانجاب جعلنا هالشي موضع انتقادات وتحليل للحاله الصحيه لج و لزوجج واهلج واهل زوجج…الخ من اي أحد هو وضع غير مقبول

طبعا التدخلات ماتخلص و تبلش من عمر الطفولة … ها بنيتج ضرست لا بعد.. هو ليش ليلحين ما مشت وييي وعليه جود فيها شي وديها الطبيب و شلون بنيتج بالدراسه و علامها ما تخصصت علمي ويييه وعليه وديها الطبيب و شفيها بنيتج ليلحين ما تخرجت من الجامعة جن صارلها من زمان ( وتلاقين البنت صارلها كورسين بس) وبعدين عاد يستلمون البنت ها اشتغلتي و تزوجي ليش ما تزوجتي(جن اهوا بيدها) وييه وعليه روحي الطبيب الظاهر عندج مشكله( شكووو)
و طبعا لين تزوجت البنت من ثاني يوم هاااا حامل ؟؟؟ وأي شي تسويه له دلالة بالحمل.. دشت الحمام…ها حامل…؟ صدعت..ها حامل؟… حلمت حلم…..لااا اكيد انتي حامل…
و طبعا لي طولتيلج جم شهرالكل ما شاء الله صارخريج طب جامعه هارفرد وعاد سمعي الفتاوي اللي بتييلج….انتي اكيد عندج ضرس من وانتي صغيرة نبت برحمج واهو مسببلج هالبلا …او اذا خلصتي من الجماع سوي وقوف عالراس ساعتين عشان تحملين واذا قلتيلهم فحصت و مافيني شي استلموا ريلج …عيييييب والله هدوا الناس بحالها وانا كلي ثقة ان نسبة كبيرة من البنات مو بس يبي الحمل عشان احساس الامومة لكن نسبة كبيرة تبي تسد حلوج هالناس الملقف اللي ما يوقفون الحاح ..يعني حتى ما يعطونج فرصة تستانسين بحياتج الزوجية مع ريلج من غير ما تتوترين وتفكرين وحتى لو كنت ماخذه وقتج و متوكله على رب العالمين يحاولون يسودون الدنيا بعينج و يخلونج على اعصابج كل شهر و تلاقينهم حافظين موعد الدورة عندج وكل يوم ها يتلج ..؟ يعني حتى لو كنتي ناسيتها ذكروج و لي يتج قالولج وييييه مسكينننه مع دمعه بالعين ونظرة حزينة اشدعووووة
طبعا عبالكم اذا حملتوا بيسكتون ..ها ولد ولا بنت واذا يبتي ولد ييبي بنت واذا العكس ييبي مادري شنو واذا ييبتي الاثنين ييبي بعد.. واذا يبتي وايد بسج قطيعة شكثر تفرخين
ادري طولت عليكم ..زبدة الكلام انا خليت نفسي اتوتر واخلي حجي الناس يخليني انطرالحمل واحاتي واوسوس لكن لااا والف لااا و ليس بعد اليوم انا قررت اني لضع حد لهذه التدخلات وأفهم كل من يتليقف ان هذا موضوع خااااص مو لازم يتعدون حدودهم فيه…. إي نعم حلو التشاور و تبادل الخبرات بس لمن احنا نطلب الاستشارة ونسمح لهم بالتدخل لكن غير جذي لأ…
وابيكم خواتي تستانسون بحياتكم ويا ازواجكم و لا تخلون هالشي يصير هاجس يلاحقكم… حتى العلاقة استمتعوا فيها من غير ما تتوترون و تفكرون اليوم تبويض ولا لأ آآآآ …ترى والله رب العالمين رحييم و قريب و بيرزق كل من كاتبله … والله اني اعرف بنات شخصيا الله رزقهم بعد ٨ و١١سنة و كاهم الحمدلله واذا مالله برازقنا ففي حديث يقول بما معناه (لو علم العبد الذي لم يستجب الله له دعاؤه في الدنيا أي اجر له في الآخرة لما تمنى استجابة دعاؤه)
انا عن نفسي راح اعلن الثورة على المتطفلين وابيكم وياي …يلا كل وحده تشاركني وتقوللي رايها الثمين بالموضوع وهل اثر عليها؟ و شراح تسوي من يوم و رايح

والله يبتيييييييييييييييييييييها عالجرح …

صج فعلا في ناس فيهم فضول عجيييييييييييييييييييييييييب

في بجري ما تاخر حملي وايد يعني 7 او 8 شهور حملت … ويبت بنت

وثاني مره صج طولت … 5سنين ولوعوا جبدي لوعوا جبدي من الحنه والنغزات ..وهم يبت بنت الله يخليهم نور عيوني

بس حسبالج خلوني بحالي !!!!

والله بالمستشفى يباركون لي ويقولون لي انشاء الله المره اليايه ولد !!!!

واللي قالت لي وييييييييييييي بنيه !!!!!!

شنو يعني اقطها بالزباله !!!!!!!!!

ومرت حماي تبارك الرحمن يابت عيالها ورا بعض … وبالظبط مثل ما قلتي كلووووووووووها بسج بسج والله وحده من اهل ريلي قالت لها قلبي رحمج علشان ما تحملين وايد @@@@@@@@@@@@@@@@@@@@@@@@

لا اللي عندها مرتاحه ولا اللي ما عندها مرتاحه !!!

طبعا هذا غير اللي اهلج اللي من لحمج ودمج يخشون حمالهم علشان لا تحسدينهم.. الناس اذا بتخش تخش عشان يثبت اول شهر .. مو لي 6 شهور .. ههههههههههههههه الحمدلله والشكر … مع اني والله اول ما يطلع تحليلي اعلن الخبر ..

ترى القطوه تحمل ….

خل اقولكم موقف يبين لقافة الناس اللي ما تعرفينهم حتى …

بنتي الكبيره لمن كانت بتدخل الروضه شي طبيعي اوديها الصحه المدرسيه اللي بالمستوصف .. والكاتبه سالتني جم عدد الاخوان ؟

(لأن هذي اسئلة موجوده بالسيفي )

قتلها ما عندها … بس هي ..

والله يا بنات كلتني @@@@@@@@@@@@@@@@@@

انتي شكوووووووووووووووووووو

بس ما عندج الا وحده !!!!!

ليش ؟؟

حرام عليج عمرها 4 سنين ؟؟

نعم نعم نعم انتي شعليج شتبين ؟؟؟ ما عرفج ولا تعرفيني ….!!

بس طبعا انا ما قل هالحجي بس بقيت عيوني @@

وما عطيتها ويه !!

الحين فعلا شعاري لكل الناس الفضولين …

طاااااااااااااااااااااااااااااااااااااااااااااف

اهل ريلي … اهلي ….. الناس …. محد له دخل بحياتي …. انا ايب 2 … 3 … هذي كتبة رب العالمين …

محد له شغل بحياتنا ..

ويزاج الله خير على هالموضوع بردتي جبدي الصراحه لان قلبي متروسه ههههههههههههههههههههههه

بدوره ضحكتيني اي والله اهما شكوووو

آنا عيل صار ما يهمني تأقلمت عالوضع و بعدين العاصفه كانت بالبدايه يعني اللي يتكلمون ويسألون كانت ببداية زواجي الحين صارلي 7 اسنين يمكن خلص كلامهم ما عندهم شي يقولونه
اللي يبي يتكلم ذنبه على جمبه والله بيحاسبه وهذا ابتلاء والله قادر على انه يبتليهم اذا نيتهم انهم يغثونا عدل والا مو عدل؟

نصيحه يا بنات لا تهتمون حق كلام أي كان لأن هالناس اللي تتكلم ابهالطريقه ( الحمدلله والشكر ) عقلهم اصغير وعلبالهم هالشي من كيفنا احنا نحمل متى ما نبي ما يدرون انها ارزاق من الله سبحانه وتعالى والله يرزق الجميع يارب.

معاج قلبا وقالبا وانا اصلا محد عندة خبر بشي فاااااكة روحي

واذ سألوني اقولهم الله ما قسم احمل

والجملة المعتااااااااااادة عالجوا اشتنطرون!!!!!!

رماديه صاجه والله

والله يرزقنا كلنا انشاء الله

بمبره برافوو عليج و بدورة ٢٢ والله ضحكتيني يعني حتى الكاتبة اللي بالمستوصف سمحت لنفسها تتدخل بشؤون الناس … وين قاعدين ياخي حتى اذا قلتيلهم انتوا شكو ..عطوج نظرة الطيبة والحزن و قالولج انا اعزج وبانصحج لله ….
DO i really care !!!
انتوا من شكالكم الحال …
و على فكرة موضوع اللقافة هذا منتشربشكل رهيب عشان جذي انا كان ودي اكتب هالموضوع حتى بالقسم العام عشان الكل يقراه… يمكن في وحده تسوي هالتصرفات و مو حاسه بنفسها تقوم تحس على دمها و تبطل لقافة
والحين يلا يا بنات شاركوننا منو ويانا … ترى حدي متحمسه ابي كل وحده تدش تعطيننا رايها يعني معقولة من ١٨ دشوا بس ٢ صارت معاهم هالشغله !! يلا حياكم ويانا

والله ان غير اللي بالمستوصف اكو وايد … هذي وحده من عشر نماذج مرت علي …

اب

اب

اب

موضوووووووع على الجرح
انا يسالوني
اقول مالله كتب
تبدا بعدها الوصفات سويي جذيه وحطي جذيه
بعدها الارقام اتحاذف هذي المره زينه
وهذي يمدحونها
الحمد لله والشكر
والله كريم

كله كوووووووووووووم وخالتي كوووووووووووم
لي قلت لها انا وريلي
كلنا قاعدين انتعالج
تقولي انتي شفيج؟؟؟ بس انتي اشفيج؟؟؟
بس انتي اشفيج؟؟؟؟
اسمعت بس انا اتعالج
اما ريلي طااااااااف ما اسمعتها……………………………….. ……………………

ايي والله هذي بلوة ثانية ….اختي لا تصدقين اي احد مثل ما قتلج الناس كلها ما شاء الله صايرين دكاترة والكل يبي يقرق على راسج والمشكلة ان مرات تفكرين تقولين يمكن صح خل اجرب لكن لاااا ولا تعطونهم فرصة .. انا ذاك اليوم وحدة قعدت تألف علي اسباب ما شاء الله مادري من وين مطلعتها والمشكلة اني ادري انها انسانة مو مثقفة ولا هي فاهمة شقاعدة تقول المهم انها تبي تتفلسف و بس… انا قمت وقلتلها ماشالله متى خذيتي شهادة الطب مالتج!!! اهيا انجعمت ولا ردت فتحت الموضوع loool

looooooooooooooooooooooooooooooooooooool

ههههههههههههههههه والله ضحكتوني

ارضاء الناس غاية لا تدرك

انا حملت ببنيتي من 3 شهر بعرسي والحين بيصير عمرها 4 سنين وما حملت

كل ما شافوني يقولون ما فيج شي – لا لا لا لا لا لا تعبت من هالسؤال

غير عمة ريلي عمى بعينها تقول لبنيتي ترى بزوج ابوج انتي ما عندج اخوان (عقلها على قدها)

وخالة ريلي اكبر مني ب 4 سنين مسكينه يابت ولد وصار عندها حمل خارج الرحم فشالوا لها انبوب ومبيض

وخافت انه يصير فيها شي وتصير ما تحمل وريلها اقشر معزر فيها مسكينه قامت تفرخ كل 9 اشهر واحد صار عندها بنتين

وولدين وتييب عمليات

مسكينه كلوها يا لقطوة عفيه رحم يتشقق ويطيب واااي واااي لا تذكرووني فيهم ويع

هيــــلق

يسلموا يا قلبي علموضوع وما تقصرين حياتي

تخليوا بنات مره وحده من اهلنا كنت توني متزوجه اربع اشهر تسالني حامل اقولها لا تقولي يالله استعجلي وييبي عيال اللي يسمعها يقول بكيفي مو جنه بيد رب العالميين والحمدلله على كل حال والله يرزق كل محرومه يارب

انا اول الزواج كنت اتاثر وابجي و حالتي حالة

بس اللحين طااااااااااااااااااااااااااااااااااااااااااااااااا اااااااااااااااااااااااااااااااااااااااااااااااااا ااااااااااااااااااااااااااااااااااااااااااااف

واللي تقول لي يالله يبي ولد والا بنية شناطرة؟ اقولها ليش منو اللي بيحمل ويتعب ويولد ويرضع ويربي انا والا انتي؟

طبعا الحريم الكبار ما اقدر ارد عليهم جذيه ابتسامة بالويه مع كلمة الله كريم كافية، بس الحريم حريم، ما تكفيهم كلمة الله كريم، يبون التفاصيل، يرجعون يسالون انتي فيج شي؟ ريلج فيه شي؟ وطبعا ما ياخذون مني لا حق ولا باطل

اهلي قمت اطنش واذا سالوني اهل ريلي ليش ما حملتي اقولهم ولدكم ما يبي اللحين