|
|
انا شريت قطوه من اسبوع ، و عمرها تقريبــا شهرين ..
وديتها البيطري ( الري ) وفحصتها شامل ، و الحمدلله قالي كل شي تمام ، وقالي بعد اسبوع ايي عشان اطعمها.
القطوه لعوبه ما شاء الله – بس ما تحب أحد يمسكها كلش !
من يمسكها أحد توخر عنه – يعني لي درجه ان اذا يا وقت النوم ومسكتها ، توخر عن المكان وتروح تنام بمكان ثاني !! ليش هذا التصرف ؟ و شلون اقدر اعالج هذا التصرف ؟ واخليها تتقبل الأمر ؟
وفي شي انا مو حابته فيها ، انها تحب تنام يمي – وانا ما ابيها تنام يمي لسلامتها اخاف افعصها ولا شئ . شنو الحل ؟ وللعلم انا شاريه لها مكان تنام فيه ، بس كلش ما تحب تقعد فيه تفضل النوم على الارض ولا انها تنام فيه.
و في شي ثالث – داري كلها وايرات – مثلا شحن تلفون وبلاكات انترنت ووصلات تلفزيون
هالشي يضرها او لا ؟ لأنها تحب تتعبث فيهم.
و فيها مشكله ما تحب تقعد بروحها ابد – يعني من اطلع من الدار او حشاكم ادخل الحمام تقعد تونون ما تسكت.
واخر شي ، انا داري فيها سراميك وايد وفيها قطع زل – السراميك يضرها ولا لا ؟
للعلم انا مسكره الدرايش ومدفيه الدار عدل – بس يعني غالبا السراميك يكون بارد نوعا ما – فيه مشكله ؟
شلون يتم التصرف معاها في تصرفاتها العجيبه !
لما تأكل مسحي عليه و صوب راسها بين العيون دلكييها < القطاوه تحب تسوينلها جذي او تحت صوب الحنج ,
لا تكفخينها , وقت ما تشوفينها نايمه مسحيي عليها ,
و ان شا الله بتتعود علا ايد الانسان ,
– خلييها تنام عندج , لآنهااا حييل اصغيره و تبي تحس بحنان امها يعني انتي خذيتيها من امها الي المفروض انها كل ليله تنام بحضنها حرمتييها ! , مو شرط تنام يممج , حطي يمج مخده و خليها تنام و حطي ايدج عليها و نامي و شوي شوي وخريها و خلي تنام صوب رجلج < لا تدخليينها داخل و تختنق 
و اذا تبين نصيحتي ! خلييها تنام عندج عشإن ما تمرض لانه السرير بيكون ع الارض و شوي نازل مومرتفع و الهوا البارد يكون تحت و الحين شتا و تمرض
– الوايرات شيليهم او وخرييهم بمكان ما تروحله عشإن ماتتكهرب ,
– قطوتج صغييره لازم تلعبين معاها او خلي اخوانج يلعبون معاها اذا ماتقدرين , < اخوانج الكبار مو تعطينهم بو 11 سنه يلعنلج خيرها 
!
– السيرامييك كثرت قعدتها فييه مو زينه لانه بتمرض !
– جم نصيحه ,
– زيدي وجباتها لانها صغييره
– الفحص يكون كل 3 اشهر
– لا تسبحينها الا لما تكمل 3 اششهر , بس امسحي جسمها بفوطه ماي دافي موو تغرقينها
– الاكل تأكدي دايما من صلاحيته + العمر
– الرمل يتنظف كل اسبوع
– الاكل لا يقعد فتره طوييله يعني ساعتين , حطيلها اكل من تخلصه شيليه
– الصبح حطيلها حليب و ماي ,, و شيليه الظهر , طبعا مو كل يوم , اذا كملت 3 اشهر لا تحطينلها حليييب خل يكون بالاسبوع مره ,
– عطيها دراي فود و ويت فود و عيش ابيض و بيض حطي دهن شوييه قفشه صغيره و اقليها و حطي حليب شوي و عطيها الصبح الله يعطيها العافيه عود ومسك كلا تنصح فيها و تمتّن القطوه ,
عاد تدرين انا قطوتي اول ما خذيتها كانت متبتبه ما شاء الله .. الحين قامت تضعف ضايق خلقي
انا قاعد اعطيها ( Royal cinin ) + ماي بس على مدار اليوم
– زين يعني احطها لها حليب مره باليوم او مرتين ؟ واي نوع حليب ؟ بودر عادي .؟ ولا اشتري حليب من بت زون الخاص مال القطاوه ؟
– البيض شلون ما فهمت الطريقه ! + اعطيها صدر دياي شوي ولا لا ؟
– موضوع النومه انا خايفه انها تتعود على السرير مشكله بعدين اخاف افقصها 
– تصدقين زين قلتيلي عن لتراب لأن صارلي فتره ما غيرته – شكلي عذبتها مسكينه .gif "Eh S(16)")
اذا عندكم نصايح حلوه لا تبخلون علي فيها ترا توني يديده وعليميه
بس ابي يكون شرح بسيط و مفهوم على قدي
يعطيكم الف عافيه :**
للعلم ان اللي عندي نثيه
بس قالولي راح يأذيها بعدين ؟
ما قصرت بردها بس انتي حاسه ان كلامها حوسه بس كله سهل ماكو شي صعب بس ركزي معانا :d
بالنسبه للنوم خل اقولج موقف يضحك
الله يسلمكم في يوم من الايام ولدت قطوتي
كنت حاطتهم بالكبت مال اكلهم ومن بدو يطلعون ويتمشون وكبرو شوي وبدو يعرفون يقلدون امهم ويصعدون للسرير واستانسو على دفى السرير وصارو ينامون فوقي هههههه
اي مكان على رجلي على فخذي على بطني عند راسي عند خشمي كل مكان
فا مره من المرات قلبت وانا نايمه ياليت فقصتها جان زين
حسيت بشي طاااااااااار هههههههههههههههههههههههههه
تخيلو شي طار وكملت نومتي يمكن 3 دقايق جان انط من مكاني بستوعب شنو اللي طار والا وحده من الكتن وماصار فيها شي اصلا ردت تسلقت سريري وقطت روحها ونامت
فا بالنسبه للنوم لاتخافين ان فقصتيها بتحس وتنقذ نفسها وغصبن عليج بتحسين لانج اساسا راح تتبرمجين ان الحين انتي مو بروحج وراح تفزين من المحاتاه
اما انج شاريه فراش لها والله مو كل القطاوه يحبون ينامون بمكان واحد يعني هذي مشكله اذا اهي حبت المكان خلاص راح تتعود عليه
يعني انا من زمان اربي وليومج هذا ما قدرت على هالشي
على كيفهم ينامون بالمكان اللي يبونه فا تشوفينهم بين فتره وفتره يبدلون المكان يعني عندي قطوه قزرتها اسبوعين تنام فوق التلفزيون الحين لقت لها زاويه ثانيه وصارلها اسبوعين تنام بنفس المكان
فا هالشي مو بيدج..
الحليب لازم يكون خالي الدسم ومو لازم يوميا
الاكل عندج دجاج مشوي مسلوق اي طريقه بس لازم يكون طري وتقدر تاكله واكثر شي يحبونه الصدر والصدر ترا ناشف فا حاولي انج تاخذينه من المرقه يعني مسلوق
البيض مقلي او مسلوق
كيفج
اذا كان مسلوق اهرسيه لها وصبي فوقه حليب خالي الدسم ومن الحين بهالعمر عشان تحبه راح يمتنها
ولو ما متنها يكفي يكفي انه يمدها بالبروتينات ويقوي مناعتها
خضار مسلوقه جزر بطاط كوسه بس لا تكثرين من البطاط عشان ما يسبب لها امساك
عيش مع روب خالي الدسم هم يتفخ
الموضوع سهل ترا لا تفكرين واجد :d
يعني ساعات امسكها بنظف عيونها من القمص تكرمين ترافس ماتبي تأذيني – ومن امسكها توخر
و سؤال – حبيبتي اذيتج – :**
الحليب احطه لها بودر العادي ؟ ولا اروح بت زون اخذ الحليب الخاص مال الكتن ؟
لاعبيها
ونظفي عيونها وقت ما تكون دايخه او نايمه لا تغصبينها ابدا لانها راح تكره هالشي..فا انتي هاليومين وكليها بيدج دايم عطيها اكل بيدج ولعبيها وحاولي تحطين اكل بحضنج عشان تجي تقعد بحضنج ومن تقعد مسحيها وساحليها لين تدوخ وبعدين عاد حاولي تنظفين شوي شوي واذا قامت خليها لا تغصبينها
قطوتج هذي نفس كتن عندي خوافه حيل من تشوف احد يدش تنحاش وتنخش من كان عمرها شهر ونص ما اقدر امسكها
الحين بدت تحبني لاني انا اللي اوكلها
الحليب اشتري كي دي دي خالي الدسم او بودر بس زيرو فات عادي
الافضل الكي دي دي احسن وجاهز واسرع من البودر
ولا يهمج حاضرين للطيبين
ان شاء الله راح اجرب طريقتج وراح اقولج شنو صار وياي