اشعة الصبغه بمستشفى الصباح

شلونكم يا بنات

انا اليوم كان موعدي عند دكتوري عشان بكمل علاج الحمل إن شاءالله
طبعا عندي فطريات وكنت قلقه وايد انها تمنع الحمل بس الحمدالله طمني وقالي ماتقتل الحيوان المنوي وماتمنع الحمل

و لان كل تحاليلي مافيها مشكله ولان قبل جم شهر خذيت منشطات وصار تبويضي وايد ممتاز بس ماحملت
قالي الدكتور ما حنطول بالعلاج على الفاضي فخلينا نسوي اشعة الصبغه ونتأكد من الانابيب اللي بالرحم انه مافيهم شي وبعدها بنكمل علاج واذا ما صار حمل لا سمح الله بسوي تلقيح

الله يرزقني يارب وما اوصل لهالمرحله

سؤالي عن
1ـ اشعة الصبغه مؤلمه ولا عادي ممكن اتحمل الألم حدي خايفه واقدر اطلب بنج؟؟ والبنج بيكون عام ولا موضعي؟
2- ودكتوري قالي اسويها بعد الدوره مباشره بس يوم مارحت احط موعد للاشعه قالتي نسويها عاشر يوم من الدوره فمادري اللي سوتها متى سوتها اي يوم من الدوره؟
3- جم تكلف الاشعه بمستشفى الصباح ؟

انطر تجاربكم

انا سويتها بالهادي تقريبا ١٣٠ وطلبت بنج ف ماحسيت بشي نهائي سويتها عاشر الدوره

انزين البنج عام ولا موضعي

انا سويتها هالشهر
وللامانه المها عادي ومعقول نفس الم الدوره لمدة دقايق بس

والله مايحتاج بنج

انا كنت ميته خوف قبل لا ادخل من كلام البنات انه يذبح واللي تقول قمت اصارخ والمستشفى كله سمع صوتي
واقسم بالله انهم مهولااااات خرعوني ع الفاضي الم عادي ومحتمل
حتى يوم خلصت قالت قومي خلاص ،،، انا استغربت قلت شنو خلصنا؟؟؟ قالت اي خلاص

توكلي على الله وسويها ولا تسمعين كلام البنات اللي يقولون تذبح ومادري شنو
والله يسهل عليج يااارب ويرزقج بالحمل السليم

حبيبتي سويتها بالسلام ب100 عاشر يوم دوره شهر سته. تعور بس مو لدرجة بنج, عوار عادي.
و حملت بنفس الشهر, ما شفت الدوره.

انا سويتها تقريبا يوم 10 الدكتور يقول مافيها ألم ابدا المها محتمل بس انا سويتها تخدير كامل يمكن لو رجع فيني الزمن كنت عالاقل اخذت ابرة مهدئة مو لدرجة تخدير .

الله يسهل عليج

أأأأأأأأأأأأأأأأأأأب

مشكورين بنات عالردود
انزين الابره المهدئه انت تطلبينها ولا الدكتور يعطيج من كيفه
انا صراحه وايد خايف ومفكره ما سويها من كثر الخوف
انا من النوع اتعور حتى من الفحص الداخلي العادي وهم من السونار الداخلي اتعور وايد عشان جذي خايفه

يعني مافي وحده جربتها بالصباح ؟
وتنصحوني اروح مستشفى خاص ولا استمر بالصباح

انزين شنو النتيجة مالتج في مشكله ولا كل شي سليم
لان قريت اللي سليمه مافيها شي تعورها حيل

انزين شلون عرفتي انه ألمها نتحمله اذا كنتي بالبنج ! ولا هم نحس بالبنج

وشنو كانت نتيجة الاشعه مالتج سليمه؟

حبيبتي الله يثبت حملج يارب وتشوفينه بإذن الله بصحه وعافيه

اختي نصيييحه نصييييحه من قلب يوميا اقري البقره وتحصني بالاذكار وادهني جسمج بزيت زيتزن مقري والله يرزقك ان شاءالله

انا سويتها بنج كامل ما حسيت بشي الحمدلله بس لما صحيت حسيت بالالام دورة خفيفة ونزل علي دم لمدة كم يوم بس الدكتور يقول لي نسويها دائما وقليل اللي تشتكي من الالم طبعا حسب قدرة الوحدة عالتحمل يفرق رحم الله امرء عرف قدر نفسه انا اعرف اني مابتحمل قمت طلبتها تحت التخدير كلفتني تقريبا 3000 ريال يعني تقريبا 270 دينار

الله يكون بعونج