استقبال المواليد القفت والتوزيعات افكار غريبه وجديده ملينا من المواضيع القديمه حياكم

قوه كروشات
ادخل بالموضوع على طول
ملينا من الافكار القديمه للاستقبال والمستشفى و التوزيعات والمواضيع القديمه بالمتتدى و هالموضوع نبيه شامل كامل

بالنسبه لي للاستقبال والافكار انا ماراح اسوي استقبالي بالمستشفى لان خلاص صارت موضه قديمه راح اسويه بالبيت خصوصا اني غيرت الديكور وحتى سرير ماراح احط بالصاله قعدتي وسريري بغرفه خاصه واذا وصلوا الضيوف اطلع لهم و زهبت كل شي وطبعا راح احدد يوم او يومين للاستقبال وللحين افكر اذا اخذلي سيرفس عالاقل فلبينيه او خدامتي ازهب لها يونيفورم ذرب واخليها السيرفس وطبعا الجاي والقهوه و الموالح و الكب كيك والعصير والكابتشينو والجاي الاخضر كل هذول مزهبتلهم افكار وبالنسبه للمستشفى راح احط كفر يديد مع تقديم وقهوه وجاي وعصير يعني شغلات بسيطه حق اهلي واهل زوجي بس
ناقصني شغلتين الحين!
القفت للتوزيع ودي بفكره يديده ومليت من الكاكاو
عندي جم شغله حاطتهم في بالي يا اما انا اروح حق لاكشيت و بياع الورد واطلع فكره حلوه
وبخاطري اكثر فكرة توزيع كتب ادعيه او اذكار بس وين احصل مكتبة مطبوعات تسويلي شي خاص

والحين يا حلوات اللي عندها فكره وين احصل مكان يسويلي مطبوعات خاصه او عندها افكار يديده للقفت تعطينا مافي جعبتها

واللي تعرف وين احصل بعد مكان يسوون لي الاسامي اللي بالحديد نفس اللي هبوا فيها بالاكسسوارات بس ابي مكان رخيص لاني ابي كميه. . يعني هالمحلات اللي تسوي اكسسوارات الاسامي اكيد مو كلهم عندهم مصانع وين يسوون شغلهم ؟
وبس اخلص شغلي مستعده اصورلكم كل شي
واللي سوت استقبالها خل تورينا! !
واللي بتسوي استقبال عن قريب خل تقولنا افكارها
ياللللللللله كروشات همتكم

واللي عندها سؤال تبي تعرف شي او محتاره بشي خل تسال ولا يهمها وكلنا ماراح نقصر ان شاءالله

انا مثلج استقبالي في البيت كشختي و الفناتك كلها في البيت اما المستشفي مثلج راح اسوي اصلا ما تخيل نفسي تعبانه من الولادة و دايخه من الكمام ولل انا يمكن عمليه الله لا يقوله تعالي هات الاغراض و رتبهم بالمستشفي هذا وين نحط و هذاك و يمكن ترتبكون في البيت اختار يوم عطله*

اسامي قصدج ذهب وفضه؟ تلقينهم بمحلات الذهب جنب العربيد
اما حديد واكسسوارات مدري يسون ولا لا
الله يقومكم بالسلامه

بالضبط انا مثلج اصلا المستشفى ما تقدرين تسوين الا شغلات محدوده وحوسه ولويه .. وبعد انا مثلج فكرت اني بكون تعبانه و مالي خلق وشكلي بيكون تعبان حيل واساسا استقبال المستشفى خساير و حوسه عالفاضي وبالنهايه مو الكل يجيج ويردون يجونج بالبيت .. احلا شي بالبيت وحددي ايام

.. انزين ما قلتيلي عن افكارج اشراح تسوين والتوزيعات من وين ؟

اب اب
وينكم بنات ؟

وييييييييييييينكم !!

اب
اب
اب
اب

والله زين تسووين

ماشاءالله عليهم الحريم الي يسوون استقبال بالمستشفيات

الوحده مالها خلق لاحد خصوصا اول اول جم يوم

وسالفة نحط السرير عند الناس قدييييييييمة ومالها داعي

وبصراحه انا ماعندي فكرة قلبووو …. مخي مقفل حده

بس يتمم حملج علي خير

ويطلع استقبالج احلى استقبال يا أختي

https://www.babygiftstation.com/Baby-…avors-s/77.htm

شوفي هالموقع حده يشوووق

هداياه عجيبة ومافي مثلها

قعدت اقلب بالمواقع عشان ادورلج حركات وشي جديد

ولقيت هالموقع

فأتمنى تلقين الي تبينه

انا كذا ناويه اسوي بالبيت ان شالله
بس برايكم كم يوم من النفاس اسوية
بعني بعد اسبوع من الولادة ولا اسبوعين؟

أنآ بعد نآويه أسويه في آلبيتْ ، لأن المستشفى ما يصلح و خسآير عالفاضي ،

و أحس بآخذ راحتي اكثر في التزيينْ و التدبير ،

اللحين انا محتارة شنو توزيعات اسوي حق البيبي لأنه اول طفلْ

و ابي فكرة بعيدة عن التحف و هالاشياء اللي تنقط ابي شي يستفيدون منه و بنفس الوقت حلوْ ،

لا تبخلون علينآ بأرائكمْ ♥

بنات بتسوون استقبال اوكي بس باعتدال والله حراااااام الصرف اللي ماله معنا انتو اولى بالفلوس يعني امانه اخط 1500 دك على كفر و فطاير و كاكاو ومواعين غير حساب المستشفى اللي مو اقل من 700 مو اكيد لازم جناح
بالله قريت وحده مسويه كفر 550 عشان شهر تستخدمه وتالي ينقط بالمخزن شفيهم محلات الكفرات اللي على 35 و 45 وان غلى صار 60
فكروو بالعقل شوي اسوي شغلات بس مو بذخ ترى النعمة زواله غيركم مو لاقي ياكل

انا جبت 3 شريت كفراتي عاديه حلوه وكشخه بس سعرهم معقول
والكاكاو انا اللي والده الناس تتحمدلي بالسلامة وتجيب معاها الكاكاو او الورد هذه وجهت نظري واصلا تمتلي الغرفه من انواعه
مواعين صراحه اشتري لكل ولاده بس اسعار مناسبه يعني توصل 100 كحد اقصى بس
القمصان على 15 و 20 من النقره شحلاتهم
كيس البيبي من التاجرات اسعارهم مناسبه و باقي الاغراض سنتر بوينت

لا حبي مو ذهب انا ابي الحديد الاكسسوار العادي اللي هبو فيه هاليومين ومصبوغ ذهبيوانا ابي اكسسوار لاني طاري في بالي احطها تزين خارجي للعلبه

ومشكوره عالرد

وااااااو الله يعطيج العافيه على هالموقع روعه عاد تدرين انا كنت مفكره في اغراض البدكير والمنكير

بس تهقين هالموقع موثوق و يوصل اهوا ولا يبيله عباله ؟
اللي تعرف تفيدنا بنات

ومشكوره يا قلبي