|
|
عقب ماسويت رجيم لين مليت فكرت اسوي عمليه التكميم عند الدكتور محمد الهيفي لكن قمت اسمع عنها كلام يخرع بان الضعف يصير مو طبيعي جنج مريضه وان الشعر يحت لي درجه ان قمه الراس تبين وان العمليه تسبب اكتئاب لانج ماتقدرين تاكلين. والله يابنات هالكلام مخوفني خصوصا سالفة الشعر
الله يجزيها خير اللي ترد علي
ناطرتكم
وزني 82
اصلا استخيري وتوكلي عالله والله كل ما اسال وحده مسويه التكميم تقول ياليت مسويتها من زمان
انا اختي انصحج تسوينها لان انا مسويتها صارلي خمس شهور والحمدد اللله ياارب وصلت حق الوزن المطلوب
وتوه شعري بلش يطيح بس مع الفيتامينات راح يكون اوكي
شوفي بصراحه تقريبا انا اول شهرين تعبت لان ما اقدر اكل بس بعدين تعودت شوي شوي لين الحين الحمدالله قدرت اكل بس بشكل معقول واللي تقدر معدتي تتحمله
ووزني ينزل
وشكلي صار واااااو حتى ريلي استخف كل شوي يقولي صايره حلوه
نصيحه توكلي على الله وصج استخيري وانشالله امورج سهالات
وانا سويتها عند الدكتور خالد العنزي
والله يوفقج
و كل شي في الدنيا له سلبيات و ايجابيات …. و انتي الي توازنين بين السلبيات و الايجابيات و تشوفين منو يغلب و شنو الاهم بالنسبه لج
مع ان انا برايي ان السمنه هي ام الامراض و اتحمل الم و عذاب فتره بسيطه مقابل اني ارتاح و استمتع باقي حياتي
انا كان وزني 85 وطولي 165 من سمعت عن التكميم بديت اكل واكل لين وصلته 94 عشان يسوونها لي
وفعلا سويتهاا وخلال شهرين نزلت 23 كيلوا وهالشي الحلو فيها لكن بالمقابل كله دايخه وصار فيني هبوط بالضغط بسبب قلة الاكل لدرجه ان ضغطي بدى يوصل 50/80 ما اقدر اكل كلش عايشه عالسؤائل فقط و مو كل شي اقدر اشرب مع ان الحين لازم يكون اكلي طبيعي بس ما اقدر اكل غير اذا حاولت اكل احس بغصه وجنه روحي بتطلع والاكل يوقف ببلعومي والضعف اللي ضعفته مو صحي صج اني ضعفانه بس دار مدار عيوني كله اسود وويهي اصفر
وتقدرين ادشين التجمع اللي مسوينه وتقرين تجارب البنات بنفسهم وفي وايد حالات منها الاخت اووفه صارلها شهرين ونزلت 8 كيلوا بس ومس بي ام كله هبوط ودوخه وكتي صار عندها التهاب بالمعده وغيرهم وايد وانا والله لو اختي بتسويها بقةلها نفس الحجي اللي قلته لج لان هالشي راح انسئل عليه يوم القيامه ولج الاختياااار والله يكتبلج اللي فيه الصالح
ناس وايد متاذيه من هالسالفة
الي كل يوم يرجع والي تعبان ومتخدر والي يترقد في المستشفى
وعوار ولويه
انا كنت متييييييييينه بشكل لا يوصف والله الارادة والرياضة صرت طبيعيه ولله الحمد
الرياضة الرياضة اصلااا صحه وعافية ووناسه اشتركي بنادي تغير جو وتضعفين والمدربات ادرى فيج
ليش ما تتاخذين هالخطوة قبل وشوفي
النادي وايد زين
بس على حسب انتي شنو
يعني اذا انتي داخله النادي وما تشتغلين وتقولين ما ضعفت شيء راجعلج
اما اذا انتي تجهدين نفسج وتتعبين وتعرقيين ويوميا والله بتشوفين الي يسرج تجربه حلوة وانا ان شاء الله بعد كم شهر بكتب تجربتي
بس اخلص ان شاء الله
الدوخه البسيطه الي تحوشج اول شهر والالتزام بالفيتامينات شي بسيط بالنسبه حق الرشاقه الي بتفرحين فيها بعدين
دشي قروب المتكممات المثبت فوق وشوفي تجاربنا
الحمدلله على كل حال مافينا شي
انتي استخيري , والي كاتبه لج ربج بيصير