|
|
السلام عليكم
بدش بالموضوع على طول
مشكلتي ان لما اوكل عيالي ماياكلون عدل -عكس لما الخدامه توكلهم ياكلون كل اكلهم
اما معاي بالموت ياكلون حتى مايكملون نص الصحن
واذا وحد مايبي الثاني يقلده وماياكل ليش مادري
اما مع الخدم ماشالله
فحبيت اعرف منكم شسوي قلت لهم اللي ياكل بعطيه هديه ,قاموا يحنون عطينا هديا وناكل حسيت ان ماكوفايده
وفتقولون؟؟!!
بس المفروض دامهم يفهمون المفروض ياكلون بروحهم
عوديهم ياكلون بروحهم ولا ياكلون الا اهم يواعة ( جائعين
كل واحد حطيله بصحنه وخلطيله الاكل مثلا وقطعي الدياي وووو وزهبيله الصحن وخل ياكل بروحه
بس المفروض دامهم يفهمون المفروض ياكلون بروحهم
عوديهم ياكلون بروحهم ولا ياكلون الا اهم يواعة ( جائعين
)كل واحد حطيله بصحنه وخلطيله الاكل مثلا وقطعي الدياي وووو وزهبيله الصحن وخل ياكل بروحه
ياتهديد يعني انا اتكلم عن نفسي تلاقيني اقول اكل واذا كليت بعطيك جذي
واذا بده يوصخ قتله لا هاك كلنكس ووووووو الامثله وايج
بس اهم لا يخلونهم على راحتهم لو يقعدوون 3 ساعات ياكلون ماعندهم مانع اخنا اللقمه مانصبر عليها
المهم النتيجه
والشكل والتزيين مهم لليهال ..
لا تلزمين انهم ياكلون .. بس الزامي يقعدون لين انتو تقومون ..
لأن عيالنا قلوبهم طايرة باللعب فان غصبتيهم يقعدون .. بياكلون ..
لا تحنين .. اكلو .. اكلو ..
بس حطي بصحونهم .. وسوي دعايات .. الللللللللله البشاميل اتينن اليوم ..
الشوربة عجييييييييبة ..
ريحة الاكل اتشهيييي ..
نوعي بالاصناف .. يمكن مايحبون العيش او اي صنف معين .. لا تغصبينهم عليه ..
سوي غيره وجربي اطباق يديدة لين تعرفين اذواقهم ..
حاولي تكون اطباقج متغيرة ومتجددةعلى طول ..
وانشالله ياكلون