اسنان الحامل :(

السلام عليكم ورحمه الله وبركاته
شلونكم كويتيات … الله يتمم عليكم ويرزقكم بالي تتمنونه ….
انا من اول ماحملت وانا مشكلتي مع الاسنان مشكله عويصه

اولن ضروسي تتفتت تصير مثل حبوب البندول بعد ماتذوب << خطير الوصف
وهذا من غير الضروس الي نصهم تكسرو وباقي النص <<معاناه
ولمن افرش اسناني تنزف نزيف حاد … مرات بدون ما افرش تنزف جذي من كيفها
وابي اروح للاسنان بس من الي سمعته مايصير الحامل تعالج اسنانها ومن هالحجي
سؤالي هو : هل اقدر اراجع عياده الاسنان عادي مع العلم اني في الشهر السادس وحيل حيل منزعجه من نزيف اللثه

اي عادي حبيبتي يصير
اهم شي انج تعديتي الخامس

حبيبتي ماتشوفين شر
انا دكتوره اسنان ونصيحه روحي لدكتور الاسنان ولاتحاتين
وطبيعي الحامل يصير معاها التهاب باللثه
انا الحين حامل وصارلي مرتين التهاب بلثتي ومجرد ماسويت تنظيف ارتحت
وعقب الولاده يختفي اذا كنتي اساسن مافيج اي امراض باللثه وجيووب

لاتحاتين حتى من الاشعه لان اشعه الاسنان ضعيفه ويلبسونج نفس الواقي على صدرج وبطنج
والاشعه مركزه على مكان واحد ماراح تنتشر

وماتشوفين شر ان شاءالله

ما تشوفين شر حبيبتي

يعطيكم العافيه حبايبي على الرد …..
مشكورين

اي يصير ومثل ما قالولج البنات

ااااب

اي عاااادي تقدرين تروحين واصلاً الحامل لازم تسوي تنظيف للأسنان بالشهر السادس

ايه عادي انا معالجه اسناني وانا حامل بالسابع
بس الخطر اول ثلاث شهور واخر ثلاث شهور ..

حبيبتي ما تشوفين شر و الله يعينج , بصراحه ما عندي فكره بس ما حبيت اطلع بدون رد , بس عشان تتطمنين اكثر سألي دكتورتج مالت الحمل و هم سألي الدكتور مال الاسنان وانا الي اعرفه ان الاشعه مو زين للحامل