|
يعني احنا قاعدين نتضايق ونتحلطم على البنات المو متزوجات ويخزون ويتحرشون برياييلنا
فما بالكم بالمتزوجات ( البعض طبعا ) اللي يتحرشون بالمتزوجين
والمتزوجين ( البعض ) اللي يتحرشون بالمتزوجات ؟؟؟
والله شي يحر
ولعب على مستوى عالي على بو انها اضمنت ان ماكو شي بتخاف عليه لانها متزوجة وخالص موضوعها
مرة زوجي يسولف علي عن واحد معاه بالدوام ،، يقول اشكره يقعد ويتشيحط بسوالفه
يقولي تصدقين اهو متزوج ورفيجته متزوجة ؟؟؟؟؟؟؟
اقول له شلون تعرفوا على بعض ؟؟؟
يقولي تحرشت فيه اهي زوجها ما يونسها بالفراش وشافت رفيجها اذا تواعدوا بالشقة يسويلها كل اللي تبيه وزيادة فمستانسة عليه وضالة معاه وهو ضال معاها
انا انصدمت
وموقف صارلي شخصيا
مرة كنت اتمشى بمجمع وواحد يلحقني من مكان لي الثاني ينني مع اني كنت حامل بالشهر الثامن
ولحقني لي سيارتي
جان يقولي ادري انج متزوجة وحامل وانا بعد متزوج بس ما يمنع تصير بينا علاقة ونستانس مع بعض
شي يخرع اللي قاعد يصير الصراحة
وفوق هذا
تلقون هالأشكال الوصخة اهي اللي تهدد الزوجة واهي اللي تخوفها بدال لا يكون العكس
صاير اللعب على مستوى وبقوة !!!!!!!!!!
لا حول الله
الله يبعدنا عن هالأشكال
قولوا آمين
حبيبتي كل هذا يصير لاانه الزوجه ماا قاعده تشبع رغبات زوجها
ولا الزوج يشبع رغبات زوجته
واناا بعد ذيك المره كنت طالعه ولااحقني واحد من مكاان لي مكان واناا
ولا داريه عن الدنيا لااني بلحق على محااضرتي جاان اوقف سياارتي توني
نزلت ولا يقولي اناا لاحقج من مكان لي مكان وانتي ولا داريه جاان اعصب واقوله
اني متزوجه جاان يقولي مو مشكله السالفه فيها فلوووس
استغفر الله ياارب
عااد اناا مت من الخرعه جااااان انحاااش واهواا مصر
بالدين اذا الوحده زنت متزوجه رجم لي القتل
قبل لايفكرون انه هذا عيب أو غلط ما يفكرون انهم يطلعون من رحمه الله وانه الي يسوونه من الكبائر
صج الجنه تبي وجهنم تبي
حتى لو الزوجين مو قاعدين يشبعون رغبات بعضهم بس شالجرأة والوقاحة وقلة الأدب
!!!!!!!!!!!!!!!
والمصيبة تتحرش بمتزوج ولا متزوج يلحق متزوجة ويصممون يطيحون روسهم
يعني انا ساعات امشي مع زوجي وهم في رياييل اشكره يخزوني ويسوون حركات
او بنات يخزون زوجي
ساعات اقول له الناس تقعد بالبيت ما تطلع ارحم
ومشكورة
بيتي بوب بس كويتيه
لا يفكرون لا بدين ولا عادات ولا اخلاق
شي يحر
مشكورة
اللة يستر علينا وعلى عيالنا زمن اللى مايخاف من اللة خاف منة
خل اقولكم سالفة تصيرلي اكثر من مرة من نفس البنت
وحده فلسطينية تبيع بمحل بمكان معروف والله لو اقوله بتعرفونه
بس الله يستر عليها
انا مع اني اسوق بس وايد زوجي يوديني السوق
عاد هالمحل اكثر من مرة زوجي يدخل معاي ويشوف الهدوم علي اذا قايستهم
صدف جم مرة اروح للمحل بدون زوجي ،، يااكون طالعة من الدوام او شي فأمر بروحي
تيي الفلسطينية بنت اللذين تقولي
شوووووو مدام وينوا جوزكم اليوم ؟؟؟ ليش مو جاي معاك ؟؟؟؟
انا اول مرة اتفاجأة وقلت لامي السالفة ،، عاد امي كل الناس تشوفهم طيبين جان تقولي لأ يمه لا تحطين في بالج بس جذي تسأل ،، قلت لها شكو بس جذي ؟؟؟
لما ذاك اليوم دخلت المحل واتفاجأ فيها قاعده مع رفيجتها ،، وانصدم عدل
طلعت رفيجتها هم فلسطينية واهي طليقة خالي
وكانت اشكره تقولنا خالكم ماكان يحبني وكان يقولي اشوف ابليس ولا اشوفج
بس انا راعية *** وخليته مثل الحمار تحت ريلي
انا من عقبها دايما اروح المحل بروحي
الا للضرورة ساعات يمر معاي واكون على اعصابي
وسالفة ثانية
من جم يوم داقة علي هندية
جان تصرخ ،، عطيني بابا
قلت لها نعم ؟؟
جان تقول يالله لا تسوي قرقر وايد عطيني بابا بسرعة انا ابي اكلم بابا
اقول لها ومنو بابا اللي تبينه شسمه ؟؟؟
جان تقول انا ما يعرف بس ابي اكلم بابا وخلاص ،،
والمشكلة بصراخ تكلمني
سكرته بويها بنت اللذين
اشكال وصخة
مسئله تربيه
واخلاق
ووزاع ديني
فان ذهبت اخلاقهمو ذهبو