اشعر بالم برجلي بعد الولاده

انا صارلي اسبوعين والده
ورجلي مو قادره اتحرك من المها
تعورني حيل من الركبه وتحت وساعات يطلع الوجع فوق
فارجو منكم الي عندها حل لا تبخل علي

حبيبتي انتي عندك شد بالعضلات بعد الولاده لانه يمكن ان يكون قد حدث لك شد عضلي اثناء الولادة مع الالم وتشنج العضلات..
نصيحتي لك هو الاكثار من وضع الماء الدافئ على مكان الالم..ويمكنك الاستعانة بكريم التهاب العضلات وحاولي ادفينها وماتتحركين كثير

انتي ماخذه ابرة ظهر ؟؟؟

اللــــــــــه يـــشـــفــــيـــــج

وانا بعد نفس حالتج وصارلي والده من اسبوعين بعد

الله يعينج اختي بس انتي خذيتي ابره ولا كماام ؟؟ لان الابره مرات له اثر بالاعصاب,,,, مدام الام ماذيج حبيبتي روحي راجعي على طول بس على ما اعتقد تشنج عضلي ويمكن كانت ولادتج عسرة ووعضلاتج شاده انصحج تقعدين بالبانيو بماي دافي او شوي حار عشان عضلاتج ترتخي وفي كريمات حق العضلات بس على حسب الالم واحتمال فيج نقص كالسيووم والله تعالى اعلم

انتبهي انا كنت مثلج وخذيت ابر سيوله عشان التجلط لاسمح الله

اعتقد من الشد وقت الولاده
دفي زيت زيتون وخلي اختج اتسويلهم مساج
بس على الخفيف لا تضغط حيل عليهم وعقب
البسي سروال طويل ودفي نفسج

وعسى الله يشفيج يا رب ومبروك ما جاج

روحي راجعي لاتنطرين
وان شاالله مافيج الا العافيه

الله يشافيك حبيبتي
اذا تعورك حيل روحي للطبيب يشوفك
والله يكتب لك اللي فيه الخير يارب

مشكورين خواتي
وانا ولله الحمد ما اخذت اي ابر للظهر او غيره نهائيا
بس اخذ حبوب كالسيوم من ايام الحمل للحين
ووايد افكر في ريلي والالم وفيه ناس قالوا لي تطول السالفه تاخذ شهرين الي 3 شهور

والله المستعان ودعواتكم