|
|
شوفي انا جربت كل شي علشان اخفف النساة ما حصلت الشي الي يرضيني
يعني لازم انحبس ببيتي اول شهور الحمل لين اوصل الخامس يالله ابتدي اشوف الدنيا
بس من الاشياء الي خففت علي شووووويه اهي
-لما اقوم الصبح من النوم لازم اتم عشر دقايق على الاقل بالسرير بعدين اقوم
ويكون يمي عند راسي اما بسكويت مالح اوتوسته محمصه آكلها على الريج يساعد شوي على تخفيف الترجيع
-السفرجل زين حق لوعة الجبد يخففها شوي
-يمدحون الزنجبيل بعد بس انا مانفع معاي وخفت منه الصراحه لانه حار وخفت يسبب اجهاض لا سمح الله
-حبوب اللوعه خذيتها اول الايام نفعتني شويه بس بعدين ما قامت تعطي نتيجه
هذا الي قدرت اتذكره الحين وعسى الله يعينج ياااااااااااااارب
والله يتمم عليج انشالله
وغير عن كل الحريم أربع أشهر وبس …وكانت معاناة ومأساة بالنسبة لي إذا حملت لأن مثل ماقلتج نساتي للتاسع ..وماآكل أي شي أخاف أرجع ..وأضعف وايد وقت الحمال بدل مايزيد وزني
بس في حملي الأخير يزاها الله خير وحدة بدوية عندنا بالدوام ..نصحتني قالت لي شربي حليب بارد …وبأي وقت ..يعني ماله وقت معين ..كل ماحسيتي بلوعة
قلت لها ماأعبر أشرب حليب بارد بس ..قالت لي كله واحد خذي أيس كريم فانيلا ..نفس النتيجة
ومن عقبها سمعت نصيحتها وقمت آكل أيس كريم فانيلا كل ماحسيت باللوعة
والله والله كل عوارض النساة راحت عني ..وماقمت أرجع ..وقمت آكل …وماجني حامل
ودعيت لها من قلبي …فانتي جربي الأيس كريم بالفانيلا ..وإذا تحبين الحليب البارد ..بعد مافي مشكلة
الله يقومج بالسلامة …عمري
عالاقل تنسيج هالفتره البايخه لين تعدي
وثاني نساة اهون من االاولى لاتحاتين