اشرايييييييييييييييييكم ؟؟؟؟؟؟؟؟؟؟؟!!!!!!

بنات ابي راييكم في هالموضوع
اتأيدين ريلج انه يسافر ابروحه او مع ربعه ولا لاء؟؟؟
وليش؟؟
يالله ابي مشاركه

طبعا لأ لأ لأ الثقة موجودة بس الشيطان موجود بعد

لأ وبشده كلش ما اييد … واهوا عارف هالشي واحنا متفقين عليه يعني خلصنا نقاش بهالموضوع …

لعده اسباب :

1- مالها معنى وموشي ضروري ..
2- الشيطان ما مات …
3- الثقه موجوده بس انا مادري شنو الناس اللي رايح معاهم ..
4- نبيل العوضي لما تكلم بحلقه عن الايدز قال ان الريال ان كان متزوج يروح مع اهله احسن عشان يصون روحه ولو ثاره شي الا مرته وياه تريحه ما يلجأ لشي ثاني ..

وبالنهايه يظل هذا رايي … ومشكوره ..

على حسب الديره اذا سفرت وناسه لألألألألأ اذا يبي يستانس يسافر معاي واذا بيروح العمره ولا الحج ميخالف خل يروح ويدعيلي

انا بعد ما أأيد بس اذا على الخراب الخراب موجود بالديره وشكثر فيه شقق دعاره وغير هذا بواقات الرياييل وايد وللاسف منهم كويتيات الي يبي الخراب يسويه حتى لو بديرته كل واحد عقله براسه ويعرف خلاصه صدقوني سمعت عن بنات وايد وكويتيات يخونون رياييلهم مع رياييل متزوجين ممكن في منهم حايشهم امراض يعني هالريال الي خان زوجته مع وحده خاينه زوجها شلي يضمن له ان هالبنت الي يلعب معاها ماعشرت قبله واحد فيه ايدز او مرض جنسي وهو مايدري مو مبين عليه والعكس صحيح الخراب مع الاسف منتشر بالديره شي يخرع صراحه

ئيه عادي

ماعندي مشكله يسافر مع ربعه
بما أني واثقه فيه جدااا

لان اللي يدور الحرام والخراب بيلقاه عندنا ماله داعي يسافر يدور عليه

لكن بروحه لاااااااااا,,,,أخاف عليه وأحاتيه
لانها صعبه الوحده فقط

لكن الحمد لله مو من النوع اللي على طول يسافر

وأغلب سفراته ضروريه مو تمشيه

وإذا في باله تمشيه يفضلها معي ومع عيالنا

انا ما اايد كلش انه يسافر مع ربعه
موسالفه ان ماكو ثقه .. بس مابيه يتعود على هالشي وبعدين انا ما اثق بربعه ولا ادري شنو طريقه تفكيرهم والشباب لا تيمعوا وصاروا بروحهم يلعبون لعب ويصير كل شي سهل بالنسبه لهم وحلو تجربته
وانا متفقه معاه انه اذا يبي يسافر ريلي على ريله

انا ما افضل ان يسافر بروحه

وام ملاك كفت ووفت

انا مو متزوجة بس بشارك وياكم
اذا بيسافر الحج والا العمرة والا سفرة عمل ميخالف ،، لا والقلب داعي له بعد
لكن،، وحطو خمس خطوط تحتها سفرة ربع لأ والف لا

رايي من رايها سفر برا مع الربع ماله داااعي
بدال لايقط فلوسه مع ربعه يقطهم علي وانا معاااه ونستانس بعد شكو الربع موكافي كل يوم يشوفهم بالديره وبالدوانيه

والله حاله شرايج موربع خخخخخخخخخخخخخخخخخخخخخخخخخخخخخ

عين العقل

أنا عادي عندي خل يسافر مع ربعه لأنه مو ياهل أقول لأ لا تروح واتحكم بتصرفاته وخل يستانس بس بحدود وأنا أعرف مع منو رايح لأني أعرف حريمهم وطبعا لأني واثقه منه وأدري ريلي يخاف ربه ويحبني .

لأ

لا ما احب يسافر بروحه و لا مع ربعه .. مالاداعي .. بس لي صارت السفرة عمرة و لا حج .. الله يوفقه دنيا و آخره