|
|
السلام عليكم
يا زميلاتي العزيزات يا مدرسات أغث مادة يا مظلومات بكل مدرسة يا أكبر نصاب
اليوم جانا الموجه وصدمنا بتغيير سير الحصة من الصف الأول إلى الصف الخامس
بحيث تكون الحصص مفرده على شكل تناولات مثل خامسة
وسيطبق من الاسبوع القادم
بصراحة اطلعت على الطريقة وبصراحة أحس إنها حدها فاشله وما تناسب المرحلة الابتدائية
اشرايكم فيه يا أبلات العربي المشقيات
اللي كل ما ارتحنا على طريقة بالتحضير إعفسوها علينا وخلونا إحنا والطلبة حقل تجارب
بروحنا لايعة جبودنا هالسنة من الشغل والكراف !
بس انتوا تبع أي منطقة ! لأن المناطق التعليمية تختلف !
لانها الطريقة القديمة في التدريس من قبل 30 سنة
بس مغلفة بشكل تناولات وهي مثل قبل
حصة قراءة
تعبير
املاء
نشيد
يعني شي حلو خل الطلبة تدرس وتفهم شي عدل
منطقة الفروانية التعليمية
طريقة الدرس 9 حصص
اول حصتين فقط قراءة الدرس ومناقشة وفهم عام
ثاني حصتين فهم جزئي و كلمات ومهارة هجائية
والحصتين اللي بعدهم فيهم المهاره اللغوية
وهكذا كل حصة فيها تناول مختلف عن الاخرى
وتعرفين شنو تعطين وفق تسلسل صحيح
مو مهارات عاااايمة على بعض
والتغيير حاجة ملحة يفرضها علينا الواقع من حولنا لنواكب التطورات في جذب الطالب للعلم ولو لم يكن لكنا درسنا على مذهب (( ألف له تيله والباء نقطة من حدر)) 
وكل شيء بأوله صعب خصوصا إن الإنسان بطبعه عدو ما يجهل ، ، الأمر يتطلب شوية صبر والله بيعينا إن شاااء الله
وهذي وجهة نظري كمعلمة في الميدان .gif "Eh S(6)")
حسيت اني اتفلسف بردي >>> عاااادي أمووووون صح ؟ <<< شكلكم حقدتوا علي 
والله مو قصدي بس ما أحب أتذمر بعدين أنقهر ويرتفع ضغطي والموضوع ماااااشي غصبا عني خلونا نجرب
أحترم وجهة نظرج
ولا تخافين مو حاقدين عليج
بس أنا أقول: لماذا المعلم آخر من يعلم؟
الموجهين مو داخل الميدان بس قاعدين يتفلسفون وكل واحد يطلع فناتقه على الثاني
والمعلم هو اكثر انسان يعرف الاحتياجات والقصور في المنهج من خلال تطبيقه له
ونقدي على هالطريقة
هو:تناول مهارتين هجائيتين فقط طول الدرس
اشلون يتقوا الطالب اذا راح اركز على المهارات الجديدة أكيد راح ينسى القديمة متى راح اراجعها اذا مافي وقفات املائية او علاجية
ادري هالطريقه اريح لنا بس مو مفيده للطالب
والا اشرايكم؟
والله بترتاحون
تحياتي
اناادري انها سهله ومريحه
بس احس انها مومفيده للطالبات
المشكلة اكثر ناس مضغوطين احنا ومحد يقدر الله كريم الاجر فوق
المشكلة بالصغار
ربي يعينهم
وبالعكس ترى اخر السنة راح تلاحظين الفرق بعد عن المنهج اللي قبل
لان مخرجات المنهج الجديد افضل وارقى جدا لدرجة ان اخر السنة يقرون من جرايد عادي وبسهولة
وهالشي مايبين الحين يبين عقب
لان حنا العام كنا نفسكم نهاجم 
عقب عرفنا الحقيقة عدل فلا تتعجلون بالحكم حبايبي
وربي يوفقكم
واحنا تبع توجيه الفروانية وموجهتنا قبل يومين كانت عندنا ما قالت لنا شئ حتى تحضير خامس الى الان ما تغير نفس اول 9 تناولات
بس احس الطريقة الجديدة ما تناسب الصف الاول ويمكن تناسب باقي المراحل بس الصف الاول لا
وتدريس العربي والله حلو حلو وبالذات لما يكون عندج صف واحد بس وهذا هو المطلوب لاني لما يكون عندي صف واحد احس ابدع حيل —– بس اللي يغثج فيه الامور اللي استجدت مثل تدريس الحياتية اللي اثقل كاهلنا وماله داعي ومو من اختصاصنا يعني تبع الاجتماعيات