استفسار عن المستشفى والكمام

قوة بنات
انا ولاداتي كانت بالمواساة بس حزتها كان رويال حياة مو موجود

فجان زين اللي جربت المواساة ورويال حياة تقولي شنو الأحسن من ناحية العناية بالأم والبيبي ؟؟؟ يعني اقصد اللي ولدت بالمواساة وبحملتها الثانية ولدت برويال حياة وفرق معاها الوضع جان زين تقولي اي مستشفى احسن

الشغلة الثانية
ماشالله وايد بنات يقولون انهم من يستعملون الكمام يحسون انهم بحلم وفجأة الا اهم والدين بدون لا يحسون ابأي شي
بس انا بولاداتي حتى وانا استعمل الكمام احس بكل شي احس بالعوار لدرجة ان بولادتي الثانية قمت اصرخ وحذفت الكمام اقولهم انتوا جذابين مسكرينه مو مشغلينه
فهل هالشي لان طلقي يكون جايد ولا ان كمام المواساة مو ذيج القوة ؟؟؟؟؟
بليز قولولي لاني وايد شايلة هم هالموضوع

بليز جان زين تفيدوني

lailalaila
تسلمين حياتي بس انا مابي هادي

وردة بنفسجية
تبين الصج ؟؟؟ والله والله اني احس بكل شي حتى وانا حاطة الكمام ،، ما ادري شلون بعضهم يقولون ما يحسون بشي ؟؟

ام مرايم
لا بالعكس الكمام مو اهم من المستشفى ،، الكمام فايدته وقتية بس المستشفى بتضلين جم يوم ولازم ما يكون مستواه اي شي من ناحية الرعاية والإهتمام ،، بس انا سألت عن الكمام لان في ناس يقولون لي من كثر ما آخذ بنادول واشرب قهوة ما يفيد معاي الكمام نفس غيري ،، وفي ناس تقول كمام المواساة مو قوي ،، انتي ما تتخيلين شكثر اتعب والله ما تتخيلين بولادتي الثانية من كثر ما قمت احوس بالفراش من العوااار جم مرة يمسكوني السسترات بعدين اختي قالت لي اني من كثر ما افرك بمكاني من العوار اكثر من مرة بغيت اطيح من الفراش تقولي مع ان الكمام كان عليج ،، قلت لها ادري حتى كلامكم كله اتذكره شفتي لاي درجة ما يسويلي شي ؟؟

بس انزين اللي يمدحون كمام الهادي ودار الشفا اذا كان يسطلكم لهالدرجة شلون تدفعون البيبي وانتوا ابهالحالة ؟؟