|
|
السلام عليكم بنات اشلونكم شخباركم
بنات انا حضرت كم استقبال في كذا مستشفى برويال حياة و بالسلام ودار الشفا و بالسيف و بالهادي و بالأمومه
و كل اللي ولدو خذووو الغرف الملكيه و الامبراطوريه و ال في اي بي …. .gif "Eh S(7)")
بنات بصراحه بصراحه بصراحه .
قريت كذا موضوع عن استقبالات الولاده و شفت تجهيزات البنات من حلوو و فطاير و معجنات وورق عنب و تزيين للغرف بالبوكيهات
غير السيرفس و العصيرات و الجاي و القهوه و الفناتق الاضافيه من قهوه تركيه و فرنسيه و ارمنيه و شيكوسلوفاكيه
و الجاي المخدر و الغوري و نص مطبوخ و بارد و حار و دافي و لومي و زعتر و اخضر و بنفسجي و ابيض
و العصيرات الخضرا و الزرقا و الفسفوريه و المنقطه و المخططه والمقلمه و الحركات اللي لها اول مالها تالي
والمعجنات اللي تلقين سلطعون ملفوف في بيدجانه و عليه كريمة السرخس المر
ولا ورق عنب مقصص و لا فطيرة لحم ميني قد القنده مالت الشكر اتوقع اللي مسويتها كانت تسوي الفطاير تحت المجهر !!
و الكاكاو و حلو القهوه الكيلوووو وصل 20 و 30 دينار و حشوات عاديه و اغلب اللي يحضرون مسوين رجيم مايبون كاكاو !!
التوزيعات توني شفت موضوع توزيعات الوالده من ماركه معروفه اقلام و اساور و مرايا و ما ادري شنووو مكلفتها ثروه التوقع !
نجي للوالده :
كفر فوق ال 300 او 600 دينار و اللبس و المداس و لبس البيبي و الكوشيات محذفه عالارض و شفت وحده حاطه زوليه تحتها منها بعد و بعضهم مفصله للسيرفز لبس خاص
كل هذا غير عن سعر الولاده اذا طبيعي و لا قيصريه
بنات انا انزل للريسبشن اسأل سعر الغرف بكم
تطلع بالالفين و الثلاث الاف لليومين
غير شامله حساب الولاده و الادويه
.gif "Eh S(10)")
انا توني بجر و ما ولدت اول شهر لي حامل و ادعي الله سبحانه وتعالى ان يتمم حملي على خير و كل يوم يومين اطلع صدقه يمكن بسيطه بس اقول تدفع عني و عن جنيني البلاء
لأني تعرضت للاجهاض و خايفه قد شعر راسي
بنات الحمدلله انا من عايله معروفه حيل و زوجي مقتدر و قادر انه يسويلي افخم و ارقى و اغلى استقبال ممكن احد يسويه بالكويت
لكن انا ما اقدر !
اللي اعرفه ان الحريم ايونج عشان يتحمدون لج بالسلامه البعض يجيب هديه و البعض يعطيج فلوس
لكن انا مو ملزومه استقبل الحريم بهالطريقه الباذخه و المبذره هاذي
حتى الغرفه اللي بالمستشفى صارت غرفة معاريس مو غرفة استقبال ولاده
ما ادري ليش انا شايفه خير و الحمدلله لافه الدنيا من شرقها لغربها وصلت الهند ووصلت الصين سكنت بأرقى فنادق العالم و مدلعه نفسي و مدلله عند ابوي قبل زوجي
لكن منطقيا انا ما اقدر احط هالتكلفه هاذي كلها عشان اذهل و اعجب الحريم اللي ما يعجبهم العجب لو شكيتي روحج بلولو و الماس
و اخرتها صاكينج عين و لا المولود فيه شي
الحريم ما يهمهم شي ترا داخلين بالعين متطمشين و ماشين و بيطلعون يسبونج بعد ما يمدحونج
انا الزم ما علي سلامتي و سلامة البيبي
و اذا عندي فلوس بتصدق فيهم للي يحتاجهم دفعة بلا عن اللي في بطني وعن زوجي و عن ابوي و امي و اخواني و عيالهم
ياناس ياهووو
في بنات انا ادري بظروفهم
ادري انها مدرسه و معاشها و معاش ريلها يالله يكفي مسؤوليات الببيت و العيال
ادخل عليها بولادتها حاطته باغلى مستشفى و التوزيعات و الكاكاو و الكعجنات و اجار الصواني و السيرفز و المقدمه اللي قلتها كلها
انتي و بيتج و عيالج اولى في هالفلسين اللي فسفستيهم
خليهم تونسي فيهم بسفره مع عيالج و ابوهم اشتري طقم ذهب او ساعه بخاطرج تلبسينها
ترا الولاده ما نبي من وراها الا السلامه
الحمدلله ياربي على نعمة العقل و سلامة القلب
ياربي ياحبيبي احفظ جنيني و قومني بالسلامه يارب
كفر ذرب
حلوو
قهوه
بسسسسس
والحمدلله مثل ما قلتي على نعمة العقل
بدال لا تنسانس بفلوسنا وندلع نفسنا ولا البيبي
نقط هالمصاريف كلها عشان الناس
كافي اييون ويتحمدون بالسلامه
الام تكون بروحها تعبانه بس بترتاح تنام
تسوي استقبال وتجامل وتجابل الناس وفي ناس مبطلين عيونهم حق الحسد والتعليقات حتى لو شتسوين لازم ينقدون
وبعدين كل واحد وعلى مقدوره في نأس نقدر وفي ناس لا ، بس حتى الناس اللي تقدر التبذير مو زين
وتعب قبل الولاده تحاتي التجهيز وتدور منو يسويلها احسن شيء و ورا الولاده يايبه كودة اغراض على قلبها تحاتي نست شيء ولا لأ
حلوه الكشخه والرزه بس مو لدرجة ان يقطون فلوس جنهم مسوين عرس
البساطه وعدم التكلف اريح ولها حلاته
وانا وخواتي مانفكر نسوي مثل هالاشياء
واهم شي السلامه ويكون البيبي بصحه وعافيه
عجزت اسووووي استقبال وخبه مع اني مقتدره حمدالله بس عجزت
انا وعيالي اولا اونس روحي بهالفلوس
انا نفسج ونفس تفكيرج بالضبط بس في شغلات تفرض عليج وانتي ماتبين
يعني مثلا
اهو الناس اتيي اتحمد و تبارك و اتييب هدايا
وهالناس من معارفج ومعارفج وايد وتدرين انهم بيوجبون و اييون
فانتي مضطره تاخذين غرفه كبيرة عشان تكفيهم
والله اني ولدت بالسيف بغرفه وسيعه وايد وزدت كراسي و يو الناس زحمة زحمة ماكو مكان يقعدون
اقول يا ربي الناس اللي من زمان قاعده خل تطلع عشان غيرهم يقعدون
مايحسون قادين والباجي واقفين
بصراحه انا اهلي وايد
واقول حق امي مابي اسوي كل هذا
امي اتقول اذا ماسويتي بيوني البيت
وامي ع قد حالها يعني اذا ماسويت بالمستشفى راح اكلف عليها و ازعجها كل شوي ياييلها البيت
يعني شسوي قولولي وانا جد نفس تفكير صاحبه الموضوع دايم اقول جذي حق ريلي
وانتي ماتدرين عن مضاعفاااات الولاده الوحده تبي السلامه لها ولجنينها
اشكرررررج ع الموضوع هذااا
والله كلامج منطقي
و الله يهدي بناتنا
عائلتي مايسون استقبال اصلا وكانوا يبوني اسوي واحس ماله داعي اطلع تعبانه بموت
استقبل ناس وارجع البيت واستقبل ناااس
الولاده تطلعين منهااا تحمدين ربج الف مرا
انا مااذم اللي يسون كيفهم بس يعني مااتخيل ناس تاخذ قروض ولاتجمع من راتبهااا بالشهور عشان استقبال الناس
الله عرفنااا بالعقل
موضوعج حلوو وعجبني