() استفيدوا يا عرايس ،، وبالصوور

شلونكم بنات … !

باركولي على زواجي ..

..

امممم طبعاً العضوات والمشرفات يتسائلون ليش انا حاطه هالموضوع اهني .!

اقولكم ليش

أولاً : موضوعي عباره عن تبادل خبرات واستفسارات .. مش عرض للشكل وللكشخه وشوفي عيني و .. و .. الخ من المواضيع .. اللي فقط فيها عرض

ثانياً : العروس المحتارة اكيد بتكتب موضوع تعرض فيه حيرتها وتسائلها فـ لعل وعسى تلقى موضوعي وتستفيد منه ..

لذا رجآئي من المشرفات عدم نقل موضوعي للأسباب المذكوره أعلاه

…………

نخش ع الجد والجد هالله هالله عليه ..

طبعاً ستايلي اللي اهلي وجماعتي متعودين عليه ستايل ناعم وانثوي .. يعني ستايل على نعومته تقولين هالستايل فيه انوووثه ..

بمعنى اخر ..

ماااا استعمل الشدو >> عدو عيني ..

العب بالكحل ..

احطه بطرق مختلفه ..

لكن الطريقه اللي دايم انا ماشيه عليه هي كحل بنهاية العين واخليه كثيف من حدر ،، ومن ناحية مدمع العين ما احط اي شي ..

الروج ،، اختار ارواج باربي يعني وردي ، فوشيا ، احمر ..

تتسائلون عن سبب كرهي للآي شدو ..

عيوني ماتتحمل الشدو >> مجرد ظنون + اكره اني اخب نفسي واحط شدو حتى لو شدو لايت وبسيط ..

وهالاسباب خووووووفتني بليلة عرسي شلون بيكون مكياجي والشدو ما احبه وموحلو علي ..

//

توكلت على الله وانا بنت ابوي

وقررت احط شدو وكثيف وانا حامله الخوف بقلبي

..

رحت للصالون ( اللي الاغلبية ذمته ) وكان فاااااااضي من ناحية العرايس .. ماكو الا 2 وانا الثالثه والاخيره ..
وما اقولكم عن الراحه اللي حسيت فيها اهناك … الحمدلله

ترى اهم شي يااا بنات
تختارون الصالون اللي تحسين فيه بإريحيه .. والصالون اللي مافيه دوشة ولجة الحريم وصراخهم ..

….

دخلت ع الماكييره
قلت لها مابي تحطين لي كحل عرضه 2 سم تحت عيني ولا ابي تسكرين الكحل صوب مدمع العين .. وابيج ادرجين اللون من فاتح وصولاً للغامج ..

طبعاً قالت لي : انتي اشطن واشقى عروس صادفتها
وانصدمت لما قلت لها عمري تعدى الــ 29 … قالت لي جذب انتي عمرج 15

طلبت الاساس يكون فاتح ، لكن سامحها الله حطته لي فااااتح >> وعلى الرغم انه فاتح لكن عجب الحضور وهذا اللي اثلج صدري ..

الروج طلبته احمر مشرب بالبنفسجي .. حطته لي حلوووو اعجز واقول حلووو ، لكن مش اللون اللي في تخيلته في عقلي ..

….

دحينا >> ياعيني علي اتكلم جداوي

نكمل دحينا نجي للتسريحه …

اهني فررررررملت وقلت لها ستوووووووووب ..

ماااااااابي تسريحه كأني حاطه كيك البلاك فورست فوق راسي ومابي اكسسوارات كأنها زجاج ولا ابي خرابيطكم اللي ماااالها معنى من الوجود ..

قلت لها :: بما إن قذلتي طويله ، سويلي فرق عااادي والقذله ورى الاذن .. >> يعني مثل تسريحه الرومانيات ..

وعلى الفرق طلبت تحط لي قطع شوارفسكي دوائر متباعدات عن بعض

والشنيون بسيط … مابيه يطق فوق الراس ولا ينزل تحت الرقبه ..

………………………………………….. ..

الطرحه قضبتها ورديتها لمكانها ….

خذيت وشاح موجود مع نفنوفي لونه شفاف وبنهايته شوارفسكي ..

قلت لها اخذي نهايه الوشاح وحطي ورى الفرق بحيث ان شعري يبين انه مفروق .. وثبتيه من الجانبين بماشات ..

والحمدلله انها ضبطت التسريحه وخلت ستايلي روماااني …

،،
،

اتركم مع صورة المكياج

ملاحظة : اللون الاحمر غطيت فيه شعري .. واسفة التصوير مشوش .. بس بالواقع احلى ..

وبجذي كسرت ستايلي الناعم بهالستايل الحلو ..

اي ونسيت اقولكم .. لون عدساتي اسود ،، ما احب الالوان اللي تبين انها موصج ..

ولا احب العدسة لما تتحرك وتفشل البنت ههههههههه ..
.
.

وكانت هالليله من اجمل ليالي العمر ..

واللي حابه تشوف الصور ( صور ستايلي ) تجي بيتنا على سطح القمر .. لا صج تجي بيتنا وتشوف شكلي بالصور ..

…

ثوب العرس : ضيج وبنهايته منفوش ودبل كلوووش .. اجرته من عشتار ..

والصالون :: صالون حنان دشتي فندق بستكي بنيدالقار .. عند رانيا

….

المره القادمة ..

بحط لكم تجربة اختي ( مو عروس ) مع صالون لمسه فن ..
( احجزت الــ Vip ) يعني بــ 130 ..

………………….

( اي سؤال انا حاضرة )

تحيااااااااااااتي :

سنوعه (ام مزيان)