|
|
ايام الرسول صلى الله عليه وسلم
كان كل الصحابة ينادون زوجات الرسول صلى الله عليه وسلم بأسماءهم
ولو كان اسم المرأة عورة لورد في ذلك نص شرعي،
وكان العرب قبل ينتخون بأسماء خواتهم كالتالي
وانا اخو مريم …
وانا اخو نورا …
وانا اخو جسلا…
يتفخرون بخواتهم
********
شنو قصة هالموضوع
اليوم ولدي بثانية ابتدائي
معطينه سؤال
اكتب لنا اسم فيه مد بالالف مع ذكر المقطع المدود
<<<طبعا انا اسم الله علي اسمي فيه مد بالالف.gif "Eh S(15)")
فقلت له اكتب اسمه ….والمقطع المدود
التفت عليي الله يحفظه وقال بحيا
لالالالالا اخاف ربعي يقرون اسمج.gif "Eh S(12)")
القصة الثانية
وحده تقولي ولدها بالمرحله المتوسطه وعطوه استبيان لكتابة السيره الذاتية
فترك خانه اسم الام
وسأله الاستاذ ؟؟؟
ما اسم امك ؟؟؟؟؟قاله اسمها ام فلااااان
<<<تتوقعون هالسلوك صح بين عيالنا
ومن متى صار اسم الام عوره ؟؟؟؟
وليش ما نتكاتف احنا الامهات ونكافح هالظاهره؟
لا تقولون لي غيره الرجال على المحارم !!!!
لانه لو غيره كان الاولى… قام بتوصيل عياله للمدارس بدل بهذلة الامهات من الصبح
لانه لو غيره كان الاولى.. قام بالتسوق وشراء حاجيات البيت بدل ما الجمعيات والاسواق متروسه من الحريم
شاركوني بآرائكم
فوفو
السالفة موغيرة السالفة ماااااااااااااااادري شنو !! اهما جذي من زمان وخلاص
متى بدت هالظاهرة وليش واشحقة ماندري !!
اللي نعرفة انه ماهما تكافحين وتناضلين راح ايي المحروس ريلج ويقوله : اذا قلت اسم امك او خواتك ياويلك !
وبينهدم كل اللي سويتيه
اصلا الحين الي بيسب احد ناداه باسم امه !!
مالت على هالتفكير 
وهذا شي طبيعي .. لكل الجهال جذي بالابتدائي شي طبيعي
عاد اذا كبررووو تلاقينهم ينادون بعض بياولد افلانه ..
..
مره رحت اخذ ولدي من بيت حماي وكان يلعب مع عيال جيرانهم ولما ركب ولدي واحد قام يناديني بالشارع فلااااااااااااااااااااااانه
عاد انا ادور منو يناديني الا القا ولد جيرانهم و لا ولدي ينزل راسه من الحيا ويقول حتى امه نفس اسمج
ههههههههههههههههههههههههههههه
موقف صج ضحكني
حببية قلبي إذا علي آنا ماكو غيرة
قولي ليش ؟؟؟؟؟
لأن أخواني وزوجي يدزون لي ربعهم عشان أخلص معاملاتهم 
وبالطبع راح يقولون لهم روحوا حق فلانة الفلاني إذا ماقالو الهم روحوا حق فلانة بنت فلانة 
يسلمو فوفو على الموضوع النايس
واحب اعقب علي كلامج مو كل رجال يسوي هسوالف
انا زوجي واخواني وجماعتنا بعد مايرضون المره تروح الجمعيه ولا مستوصف بروحها
يعني في رياجيل فيهم خير
بس زمنا يطلب ان محد يعرفة
ومره ادرسه والمدرسه تبي تاء مربوطه قلته اسمي قال لا قلتله ليش قال علشان ربعي مايعرفون اسمك
وامس طالعه للممشي واقول لامي نادتني رفيجتج باأسمي ولا ولدي يعصب ههههههه
ان قلت لة ليش باستغراب ليش عسي ماشر قال امس فلان عن ولد جيرانا علم الصبيان عن اسم اختى وكلهم يضحكون علي
يقولون عرفنا اسم اختك وساعة اقنعة انه شى عادي شنو يعنى عرفو اسم اختك —— بس كسر خاطري
مرة اخوي جانى وسالنى قالى شسم رفيجتج بنت جيرانا اللى اخوها فلان وانا على نياتى قلت فلانه قال اى عرفتها هيا وناسه قلت شفيك !!
قال بقولها لاخوها باجر واعلم باسم اخته لانه يعرف اسمج ويقوله جدام ربعى مت من الضحك وقلت عادى خل يقول اسمى فخر لك يقوله هههههههههه واثقة حدى قالى تستهبلين انتى لووول من صجه النتفه يتكلم
ولدي اسم الله عليه عمره 3 سنوات وولد أختي اسمه نفس اسم ولدي
فولد اختي يناديه فلان فلانة يعني يناديه باسمه مع اسمي ولدي يعصب عليه يقول اليه لا لاتناديني جذي
اسمي فلان ولد فلان وطبعا هواش ولما يصير هالشي جدام ابوه يقول له بابا عادي
بكرة يوم القيامة راح ينادونك باسمك واسم ماما لين اقتنع 