استفسار عن انسداد الانابيب

اشلونكم يأحلى كويتيات وان شاء الله اتصيرون أحلى أمهات…

بنات انا عندي استفسار عن شي اسمه انسداد الانابيب
شنو اهوا …. وشيسوي…. وله علاج ولا ؟؟

انا صارلي متزوجه سنه وللحين ماحملت وبصراحه انا كل مايجامعني زوجي بعدها على طول ينزل كل السائل أو كميه كبيره منه فامادري هل هذا له علاقه بانسداد الانابيب
ياريت اللي تعرف تجاوبني الله يرزقها..

السائل اذا نزل مو معناه الانابيب مسكرة ..
السائل عادة يتكون بالملايين وطبيعي ينزل كميه .. لان حيوان واحد يسبب الحمل بان الله ..

والانابيب لازم تسوين اشعه صبغه مع بنج اذا تخافيين .. ووقتها لو الانابيب مسكرة راح يفتحونها بالاشعه بعلاج ملون

وشي ما يخوف مثل طريقه السونار ..

انا سويتها في البراء كلينك مع بنج 110 وبدون بنج 60

والله كريم

والله ماعرف بس حبيت ادعيلج ان الله يرزقج يارب من غير طبيب

لاتحاتين حبيبتي مثل ماقالت الأخت عادي اذا نزل يصير فيه حمل بس أنا أعرف بعد انه اذانزل كله يكون الرحم مايل والدكتور يبين معاه بالفحص المهبلي اذا كان مايل وانصحج تروحين حق حرمة وقت الدورة تمرخج وترده وضعه الطبيعي وان شاءالله المشكلة عادية وتحملين

مشكوووره اختي يالعصاميه…. بس انا سويت فحوصات والحمدلله سليمه وأثنين دكاتره افحصوني وسولي سونار والحمدلله الرحم كان طبيعي جدا..

حبيبتي انا معاي التصاقات بالانابيب

ومن تزوجت السائل كله ينزل برا

بس مادري نزول السائل له علاقه بالاتصاقات وانسداد الانابيب

ولا ان كل الحريم ينزل السائل منهم وهالشئ طبيعي

انسداد الانابيب علاجة باشعة الصبغة والسونار ماله شغل بالأنابيب لان الانابيب اذا مفتوحة او مسكرة ماتبين الا باشعة الصبغة او عملية المنظار

الله يستر انا نفس حالتج خايفه
بس الله كريم

الله يرزق الجميع .

انا بعد راح اسوي اشعة الصبغة ..و خايفة

حبايب لا تحاتون

انا اعرف صديقتي استأصلو منها أنبوب واحد يعني ضلت على انبوب واحد بس وسبحانه الله بدون علاج احملت من الله

حتي الدكاتره انصدمو ……يارب ترزق حبيباتي الحمل عاجل غير آجل يالله ياكريم